Ku Indonésie, hata dibatâka mpe nkumbu “émeraude ya Équateur” milio za bantu bê mababa babâka kô. Mu bakisa bantu bô, Mbangi za Yehova mikanda miamingi zidukisa mia mpila na mpila, mu zu dia mababa dia ku Indonésie. Programe mpe zi bâka nawu mu longesa zu dio kwe bantu. Bantu babingi bata mona nsayi mu ngolo zi bata sarila.

Mu 2016, ku Medan (tizunga tia Sumatra du Nord), Mbangi za Yehova zayizi sa lukutakanu lweri na programe mu zu dia mababa. Mfumu yimosi ya luyalu ya tizunga tiango yayizi tala tala ti lukutakanu mu mpila ya mbote lweri yôkelaka. Yandi wasîka Mbangi za Yehova mu programe ya ndongosolo yibahanaka ya ofele. Misamu mi kambwabana na mio miatomo mu simba mutima, ni kayêla mpe mu tanga tintwari na bawu mikunga mu zu dia mababa.

Muntu wukengerelaka kuma kwango watâ ti: “Ka kubwiri’â musamu ko. Miamiansoni mu mpila ya mbote miyôkele. Nita banza Mbangi za Yehova mbo zitatamana mu kubika tukutakanu twa mpila yi mu bungu dia mababa.” Yandi vavutu yika ti, mu ntangu muntu vwiri kuma ko kawâ ti lukutakanu lo mu bungu dia mababa lweri, wadinga mu sa tima mu bungu dia Mbangi za Yehova: “Yandi walomba ti bahana bima kwe muntu ni muntu wabâ ku lukutakanu lo; lutangu lwa batnu lweri 300.”

Mbangi za Yehova mpe mababa zikwe talaka mu ba samunina nsangu za mbote za Bibila. Mbangi za Yehova video mpe zivulu sarilaka mu zu dia mababa dia ku Indonésie, zibayirika mu bakisa bantu mu bâ na nsayi mpe na luzingu lwa mbote.

“Mahendra Teguh Priswanto, directeur régional adjoint de l’association indonésienne yibakisaka mababa ku tizunga tia Semarang (hata dia Java Central) watâ ti: “Mio mi luta yirika mu lungisa nsatu za mababa mia nkatika mia toma miena. Mu tifwani, Video ya Le secret des familles heureuses, nkatika salu yena. Tululombele lwa tatamana mu tisalu tio.”

Ngolo zi saka Mbangi za Yehova zatomo simba mutima wa Yanti, mukento wumosi we baba. Banguri ti: “Vula-vula mbo baseheleka mababa, kâ Mbangi za Yehova luzolo zitusongelaka. Babingi ha kati diawu bawâka, bakwizi longokaka zu dia mababa mu bakisa mababa mu zaba Mvangi’awu na mu bâ na luzingu lwa mbote. Ngolo zibasarilaka zatomo kunsimba mutima.”

Bwawu bu Yanti Mbangi ya Yehova yena mpe mu ekipe ya mbungululu kena yi dukisaka video mu zu dia mababa dia Indonésie. Têle ti: “Mikanda mi tudukisaka, mbo mibakisaka bantu bo bata longoka zu dia mababa mu zaba tomo dia zonza. Kâ, nsungula bantu milongesaka mu bâ na luzingu lwa nsayi.”