Yee, mu bungu ti Nzambi zololo ti bantu bakutakanaka mu mu kunda. Bibila ditêle: “Takipasanakeno beto na beto ngatu tasarila luzolo na nsalulu za mbote; ka tuyambirikandi tukutakanu tweto.”​—Bahebre 10:24, 25, note.

 Yezu wasongela kwe milongoki miandi ti mbo kaketi kubika dibundu bu kabatêla ti: “Ni bo, bantu babansoni bazabila ti beno milongoki miani miena​—tala ti lubêle na luzolo beno na beno.” (Za 13:35) Kwe Bakristo, mpila yimosi ya ntete ya songela luzolo lwango mbo yaketi bâ mu kutakanaka na bampwana’awu. Bawu mbo baketi bâ mu bimvuka, mpe mbo baketi vulu monasanaka mu bungu dia nsambululu. (1 Bisi-Korente 16:19) Mu tintwari, mbo baketi bâ kanda dia mu nza yayansoni.​—1 Piere 2:17.

Ka wufweni’â ko mu bâ mu dibundu

 Bibila ditâka ti tufweti kutakanaka mu kunda Nzambi, kâ ka ditâka ko ti mu tâ Nzambi nsayi muntu wufweti bâ kwa mu dibundu. Ngatu Nzambi katutambula, dibundu dieto difweti nata nsobolo mu luzingu lweto. Mu tifwani, Bibila ditêle: “Dibundu dia verela mpe dilembolo na mvindu ha meso ma Nzambi na Tata’eto ni edi: Kipaka bala ba nsana na ba ma fwawu mu matimuna mawu, mpe lembo bika ti nza ya tu bebesa.”​—Zaki 1:27, note.