Bibila ditêle ti “Yehova kayimina kani tima tia mbote ko kwe bô badiatilaka mu mpila ya kangama.” (Mikunga 84:11) Ngano “diatila mu mpila ya kangama” bwe wuta zolo tâ? Musamu wo wuzololo tâ diatila mu mpila yisongelaka ti kani diaku sarilaka, di wasa kwe Yehova mu ntangu yi watihana kwe Yandi. (Ekleziaste 5:4, 5) Bwe lendi diatila mu mpila ya kangama ha manima ma bateme?

Mu timoko ti

•  Tatamana mu korela misamu mizingilaka

•  Tatamana mu telamana ntontolo

•  Tatamana mu kurisa luhemo lwaku

 Verse ya mfunu: “Tufweti bwabana na ntontolo zazingi ntete takota mu Timfumu tia Nzambi.”—Bisalu 14:22.

 Bwe yita zolo tâ: Bu tomo tala, Bakristo babansoni mbo babwabana na nkwamusu mu luzingu. Misamu miakaka mi tubwabanaka na mio, ntiana nkwamusu na ntontolo, ni mu bungu ti Bakristo twena. Misamu miakaka, ntiana mbaya na bimbevo, milendi tûrila bantu babansoni.

 Nti lendi kekolo: Bwawu bu na ha manima, luzingu lwaku mbo lusoba, mpe ntangu zakaka mu mpila yilembo kekolo. Bibila ditêle ti misamu mia mbi milendi tûrila muntu ni muntu​—Bakristo peleko kâni.—Ekleziaste 9:11.

 Nti lendi sa: Bu zebi ti mbo bwabana na nkwamusu, lendi kubama mu telamana zo. Monaka nkwamusu ntiana bweso bwa kurisa timinu tiaku na bwa tomo sikirila Yehova. (Zaki 1:2, 3) Ha manima, mbo bâ na lenda dia tâ, ntiana ntumwa Paulo: “Mu misamu miamiansoni, ngolo ze nani mu bungu dia wô kunganaka lenda.”—Bisi-Filipe 4:13.

 Malongi: Longoka tinsamu tia Yozefe. Lendi tanga tinsamu tiandi mu Mbatukulu tikapu 37 na 39 tii 41. Tiyula: Ntia ntontolo zi kalembo kekolo zamutûrila, mpe bwe kasa mu telamana zo? Bwe Yehova kabakisila Yozefe?

 Nsatu lubakusu lwakaka?

•   Tanga:

   “Bwe ndendi telamana matimuna?”

   “Ngano bwe nikorelaka misamu?”

   “Bwe ndendi telamana nsobolo”

•   Benda mu Internet:

   “Tibuti bu tibâka na timbevo”

 Verse ya mfunu: “Muna muntu mu ntontolo wukotaka, bu kabikaka nsatu zandi zamutonta mpe zamuwubakasa.”—Zaki 1:14.

 Bwe yita zolo tâ: Ntangu zakaka, beto bansoni nsatu zitutontaka; tala ti ka tuzabiriri’â zo ko, zilendi tu tuma mu yirika mbi.

 Nti lendi kekolo: Ha manima ma bateme, mbo vutu bâ na “nsatu za tinsuni.” (2 Piere 2:18) Lendi kota mu ntontolo ya vukasa nitu ntete wakwela.

 Nti lendi sa: Bonga nzengolo bwawu bu—ntete wakota mu ntontolo—ngatu walembo bika nsatu zaku zabonga nzengolo zi fweti bonga nge beni. Bambuka ti Yezu watâ: “Ka kwena muntu ko wulendi bâ ngamba ya mfumu zole.” (Matie 6:24) Lendi sola nani bâ mfumu’aku. Bika wa bâ Yehova. Ntono ngolo za nsatu za mbi, lendi sola mu lembo za lungisa.—Bisi-Ngalate 5:16.

 Malongi: Longoka mu zaba misamu mi we ngolo, na mi lembolo ngolo. Sola ndiku zikubakisa mu kurisa bifu biaku bia mbote. Dioka bantu, mbuka na misamu mikukabakasa mu yirika misamu mia sungama.—Mikunga 26:4, 5.

 Nsatu lubakusu lwakaka?

•   Tanga:

   “Bwe ndendi telamana ntontolo?”

   “Bwe ndendi sa mu lembo vulu bâka na mabanza ma vukasa nitu?”

   “Bwe lendi telamana nkwamusu za bampwana’aku”

   “Ngano mpila yi mwinaka Yehova misamu, ni yo mwinaka mio?”

 Verse ya mfunu: “[Songeleno] luhemo lwa mpila yo [. . .] tii ku nsuka, ngatu lwalembo bâ bilenga.”—Bahebre 6:11, 12.

 Bwe yita zolo tâ: Wô lembo tûlaka mutima mu tisalu, lendi kwizi nôka mpe lendi kwizi bâ tilenga.

 Nti lendi kekolo: Kampe manzangu na luhemo lwalwingi lwabâ naku ha manima ma bateme’aku. Luzolo lwalwingi lwa bâ naku mu Yehova. Kâ ha manima, kampe mbo bâ na mpasi za tatamana mu tumamana Yehova mu miamiansoni, lendi kota mu bunôkena mpe wolese luhemo lwaku.—Bisi-Ngalate 5:7.

 Nti lendi sa: Tatamana mu yirika misamu mia sungama, ni bu sa ti ntangu zakaka ka wena na nsatu ko ya yirika mio. (1 Bisi-Korente 9:27) Buna, pusana kwe Tata’aku die ku zulu, bu dinga mu tomo mu zaba na bu vulu mu sambilaka. Tatamana mpe mu bâ na bindiku bia mbote na bantu bazololo mu sarila Yehova.

 Malongi: Bambukaka ti Yehova beto katomono zolo, mpe wa kubama wena mu tu bakisa. Kubanzakandi ti wamana kondo luhemo ntangu fioti mbo kakubakila nkesi. Bibila ditêle: “Yandi ngolo kahanaka kwe wô we wa nôka mpe, bô balembolo na ngolo kafulusaka mu ngolo.” (Izaya 40:29) Buna, Yehova mbo kasakumuna ngolo zaku za vutu bâ na luhemo

 Nsatu lubakusu lwakaka?

•   Tanga:

   “Ntwenia—Tatamaneno mu sala mu bungu dia mvukulu’eno”

   “Bwe ndendi tomesena nsambululu’ani mu bungu dia Nzambi?”

•   Tala:

   Misamu mi tâka bampwana’aku—Luzingu luyôkele bubote

 Musamu wa mfunu: Tala ti diatiri mu mpila ya kangama, mbo yangirika mutima wa Yehova! (Bingana 27:11) Yandi mbo kabâ na nsayi ya bâ ha lweka lwaku, mpe mbo kakuhana bio biabiansoni bie naku nsatu mu telamana mitsotso mia Satana.