Ngano ndongokolo ya Bibila yi saka Mbangi za Yehova bwe yiyôkelaka?
Mbangi za Yehova mpila ya mbote zisarilaka mu longesa Bibila. Programe’eto ya ndongokolo ya Bibila yilendi ku bakisa mu:
Bâ na luzingu lwa nsayi
Bâ ndiku ya Nzambi
Longoka mio mi kanisini Bibila mu bungu dia bilumbu bia ku matu
Mu timoko ti, mbo mona
Bwe ndongokolo ya Bibila yisalamanaka?
Mulongi’aku mbo kakubakisa mu zaba Bibila malembe-malembe, wuzololo tâ mu muna mitu-diambu. Bu lusarila buku dia Bâ mu nsayi ntangu zazansoni!, mbo longoka malembe-malembe mio mi tâka Bibila mpe bwe dilendi ku bakisila. Mu zaba miakaka, tala video yi.
Ngano mfweti futa bongo mu longoka?
Kâni. Mbangi za Yehova lutwalusu lwa hana Yezu kwe milongoki miandi: “Bia mpamba lwabakiri, haneno mpe bia mpamba.” (Matie 10:8) Musamu wakaka ni wena’eti, Bibila na buku dilusarila we na mutu-diambu Bâ mu nsayi ntangu zazansoni!, bia mpamba biena.
Ndongokolo ntangu zikwa yisaka?
Bimoko 60 bie mu ndongokolo yayansoni. Ni nge sola ntinu zita zolo longokele, kâ milongoki miamingi mizoloko mu longoka timoko timosi peleko biabingi mu lumingu.
Bwe nisa mu batika ndongokolo?
1. Fulusa formilere mu Internet. Mbo tusarila nsangu zaku, ngatu Mbangi ya Yehova yimosi yakumonekena.
2. Mulongi wumosi wukumonekena. Mulongi’aku mbo wukuhana mabanza ma nguri ma ndongokolo mpe mbo kahana mvutu mu biyuvu bilendi bâ naku.
3. Nge na mulongi’aku mbo lukubika misamu mu bungu dia ndongokolo. Ndongokolo yilendi yôkela ku nzo’aku, ku mbuka yakaka, ku telefone, mu appel video, lulendi tsoneka mikanda peleko mu Internet. Vula-vula, ndongokolo 1 heure yisaka, kâ yilendi bâ ya nkufi peleko ya yila tintwari na programe’aku.
Ngano ndedi yêla mu longoka mu zaba tala ti mbo bubâ?
Yee. Mu sila bo, fulusa formilere mu Internet. Mulongi bu wukumonekena, mu têla ti zololo wayêla ndongokolo ya Bibila mu zaba tala ti mbo zolo yo. Yandi mbo kasarila mukanda wa Bâ mu nsayi ntangu zazansoni!, we na bimoko bitatu.
Tala ti tamburi ndongokolo ya Bibila, ngano mbo bakunsa tiya mu bâ Mbangi ya Yehova?
Kâni. Mbangi za Yehova zizololo mu longesa Bibila kwe bantu, kâ ka basaka bantu tiya ko mu kota mu dibundu diawu. Kâ mu buzitu basongelaka misamu mi longesaka Bibila, mpe banzaka ti muna muntu nswa we nandi wasola nti kakwikila.—1 Piere 3:15.
Ngano ndendi sarila Bibila diani?
Yee, lendi sarila mbangululu ya Bibila yizololo. Ni bu sa ti Mbangi za Yehova zizololo mu sarila La Bible. Traduction du monde nouveau, yilembolo mpasi mu bakula mpe ye matieleka, mbo babakulaka ti bantu babingi bazoloko mu sarila mbangululu ya Bibila yi bayuku na yo.
Ngano ndendi tikisa muntu wakaka ku ndongokolo?
Yee. Lendi tikisa bantu ba kanda diaku peleko ndiku zaku.
Tala ti natilongokela na Mbangi za Yehova, ngano ndendi kârila ndongokolo ya Bibila?
Yee. Diangana, mbo zolo mpila’eto ya longokela ya môna, mu bungu ti yidelakane na nsatu za bantu lumbu ti. Nkatika timoko tibâ mpe binsinsa biabingi bie mô.
Bwe ndendi sa mu longoka Bibila, meno ka nibê na mulongi?
Ni bu sa ti milongoki miamingi mikulu zabaka na lubakusu lwa mulongi, bakaka bazololo mu batika ndongokolo bawu beni. Lweka lweto lwa “Bisalulu bia ndongokolo ya Bibila” liste lutangumunaka lwa bisalulu bilendi ku bakisa mu ndongokolo’aku. Bisalulu bilendi ku bakisa ni ebi:
Video za Bibila. Video zo za nkufi mvutu zihanaka mu biyuvu bia nguri bia Bibila.
Biyuvu bitariri Bibila. Mitu-diambu mio mvutu mihanaka mu biyuvu biabingi bitariri Bibila.
Ngano verse zo bwe zita zolo tâ. Dzukula bwe verse zakaka zizolo tâka peleko ntêlo zi balembolo tomo zaba.
Dzukula mpe...
MABUKU & MIKANDA
Bâ mu nsayi ntangu zazansoni!—Mbatukulu ya ndongokolo ya Bibila
Mukanda wu, lendi wa sarila mu batika ndongokolo’aku ya Bibila tintawri na programe’eto ya ndongokolo ya Bibila ya ofele.
BETO NI BANANI?
Mu bungu dia nti tufweti longoka Bibila?
Bibila mvutu dihanaka mu biyuvu bia binene bia luzingu kwe bantu babingi mu nza. Ngano zololo wabâ mosi mu bawu?
BIYUVU BITARIRI BIBILA
Ngano nti bilendi ku bakisa mu bakula Bibila?
Lendi bakula nsangu zo za ntalu.