Coronavirus(COVID-19) nkwamusu yita nata kwe milio za Mbangi za Yehova zita sarila ngolo mu landa misiku mia mfumu za mahata mawu bu bata kwe tatamane mu sarila Yehova. Mu teritware za filiale zê na Coronavirus, mpangi zeto tatamana zita tatanana mu samuna mu mpila zakaka.

Mpangi yimosi ya ku Italie, ku tizunga tia Pisa, yatêle ti: “Tisalu tieto tia samuna tiatomono toma! Mu bungu ti bantu babingi bata zakalaka ku nzo, na mukento’ani lutangu lwa nimero ze mu telefone tuta sarilaka mu moka na bantu mu vidéoconférence. Bantu babingi batamburi mu longoka Bibila mpe babingi batamburi mu bâ na bimoko biakaka: bantu ba môna peleko bakaka ba tatoko moka na bo. Mpe tayôkese ntangu yayingi mu tisalu tia samuna mpe bimoko bia mbote biabêle neto.”

Ku Corée du Sud, Coronavirus yaneti bisamuni biabingi mu vulu sarilaka jw.org na JW Library. Mu tifwani, mpangi yimosi yayizi baka sms ya molongoki wumosi wa Bibila wayizi bika mu longoka tuka mvula zitatu. Mulongoki wango watêle ti, mpasi zita nata Coronavirus zamuneti mu tomo dimbitila mu musamu wutariri bilumbu bia mansukina. Mpangi yo ya sariri tisalulu tia JW Library ti batambikilaka nzila ya mikanda (partage de lien) mu sms, mu mu hana nsangu zitariri bilumbu bia mansukina. Mpangi yo yavutulu tâ ti: “musamu wa mbote wena mu mona ti bidimbu bia mansukina bantu bita nata mu dinga mu tomo zaba Nzambi na Bibila.”

Rapore zazingi zatukiri mu filiale za mu nza zita songela ti mpangi zeto batomese tisalu tiawu tiawu samuna. Musamu wa mbote wena mu mona ti “ndwenga za sarila” bata songela mu tatamana mu samuna nsangu za mbote.​—Mika 6:9.