Lendi zaba Nzambi bu kwe longoke misamu mitariri Nzambi mpe bu kwe yiriki misamu mimutâka nsayi. Buna Nzambi zololo ti “kapusana kwe beno.” (Zaki 4:8) Bibila dituheni lukwikilu ti “kena mala na muna muntu muntu ko.”​—Bisalu 17:27.

•  Nti tufweti sa mu zaba Nzambi

•  Mabanza ma mbi mu luzabu lutariri Nzambi

 Tanga Bibila

•  Mio mi tâka Bibila: “Miamiansoni miatsonoko, kwe Nzambi miatuka.”​—2 Timote 3:16.

•  Bwe yita zolo tâ: Bibila Nzambi vwiri dio. Nzambi watûla mbanzulu zandi mu mabanza ma bitsoniki bia Bibila. Mu nzila ya buku dio dia nzitukulu, Nzambi wasongela luzolo lwandi mu beto. Nzambi wasongela mpe bifu biandi; luzolo, buderede na tiari tiandi tia lemvokela mu kati mpe biena.​—Ndukulu 34:6; Lubambu 32:4.

•  Nti lendi sa: Tangaka Bibila bilumbu biabiansoni. (Yosua 1:8) Dimbitila misamu mita tanga bu kwe tiyuri: ‘Nti bita kundongesa mu bifu bia Nzambi?’​—Mikunga 77:12.

   Mu tifwani, tanga Yeremi 29:11, mpe tiyula: ‘Ngano Nzambi nti kazololo mu bungu dia meno​—tidzunu peleko mpasi? Nzambi yena yidingaka mu karisa mbi, peleko zololo ti nabâ na luzingu lwa mbote?’

 Dimbitila mu bima bie mu nza

•  Mio mi tâka Bibila: “Bifu bia [Nzambi] bilembo monekaka, mbo bitomo monekaka tûka ndiyilukulu ya nza, mu bungu ti mu bima bi kasala bimonanaka.”​—Bisi-Rome 1:20.

•  Bwe yita zolo tâ: Bima bia sala Nzambi bimonekaka, bifu biandi bitusongelaka, ntiana kwa balendi zaba artiste mu dessin yi kasiri, peleko masini ma nzitukulu malendi zabikisa wô wasala mo. Mu tifwani, lenda die na ntongwa zeto na mpila ya nzitukulu yi basarila zo mbo bizabikisaka ndwenga za Nzambi; mutsamina wudukisa ntangu na bwetete zakaka ngolo zandi mpe zizabikisaka.​—Mikunga 104:24; Izaya 40:26.

•  Nti lendi sa: Bonga ntangu ya tala na ya longoka misamu miamingi mu bima bie mu nza. Bu kwe se bo, tiyula: ‘Ngano bima bia nzitukulu bie mu nza, nti bikundongesaka mu Nzambi?’ a Wa matieleka, bima bie kô tulembo zaba mu Mvangi’eto bu tutala kwa bima bie mu nza. Ntiangu katuhana Bibila.

 Sarila nkumbu ya Nzambi

•  Mio mi tâka Bibila: “Mbo nimukengerela mu bungu ti nkumu’ani kazebi. Mbila kakuntâ, mpe mbo nitambula.”​—Mikunga 91:14, 15.

•  Bwe yita zolo tâ: Nzambi, we na nkumbu Yehova, mbo katomo kipaka bô bazebi nkumbu’andi mpe basarilaka yo na buzitu. b (Mikunga 83:18; Malaki 3:16) Bu katutêla nkumbu’andi, Nzambi watizabikisa kwe beto. Yandi têle ti: “Meno ni Yehova. Yo ni nkumbu’ani.”​—Izaya 42:8.

•  Nti lendi sa: Sarilaka nkumbu ya Yehova bu mu zonzelaka.

 Zonza na Yehova mu lusambulu

•  Mio mi tâka Bibila: “Yehova ha lweka lwa bô bamutâka mbila kena.”​—Mikunga 145:18.

•  Bwe yita zolo tâ: Yehova penepene kena na bô bamusambilaka na timinu tiatiansoni. Lusambulu mpila ya nkundulu yena, yisongelaka buzitu bweto kwe Nzambi.

•  Nti lendi sa: Vulu sambilaka Nzambi. (1 Bisi-Tesalonike 5:17) Mu têla maniongo maku mpe bwe monaka ku mutima.​—Mikunga 62:8. c

 Tunga timinu mu Nzambi

•  Mio mi tâka Bibila: “Diangana, tala ti timinu pele, ka balendi’â bamutâ nsayi ko.”​—Bahebre 11:6.

•  Bwe yita zolo tâ: Mu pusana kwe Nzambi fweti bâ na timinu mu Yandi. Mu Bibila, bâ na timinu mu Nzambi ka wuta zolo tâ kwa ko kwikila ti Nzambi ko kena. Wuzolo tâ mpe bâ na lukwikulu lwalwansoni mu Yandi, mu makani mandi na mu mitieno miandi. Lukwikulu salu lwena mu bâ na tindiku tia mbote na muntu.

•  Mio mi tâka Bibila: Lukwikulu lwa matieleka mu luzabu lusikamanaka. (Bisi-Rome 10:17) Buna longaka Bibila mpe songela kwe nge beni ti lendi kwikila mu Nzambi na mu malongi mandi. Mbangi za Yehova mbo zibâ na nsayi mu longoka Bibila na nge. d

 Yirika mio mitâka Nzambi nsayi

•  Mio mi tâka Bibila: “Luzolo lwa Nzambi luzololo tâ ti: tatumama mu ntumunu zandi.”​—1 Za 5:3.

•  Bwe yita zolo tâ: Yehova penepene kena na bô basongelaka luzolo lwawu bu bakwe sariri ngolo mu tumamana tumunu zandi.

•  Nti lendi sa: Bu takwe longoke Bibila, simba misamu mi zoloko Nzambi na mi kalembo zoloko. Tiyula: ‘Ntia nsobolo ndendi sa mu tâ Mvangi’ani nsayi?’​—1 Bisi-Tesalonike 4:1.

 Mona bwe Nzambi kakukipila bu kwe sariri malongi mandi

•  Mio mi tâka Bibila: “Bu kwe yêle mbo mona ti [Nzambi] wa mbote wena.”​—Mikunga 34:8, La Bible en anglais de base.

•  Bwe yita zolo tâ: Yehova ku lombele wamona mu nge beni bwe ke wa mbote. Bu mona luzolo lwandi na lutindusu lwandi, mbo kwizi zolo mu pusana kwe Yandi.

•  Nti lendi sa: Bu kwe longoke Bibila, sarila malongi ma Nzambi mpe mona ndandu zi bâka. (Izaya 48:17, 18) Taluzula mpe bifwani bia bantu balenda, na lubakusu lwa Nzambi, mu telamana nkwamusu, mu tomesa luzingu lwawu na lwa kanda diawu mpe babâka nsayi ya matieleka. e

 Mabanza ma mbi: Ka tulendi’â ta zaba Nzambi ko mu bungu ti mystère yena.

 Matieleka: Misamu miakaka mitariri Nzambi mpasi mie mu bakula, ntiana bu batâka ti Mpeve yena yilembo monekaka. Kâ, tulendi mu zaba. Diangana, Bibila mbo ditâka ti tufweti mu zaba mu baka luzingu lwa mankululu. (Za 17:3) Mu mpila yi tulendi bakula, Bibila Mvangi’eto dituzonzelaka na bifu biandi, makani mandi mu bungu dia bantu na mutoto, na mitieno miandi mpe dizonzelaka. (Izaya 45:18, 19; 1 Timote 2:4) Mpe ntiana bu tutêle wo, Bibila nkumbu ya Nzambi mpe dituzabikisaka. (Mikunga 83:18) Buna ka tuzaba kwa Nzambi ko, kâ mpe kwe Yandi tupusana.​—Zaki 4:8.