Mu bungu ti bantu ba nuna balendi kulu baka timbevo tia ngolo, mu bungu dia Coronavirus, mpangi zeto za nuna zayizi zitisa mitieno mia luyalu mpe zazakale ku nzo zawu. Kâ, ka bena bawu kaka ko, mu bungu ti mbo bata tatamana mu bâ na tisalu tiatingi. Mbo bata sarila mpe teknolozi mu kutakana na mu samuna.

Ku Rome,hata dia Italie, mpangi ya yikento yê na mvula 94 yabatusu mu 1952, yalembolo duka ku nzo mu bungu ti nitu ka yena ya wasa ko. Ni bu sa ti tukutakanu twa kabele landaka mu nzila ya JW Stream, ka bêle’â na bweso ko bwa kutakana tintwari na timvuka tiandi tuka mwa ntangu. Kâ bwawu bu, bakuluntu ba mu timvuka tiandi bu bayizi kubika tukutakanu mu nzila ya vidéoconférence, bweso bwe nandi bwa landa tukatakanu twa timvuka tiandi na bwa mona mpangi zandi.

Ku Spanish Fork, ku tizunga tia Utah, ku États-Unis, mpangi ya yikento Stephanie Aitken baba diena. Ku mwa lupitalu kabâka. Bwawu bu bayizi tâ ti ka balendi’â bavutu bwanaka bantu ko bakwizi ba talaka. Kâ, mpangi yimosi ya mukuluntu na mukento’andi bayizi bakisa mpangi Stephanie Aitken mu tûla application ya vidéoconférence mu tablette. Mpangi yo yatelamane ha porte ya titâri ya lupitalu lo mu songela kwe mpangi Stephanie Aitken mu zu dia mababa bwe basaka. Mpangi Aitken walendele mu tûla mu tablette’andi; mu nsayi yo wayizi bumba tablette’andi. Nsayi ye nandi mu zonza na timvuka tiandi.

Mu bungu ti mpangi zeto, na za nuna mpe, mbo zita sarila teknolozi mu bungu dia mpasi zita nata coronavirus, musamu wo mbo wuta tu bambula kani dia sa Yehova kwe kanda diandi ti mbo “yema mabeni ma makanda.” (Izaya 60:16) Tuzebi ti ntangu zazansoni Yehova mbo kabâ mio mi kazololo mu lungisa nsatu za bisari biandi bie ha mutoto.