Tribinale ya ku Lensky, ku tizunga tia Sakha mbo yihana nzengolo’andi yitariri mpangi’eto Igor Ivashin mu tilumbu tia 3 mars 2020. Mfumu ya tribinale walombele bamuzengela boloko dia mvula nsambwari (7).

Mu février 2018, tribinale ya ku hata dia Yakustk yahana nzila kwe bapolisie mu batika mu wirikilaka telefone ya mpangi’eto Ivashin. Ngonda zazingi ha manima, mfumu za hata dio bayizi tsala nzo za mpangi 8, na nzo ya mpangi’eto Ivashin mpe. Yandi na mpangi 21 zakaka babanata kwe bapolisie ngatu babayula misamu. Tilandi tia mfumu ya tribinale walomba bakwikisila mpangi’eto Ivashin misamu mia kubikaka tisalu bia “bukolo.”

Mu tilumbu tia 20 novembre 2019, musamu wavutuka ha moko ma mfumu ya tribinale mu bungu ti ka kweri’â tima ko tieri singasaka misamu mi beri mu kwikisilaka. Bantu baye lomba ngatu bavutu fundisa musamu wango mpe bavutu wa karisa ku tribinale ya tizunga. Bisalu biango mu février 2020 biabatikiri

Mpangi Ivashin na mukento’andi, Natalia, bala bole be nawu ba bakento. Mfundusu’andi bu yeka wa; sambila tuta sambila ngatu kanda diandi dia tatamana mu “tomo korela na luvivululu, na nsayi mpe.”​—Bisi-Kolose 1:11.