Timvuka titwarisaka tia Mbangi za Yehova tiaheni nsangu ti filiale ze kô basolele mu kârila tukutakanu twa timvuka twakaka mu Nzo za Nsambululu. Filiale zango mbo zisola Nzo za Nsambululu mu bizunga bie na bantu babingi babakiri vaccin mpe kô kuta lembo tomo yalangana timbevo. Diangana, programe yo mbo yisalama tintwari na misiku mia luyalu mia hata dio. Nsangu zo kwe kanda dia Betele dia nza yayansoni baheni zo mu tilumbu tia vendredi 15 octobre 2021.

Misamu mimoneka ha manima ma programe yo mbo mibakisa mu zaba tala ti balendi lomba kwe bimvuka biakaka mu kârila tukutakanu twa timvuka mu Nzo za Nsambululu. Nsangu zango zayizi tâ mpe ti bisalu biabiansoni bia organizasio biakangama bibâ tii mu tilumbu tia 1 janvier 2022.

Nkatika tonda tuta tonda mu mpila Timvuka titwarisaka tita kipila bampangi ba mu nza yayansoni na mu mpila yi bata sarila ndwenga mu kârila bisalu bia organizasio. Bika tasambila Yehova ngatu katatamana mu tu twarisa na mu sakumuna misamu mi tukubikiri.​—Bingana 14:16.