ISOMO 4
Yesu Kristo u nazi?
1. Buni ubwabumbilwe Yesu?
Misako mikizi uzasingaga bantu bejange Yesu?—MATAYO 11:29; MARKO 10:13-16.
yesu ntabezaga anga bango bantu, we alamaga mwigulu nu abezaga kibumbwa kya muuza lwabusyo lwa kubutwa gano ga kesé. (Yoana 8:23) Abezaga nkula za Kalaga gantata ga bibumbwa binsania bya Kalaga nu abumbile bintu binsania gamozi na Kalaga. Eli mutangi kubumbwa na Yehowa winyene; ukyansa ekumanwa Mwana “wa ngomo-wabutilwe.” (Yoana 1:14) Kubuno abezaga Ntenzi wa Kalaga, ekumanwa lingo “Kitondo.”—Soma Misumo 8:22, 23, 30; Bakolosayi 1:15, 16.
2. Kabamba ka buni Yesu avule ga kisi?
Kalaga asingile mwana wage ga kisi, akatile kalamo ka Yesu ka mwigulu nu kuisa kalamu kongo mu nda za mukinga ukumanwa Maria, Muyuda. Ukyansa Yesu nta bezaga n’isi ga kisi. (Luka 1:30-35) Avule ga kisi (1) kuigisya masanzo ma bulili ma Kalaga, (2) kuba kalolesyo kito ka bukutunda Kalaga aba mu nkungu mbibu nunse nu (3) kukasana kalamo kage kasililila “buno bakululwe.”—Soma Matayo 20:28.
3. Kabamba ka kizi kajulo ka bukuluzi keli kasoga kwito?
Kajulo ka bukuluzi kekukasya kukulula kalamo ka muntu use bwigi na kukua. (Kutoka 21:29, 30) Lukwo nu kukunguka takwabezaga mu makengelo matangi ma Kalaga ku bantu. Buni butwa menya mamo makengelo? Kalaga atendile ku mulume mutangi, Adamu bunee ndi akita bwagi, nti akue. Ukutenda buno ndi Adamu ntakitile bwagi, nten’emile kukwa. (Kulinga 2:16, 17; 5:5) Bwatenda Bibilia buno, lukwo lwabasile ga kisi kya bantu kutingila Adamu. Akasile bantu bansania bwagi nu lukalilo lwa bwagi, u lukwo. Ukyansa kajulo ka bukuluzi keli kasoga buno tukululwe ku bwagi butwipyenine kwa Adamu.—Soma Baroma 5:12; 6:23.
Nazi unavwamile kutukulula mu lukwo? Taku muntu mwagi unavuama kwikasana ku bwagi bwa bango bantu, ku buno ndi muntu akwa nti alega tugu bwagi bwage winyene.—Soma Nimbo 49:7-9.
4. Yesu akule ku kabamba ka buni?
Ta anga beiswe, Yesu ntabezaga mwagi. Ntakule ku kabamba ka bwagi bwage. Ntakitile bwagi. Abambene na bwagi bwa bango bantu, ukyansa akule. Kwa kusinga mwana wage akwe ku bwagi bweito, Kalaga alosizie lutundo lunene lwa kwangamia bantu. Yesu nugwe alosizie lutundo g’itabizie kujanga bwatendile isi, nu kukasana kalamo kage ku bwagi bwitu.—Soma Yoana 3:16; Baroma 5:18, 19.
Lola video Kabamba kakizi kakwide Yesu?
5. Kikukita Yesu mu bino bindi?
Gaabezaga mu kisi, Yesu onizie basambi, ayukizie bakuzi nu akasizye bantu babezaga na mbambazio. Alosizye buekakita mu bindi bikuvwa ku bantu bansania bekumujanga. (Matayo 15:30, 31; Yoana 5:28) Akule, nu ayukizibwe na Kalaga ku kalamo ka muuza. (1 Petro 3:18) Kusila alindinde ku kuboko kwa seidume kwa Yehowa, ekulindila Yehowa amukase magala ma kuba Mukota wa kisi kinsania (Baebrania 10:12, 13). Lelo eli Mukota kwigulu, nu beigisibwa bage bekusambala musago musoga w’obo bukota mu kisi kinsania.—Soma Danieli 7:13, 14; Matayo 24:14.
Mu bindi bikeke bikuvwa, Yesu kutingila bukota bwage ekasila mbambazio zinsania nu bantu baagi bekulisia izo mbambazio. Bansania bekulosya buno bamukatizya nu kujanga bitondo byage bekalama mu paradizo ga kisi.—Soma Nimbo 37:9-11.
