Ngano makwela ma Mbangi za Yehova bwe mayôkelaka?
Kwe Mbangi za Yehova, makwela mukembo wubâka wulembolo nkaka na wa kwezama, ku basaka tinzonzi titûkaka mu Bibila. Ha manima, bantu bakwelane balendi kubika malaki mu bungu dia bantu ba batikisi, mu dia na mu nwa mwa tima. a Musamu wa mbote wena wa zaba ti, Yezu ku malaki ma makwela kayenda ku hata dia Kana, mu ntangu yi kabatika tisalu tiandi.—Za 2:1-11.
Bwe malaki ma makwela mayôkelaka?
Ntangu yiyôkele mfunu ya makwela ma Mbangi za Yehova ni tinzonzi tisaka mukuluntu wumosi wa Mbangi za Yehova, tia minite 30. Tinzonzi tio tia luzolo mpe titindisaka, bantu bakwelane titarilaka; malongi ma mu Bibila mu bungu dia bantu bakelane tizonzelaka, ngatu babâ na longo lwa nsayi mpe luzingila.—Bisi-Efeze 5:33.
Mu nsi zakaka, luyalu nzila luhanaka kwe bakuluntu ba Mbangi za Yehova mu kwelesaka bantu. Buna, ku nsuka ya tinzonzi tiandi, bantu bata kwelana mbo badiaka mpana bawu na bawu. Bawu mpe balendi lwatasana bage mu milembo. Mukunluntu mbo kata ti beka mukento na bakala.
Mu nsi zakaka, musiku wa nsi mbo wutâka ti tisari tia luyalu kwa tilendi kwelesa bantu. Dieka bo, ntete bawâ tinzonzi bafweti toko kwenda ku luyalu. Tala ti bantu bakwelane ka badiri’â mpana ko bawu na bawu, balendi dia mpana yango ha nsuka ya tinzonzi. Tala ti, mpana ya badiri ha meso ma luyalu, balendi kârila, kâ mu nzonzolo bafweti songela ti ya basiri. Tinzonzi mu lusambulu timanisinaka, mukuluntu bu wulombaka kwe Nzambi kasakumuna bantu bakwelane.
Kwe Mbangi za Yehova zisilaka malaki ma makwela?
Mbangi za Yehova zazingi zisilaka makwela mawu mu Nzo za Nsambululu, tala ti ka bata ya sarila ko. b Tala ti bantu bakwelane bazololo basa malaki, mu mbuka yakaka basilaka mo.
Nani lendi kwiza?
Tala ti makwela mu Nzo ya Nsambululu basiriri mo, butomo tala, muntu ni muntu wulendi kwiza. Tala ti bantu bakwelane bakubikiri malaki, bawu beni basolaka nani lendi kwiza.
Ngano mpila yibâka kô ya lwatila?
Makwela bu mabâka ku Nzo ya Nsambululu, ka kubâka mpila ya lwatila ko. Kâ Mbangi za Yehova ngolo zisarilaka mu landa mitieno mia Bibila mitariri ndwatulu: Bawu keba basaka mu lwatila mu mpila ya buzitu na ya bunkete. Bantu bakwelanaka nsayi yi bâka nawu mu ntangu bantu ba batikisaka balandaka mitieno mia Bibila. (1 Timote 2:9) Musamu wo wufwanane mpe na malaki malanda.
Ngano makabu bahanaka kwe bantu bakwelane?
Bibila ditulombele mu kabaka mu luzolo lwa mutima. (Mikunga 37:21) Mbangi za Yehova nsayi yibâka nawu bu bakabaka na bu batambulaka makabu. (Like 6:38) Kâ, Mbangi za Yehova ka zilombaka makabu ko, mpe ka zitâka nkumbu za bantu babahanaka makabu ko. (Matie 6:3, 4; 2 Bisi-Korente 9:7; 1 Piere 3:8) Nsalulu zo ka batambulaka zo ko, mu bungu ti Bibila ka ditambulaka zo ko mpe zilendi fwemesa bantu bakaka.
Ngano mbwata za babotasaka bu banwaka?
Kâni. Mbangi za Yehova ka zibotasaka mbwata na makopa ko mu bungu dia muntu wakaka, mu bungu ti nsalulu yango kwe bapaye yatûka. c Mbangi za Yehova mu mpila zakaka basîkilaka bantu bakwelane.
Ngano bantu bakwizaka ku malaki bima balosaka kwe bantu bakwelane?
Kâni. Mu nsi zakaka, bantu bakwizaka ku malaki nsalulu yibâka nawu ya losaka loso, na bima biakaka bia mpila yo, kwe bantu bakwelane. Bawu babanzaka ti bantu bakwelane mbo babaka bweso, luzingu lwawu mbo luzingila mpe mbo lubâ lwa nsayi. Kâ Mbangi za Yehova, ka zitambulaka nsalulu zo ko mu bungu ti nsabululu yena ya nzambi za bungungu. Ka batâka bonne chance kwe bantu bakwelane ko, mu bungu ti ka wudelakane’â ko na mitieno mia Bibila.—Izaya 65:11.
Ngano bima bia dia na malavu mabâka kô?
Mu ntangu ya makwela ku Nzo ya Nsambululu, ka badiaka ko mpe ka banwaka tima ko. Bantu bakaka bakwelanaka malaki basaka ha manima ma tinzonzi tia makwela peleko ndia na malavu. (Ekleziaste 9:7) Tala ti babongele nzengolo ya hana bantu malavu ma ngolo, mayela basaka mu lembo yôkesa ndilu, mpe kwe bantu kwa bê na mvula za fwanana bahanaka mo.—Like 21:34; Bisi-Rome 13:1, 13.
Ngano mizike na matinu mabâka kô?
Tala ti basiri malaki mu bungu dia makwela mawu, balendi sika mizike mpe balendi tina. (Ekleziaste 3:4) Mizike mi basikaka mu bunkete basolelaka mio tintwari na tikulu tiawu, mpe na mizike mi bazoloko. Ku makwela ma basaka ku Nzo ya Nsambululu, mizike mibâka kô mie na mitu-diambu mitûkaka mu Bibila.
Ngano Mbangi za Yehova bilumbu bia makwela bakembelaka?
Mitieno mia Bibila ka mitumaka ko bakembelaka bilumbu bia makwela, ka miyiminaka ko mpe bakembelaka bio. Muna muntu fweti bonga nzengolo ya kembelaka tilumbu tia makwela mawu. Mbangi za Yehova bu zikembelaka tilumbu tia makwela mawu, ba bole babâka, balendi bâ tintwari na makanda mawu peleko ndiku zawu.
a Bikulu na misiku mitariri makwela bia swaswana biena mu mahata na mu bizunga.
b Tisari tia Mbangi za Yehova tisaka tinzonzi ka bafutaka tio ko. Nzo ya Nsambululu ya ofele bahanaka kwe bantu bakwelane.
c Mu zaba nsangu zakaka zitariri ntûkulu ya nsalulu yo, tala mutu-diambu wa “Biyuvu bia bitangi” mu Nzo ya Zangama ya Munkengi ya 15 février 2007 (Français).
