Kâni, mu bungu ti muntu yandi beni fweti sola mu sambila Nzambi. (Bisi-Rome 14:12) Mbangi za Yehova mitieno mia Bibila zilongesaka kwe bala bawu, kâ bala bu bakulaka, bawu beni bafweti bonga nzengolo ya bâ Mbangi za Yehova.​—Bisi-Rome 12:2; Bisi-Ngalate 6:5.

 Ntiana bibuti biabiansoni, Mbangi za Yehova misamu miyôkele bubote mu bungu dia bala bawu bakekoloko. Misamu mi bamonaka ti mbo mibasarisa mu luzingu babalongesaka: Bawu bazololo babâ na lenda dia sarila, mpe bazaba mitieno mitariri ndiatulu na nkwikulu za nsambululu. Mbangi za Yehova lukwikulu lwe nawu ti Bibila luzingu luyôkele bubote dihanaka. Ntiangu basarilaka ngolo mu longesa bala bawu ndiatulu ya mu Bibila mpe ku tukutakanu twa Bakristo ba bakwendaka nawu. (Lubambu 6:6, 7) Muna mwana, bu wukulaka, lendi sola yandi beni tala ti dibundu dia bibuti biandi katambula peleko kâni.

•  Ngano Mbangi za Yehova bala ba bebe babatisaka?

•  Ngano Mbangi za Yehova bala bawu zikumaka tala ti bakariri mu batusu?

•  Mu bungu dia nti Mbangi za Yehova zinatinaka bala bawu mu tisalu tia samuna?

•  Ngano Mbangi za Yehova malaki zikembelaka?

•  Bwe bala ba Mbangi za Yehova babongelaka ndongosolo yi babahana?

 Kâni. Bibila ka ditambulaka bateme ya bala ba bebe ko. Mu tifwani, Bibila disongele ti ntete babatusu mpe babâ Bakristo, bantu ba mu mbandu ya ntete bayizi wâ nsangu zi babasamunina, bayizi za tambula mpe bayizi soba mabanza. (Bisalu 2:14, 22, 38, 41) Mu batusu, muntu wufweti bâ na mvula zifwanane mu bakula ndongosolo za Bibila, wufweti kwikila mpe wufweti bonga nzengolo ya zinga tintwari na ndongosolo zo. Bima bio mwana bebe ka wulendi’â wasa bio ko.

 Bala bu bakwe kuri, kampe mbo babonga nzengolo ya batusu. Kâ, yandi fweti tomo bakula nzengolo yi kata bonga.

 Kâni. Mbangi za Yehova mu tiari zibâka bala bu balembo landaka timinu tiawu. Mbo batatamanaka mu ba zolo. Ka ba kwizi’â yambirikaka mwana ko mu bungu ti wu kariri mu bâ Mbangi ya Yehova.

 Misamu miamingi misaka ti Mbangi za Yehova zasarilaka bo. a

•   Bibila kwe bibuti dilombaka balongesaka bala bawu misamu mitariri Nzambi mpe bafweti ba longesa mu mu sarila. (Bisi-Efeze 6:4) Mu bungu ti nsambululu mbo yidingaka mu zonzelaka timinu tieto kwe bantu bakaka, tisalu tia samuna mfunu tiena mu ndongokolo ya timpeve ya mwana.​—Bisi-Rome 10:9, 10; Bahebre 13:15.

•   Bibila bantwenia dilombaka mu “kembela nkumbu ya Mfumu.” (Mikunga 148:12, 13, Bible des Peuples) Mpila ya mfunu ya kembela Nzambi ni mu mu zonzelaka kwe bantu bakaka. b

•   Bala bu basamunaka tintwari na bibuti biawu, ndandu zazingi babakaka. Mu tifwani, bala mbo balongokaka mu zonza na bantu ba mpila na mpila mpe bifu bia ntalu bakurisaka, ntiana tiari tia mutima, mbote, buzitu na luzolo lwa mutima. Bawu mbo balongokaka mpe mu bakula mu bungu dia nti bakwikilaka mu Bibila.

 Mbangi za Yehova ka zikembelaka Malaki ma mabundu ko na malaki makaka malembo tâka Nzambi nsayi. c (2 Bisi-Korente 6:14-17; Bisi-Efeze 5:10) Mu tifwani, ka tukembelaka malaki ma mbutukulu ko (anniversaires de naissance) na Noele ko, mu bungu ti malaki mango ka matûkaka mu Bibila ko.

 Diangana, tuzololo mu yôkesaka ntangu na makanda meto mpe tuzololo tahanaka makabu kwe bala beto. Ka tubikaka bantu bakaka ko peleko tima tiakaka tiatutuma mu yôkesaka ntangu na bantu ba makanda meto peleko mu hana tima kwe muntu. Beto beni tusolaka ntangu ni ntangu mu muvu mu hana makabu kwe muntu.