Kalaga ka lebelebe eli mubumbi wa binsanya. Nta bumbilwe nu ntekakwa. (Nimbo 90:2) Gwe u walingizye misago misoga, zitwasanga mu Bibilia. (1 Timoteo 1:11) Kabamba ka buno atukasile kalamo, tatwatunganana kukumbamina ungo, wi nyene kankanka.​—Soma Kulolesibwa 4:11.

Takuli muntu wampa wamonine ku Kalaga, ku buno nte na mubili wa bisogo, eli na kalamo kamozi keli kanene kutinga kalamo ka bantu ba mu kisi. (Yoana 1:18; 4:24) Tondo, tunamenya bumba bwage kutukila ku byabumbile. Anga, biguma bitasusania, nu maluba, byatusolela byingi mu lutundo nu menge mage. Bunene bwa kisi kinsanya bwalosya tondo magala mage.​—Soma Baroma 1:20.

Tunamenya lingo byingi bya bumba bwa Kalaga andi twasoma Bibilia. Gesamba bitondo, Bibilia byatusambalila bikutundaga Kalaga nu byekusombaga, buni ubwekukitaga na bantu nu buni bwekukitaga mu nkungu zatingana.​—Soma Nimbo 103:7-10.

Yesu atendile: “Tateiswe uli mwigulu, izina lyobe liganunwe.” (Matayo 6:9) Kalaga eli na meina ma buinulwa, tondo ena izina lyage limozi. Izina lyongo lyatingana mu mitendezi za bilongo. Mu kilega, ekumanwa “Yehowa.” Nu bango nti bamumana “Jéhovah.”​—Soma Nimbo 83:18.

Mu masanzo mengi ma Bibilia, izina lya Yehowa lyatikizibwe nu galyatunganana kuba gabikilwe m’ina ma bukota anga Kalaga, Kinkunga nu wa milyalya. Nu lingo, mu kulinga,  Bibilia lyabezaga na izina Yehowa mambizi 7 000. Yesu asambalinde bantu izina lya Kalaga.​—Soma Yoana 17:26.

Lola video Ndi Kalaga eli n’izina?

Ndi kuli mbambazio niingi mu kisi, tunatenda buno Yehowa nte kutulangaga? Bamozi batenda buno ekutusiga mu lusungio ku buno ekutulingika, meli makengelo ma buza.​—Soma Yakobo 1:13.

Kalaga akasile bana kantu bwangato bwa kuisombolela. Tatukubogaboga ku buno tuli na bwangato bwa kuisombolela kukumbamina Kalaga? (Yoshua 24:15) Tondo, bengi bekuisombolela kukita bwagi ku bango bantu, u kinsa mbambazio nu tubebe twikile tweingi ku bantu. Yehowa ena kabebe kumona bwagi bwingi.​—Soma Kulinga 6:5, 6.

Yehowa ekutulanga. Ekutunda tube na kalamo kena mbogimbogi. Mu bindi bikeke bya galwabusio, ekasila tubebe tunse, nu kuzikya babo bakukita bwagi. Mu bino bindi, ena makengelo masoga ma kusigilila bwagi mu nkungu nkenke. Isomo lya 8 lyatulosie makengelo ma Kalaga bwekusigilila bwagi.​—Soma 2 Petro 2:9; 3:7, 13.

Yehowa atumana tumusigelele kwa kuezeza nage, ukubula buno tumusege. Ena makengelo ku tuli muntu umozi umozi. (Nimbo 65:2; 145:18) Ekutunda kusigilila misako za bwagi. Gwe izi magala meitu ma kumubogiabogia, aba buno tatwasililila. Aba tatwasililila tunaba bilemba bya Kalaga byaswaga nunsania.​—Soma Nimbo 103:12-14; Yakobo 4:8.

Kubuno Yehowa atukasile kalamo, twatunganana kumutunda kutinga bango bantu bansania beli mu kisi. (Marko 12:30) Kungwa wamulosya lutundo lwobe ndi wijigisya kumumenya nu kukita byasega, unaba bwigi nage.​—Soma 1 Timoteo 2:4; 1 Yoana 5:3.