Kalaga ekutunda bantu belame na mbogimbogi mu kisi. Abumbile kisi kyetu nu binsenia bili mu kisi kubuno eli na lutundo ku beiswe. Mubindi bikeeke bya galwabusio ikile na makengelo ma kukasa bantu ba mu kisi kinsania, kilemanizio kisoga. Kalaga ekatubobelezya na mbambazio zinatuka kunsania.​—Soma Yeremia 29:11.

Takubezaga bukota mu kisi, bwasilizie, butombo, lusambo nu lukwo. Tondo kuli misagu misoga: Mu bindi bikeeke bya galwabusio, Kalaga ek’emeka bwage bukota nu kutikia bukota bunsania bwabigya kino kisi. Bekangatwa na bubo bukota bekaba mu bubobelelo nu bekaba na magala mu mibili zaabo insania.​—Soma Isaya 25:8; 33:24; Danieli 2:44.

Mu nkungu zikazikya Kalaga bantu babi mu kisi, ugekasila mbambazio. (Sefania 2:3) Mu nkungu nkizi Kalaga ekazikya bantu babi? Bino bindi bibibu byatendilwe wa kalazi mu kitondo bya Kalaga, Bibilia. Misago za ono lelo zalosya buno, nkungu za Kalaga za kuita bekukita bubi zise buigi.​—Soma 2 Timoteo 3:1-5.

Twatunganana kuijigisya kumenya Kalaga, kutingila Bibilia. Bibilia, bise anga mukanda wa tatiswe. Bibilia byatusolela buni butunakita, andi tukutunda kuba na kalamo kasoga mu bino bindi nu mu bindi bya galwabusyo kuba na kalamo ka milyalya. Embe bango tababogeboge kukumona ukwigisibwa Bibilia. Jangilila nzila zina kukasa kilemalizio kisoga galwabusyo.​—Soma Misumo 29:25; Kulolesibwa 14:6, 7.