Mu juillet 2011, tayizi batika mu dukisa mukanda wa Nzo ya Zangama ya Munkengi wulembolo mpasi mu bakula mu anglais. Mu muvu wumosi baketi toko wa yêla mu dukisa. Nganontia nzengolo babonga? Mukanda wulembolo mpasi mu bakula duka waketi dukaka ntangu zazansoni.

Mu janvier 2013, mikanda milembolo mpasi mu bakula miayizi duka mpe mu français, mu portugais na mu espagnol.

Bayizi yirika mukanda wulembolo mpasi mu bakula mu bakisa bô bakwendaka ku tukutakanu mu anglais ku Nzo ya Nsambululu, kâ anglais ka diena zu diawu dia mbutukulu ko.

Buna kwa nimero ya ntete bu yaduka, mikanda miamingi miatûla mieri vutulaka matondo. Wumosi wa mikanda miango kwe Rebecca, we na mvulu 64 watûka, yandi bâka ku Liberia mpe walembo sa lukolo. Yandi watsoneka ti: “Longoka nita longoka mu tanga. Ntangu zakaka Nzo ya Zangama ya Munkengi ndieri tangaka, kâ ka ndieri ya bakulaka ko. Mukanda wulembolo mpasi mu bakula wa nita zolo. Ndendi wabakula.”

Bibuti biabingi bisarilaka mukanda wulembolo mpasi mu bakula mu bakisa bala bawu mu kubama mu bungu dia ndongokolo ya Nzo ya Zangama ya Munkengi, lwe lumosi lwa tukutakanu twa Mbangi za Yehova.

Rosemary, sansaka batekolo bole ba bakento tsonekene: “Longoka Nzo ya Zangama ya Mukengi na bala musamu wa mpasi weri bâka ntangu zazansoni. Diksionere tweri vulu sarilaka mu bakula nsasa ya ntelo zazingi. Ntangu yayingi tweri yôkesaka mu bakula kwa mitu-diambu bia bimoko, mpe bala ka beri’â vutu simbaka tima ko. Bwawu bu ntangu’eto mu verse tuta ya yôkeselaka na mu bakula tintwari tia verse zo na malongi ma tusimba.”

Tio ni tifwani tita songela luswaswanu lwa mukanda weri toko dukaka na mukanda wulembolo mpasi mu bakula. Mu zonzela lukutakanu lwa sa bantumwa ba Kristo mu Bisalu 15, mukanda weri toko dukaka wutêle: “Musamu walanda ka wabâ timoko tia nzitukulu titariri Nzambi ko mu misamu mia fioti fioti milembolo salu, kâ timoko tia mfunu tieri titariri nkwikulu.” Mu kanda wulembolo mpasi mu bakula wutêle: “Lukutakanu lwawu ka lwabâ timoko tifwatikisaka ko mu misamu milembolo salu mia dibundu, kâ timoko tia mfunu tieri titariri ndongosolo za Bibila.”