Mu tilumbu tia 17 décembre 2021, nsi zazingi za Alliance Internationale pour la liberté réligieuse a (IRFBA) zabongele nzengolo mu tintwari mu bungu dia Mbangi za Yehova zi bakwamisaka mu bungu dia timinu tiawu. Nzengolo’awu yilombele badukisa Mbangi za Yehova zi basiri ku boloko, mpe babika mu bamwisa mpasi, mu batimuna mu tsala nzo zawu na mu basila titantu.

Mu nza yayansoni, Mbangi za Yehova yôka 150 ze ku boloko mu bungu dia timinu tiawu, mu mbuka ntiana ku Crimée, Érythrée, Russie, Singapore na Tajikistan. Nsi za IRFBA zatêle ti nkatika lwaka lwe nawu mu “nkwamusu zo za ngolo kwe Mbangi za Yehova” mpe batêle ti nswa we nawu wa saka nsambululu “na kondo kwa bunkuta mu bungu dia mpasi, tintatu na nkwamusu.”

Matondo tuvutulaka kwe guvernema zisarilaka bunsungu mu nwanina timpwanza tia nsambululu. Diangana, tuzebi ti Yehova mbo katatamana mu kengerela mpangi zeto zi bata kwamisa, ze na lukwikulu mu yandi mpe mbo “katatamana mu ba hana tidzunu.”​—Izaya 26:3.