Ngano ndendi baka lutindusu mu Bibila?
Mvutu ya Bibila
Yee. (Bisi-Rome 15:4) Tala bifwani bia verse za Bibila zatindisa bantu babingi babwabana na misamu mia mpasi na mfietokoso.
Mu mutu-diambu wu
Titantu
Mikunga 23:4: “Ni bu sa ti mu mudimba wa buyongongo nita kwe diati, ka nita tîna kani musamu wa mbi ko, mu bungu ti ni we nani.”
Nsasa: Bu sambilaka, mpe bu sikirilaka Zu dia Nzambi mu ku bakisa, lendi telamana titantu na butindi.
Bisi-Filipe 4:13: “Mu misamu miamiansoni, ngolo ze nani mu bungu dia wô kunganaka lenda.”
Nsasa: Nzambi lendi ku hana ngolo za telamana musamu ni musamu.
Lufwa lwa muntu wu tazolo
Ekleziaste 9:10: “Ka mwena tisalu ko, ka mwena kani ko, ka mwena luzabu ko mpe ka mwena ndwenga ko, mu Ndiamu, mu ta kwenda.”
Nsasa: Bantu bafwa ka bamonaka mpasi ko, mpe ka balendi’â batusa bubi ko. Ka bazebi’â kani tima ko.
Bisalu 24:15: “Mvumbukulu ye kô.”
Nsasa: Nzambi lendi vumbula kwe ba fwa bantu ba tahombesa.
Mabanza ma tisembaka
Mikunga 86:5: “Mu bungu ti nge, Ô Yehova, a wa mbote wena mpe zololo mu lemvokela. Luzolo lwa kwikama lwa sampa lwe naku kwe bantu babansoni bakutâka mbila.”
Nsasa: Nzambi bantu kalemvokelaka batomo fwemaka mu bungu dia makuba mawu ma ntama, mpe babonga nzengolo ya lembo vutu kârila.
Mikunga 103:12: “Ntiana kwa ku dukilaka ntangu bu kwe mala na ku yidiaminaka, misamu mieto mia mbi mala katûlaka mio na beto.”
Nsasa: Nzambi bu kalemvokeleaka, masumu meto katûlaka mala na beto, mu mpila yi tulendi lembo banza. Yandi kavutu’â ma bambulaka ko ntangu zazansoni mu tukwikisila misamu peleko mu tu semba.
Maniongo
Mikunga 31:7: “Mpasi zani za mweni; mpasi zani za zinene za zebi.”
Nsasa: Misamu miamiansoni mikukwamisaka, Nzambi mia katomono zaba. Mbanzulu zaku za ku kati za katomo bakulaka—ni bu sa ti bakaka ka bata tu bakula ko.
Mikunga 34:18: “Yehova penepene kena na bô bê na mitima mia lwala; Yandi bô bê ba nôka kavukisaka.”
Nsasa: Nzambi kanisini mu ku bakisa bu baka mu tiari. Yandi lendi ku hana ngolo za telamana mpasi zaku.
Timbevo
Mikunga 41:3: “Yehova mbo kamubakisa ku mfulu’andi ya timbevo.”
Nsasa: Nzambi lendi ku bakisa mu telamana timbevo tia ngolo, bu kakuhana tidzunu tia ku kati, na ngolo, nkwamu, na timpwanza tia bongela nzengolo.
Izaya 33:24: “Ka kubâ muntu ko wuzingaka mu nsi wutâ ti: ‘Timbevo tie nani.’”
Nsasa: Nzambi kanisini ntangu bantu yi babâ na tikolela tia mbote.
Mfwemoso na lwaka
Mikunga 94:19: “Maniongo bu makundiyabama, nge wakumbomba mpe wakundembeka.”
Nsasa: Tala ti sikiriri Nzambi bu tubâka ba fwema, Yandi lendi tu bakisa mu tatamana mu bâ ba dzuna.
1 Piere 5:7: “Bu lukwe mu hani maniongo meno mamansoni, bungu ti beno kafwilaka tiari.”
Nsasa: Nzambi mpasi zeto kabelokelaka lwaka. Yandi beto kalombaka mu mu sambila mu bungu dia maniongo meto.
Muzingu
Mikunga 46:9: “Yandi mizingu kasikisaka ha mutoto wa mukaka.”
Nsasa: Ntamana Timfumu tia Nzambi mbo ti katula mizingu miamiansoni.
Mikunga 37:11, 29: “Bantu ba kuluka mbo babiarila mutoto mpe mbo bayangalala mu tidzunu tiatingi. [. . .] Bantu ba sungama mbo babiarila mutoto, mpe mbo bazinga mankululu ha zulu mutoto.”
Nsasa: Bantu ba mbote mbo babâ mu tidzunu mankululu.
Bunkuta bwa bilumbu bia ku matu
Yeremi 29:11: “‘Mabanza me nani mu bungu dia beno ma nzebi’, Yehova têle bo. ‘Mabanza ma tidzunu nzololo mu bungu dia beno, ka ma mpasi’â ko. Nzololo naluhana luzingu lwa mbote mu bilumbu bita kwiza, na tivuvu.’”
Nsasa: Nzambi heni kanda diandi lukwikulu ti dilendi kekolo bilumbu bia mbote.
Nzabukusu 21:4: “Yandi mbo kakusuna mpe mansangaza ma makulu mu meso mawu, lufwa mpe ka luvutu’â kwa sala ko. Ka ku vutu’â sâla mpe bufwiri ko, bidilu na mpasi ko, mu bungu bima bia ntama ka bivutu’â kwa bâ ko.”
Nsasa: Nzambi kanisini mu katula misamu mia mbi mi monaka bwawu bu.
a Yehova ni nkumbu ya Nzambi. (Mikunga 83:18) Tala mutu-diambu wa “Ngo Yehova ni nani?”
Dzukula mpe...
MITU-DIAMBU MIAKAKA
Lutindusu kwe bô bafwilulu muntu
Muntu wu tuzololo bu wufwaka, tulendi banza ti kani muntu wuta bakula mpasi zeto. Kâ Nzambi beto kabakula, Mpe Yandi lendi tu bakisa.
ESSENTIAL BIBLE TEACHINGS
Mu bungu dia nti Nzambi kata bikila mpasi?
Bantu babingi batiyulaka: mu bungu dia nti nza ye ya fuluka mu diki na mu mpasi. Bibila bo dihanaka mvutu ya mbote mpe bo yihanaka ngolo.
