ISOMO 5
Buni buli makengelo ma Kalaga ku Kisi?
1. Kabamba ka kizi Kalaga abumbile kisi?
Yehowa akasile kisi ku bamulume nu ku bakikulu u lukumbo lwitu. Ndi abumbile mulume nu mukikulu mutangi, Adamu nu Eva, tabuno beumbule kwigulu; abezaga ij’abumba baanzelo mu igulu. (Yobu 38:4, 7) Abikile mulume mutangi mu paradizo nsoga lyamanagwa iswa nkenke lya Edeni. (Kulinga 2:15-17) Amukasile gwe nu ibuta lyage, kilemalizyo kya kalamo kete na kuzinda mu kisi.—Soma Nimbo 37:29; 115:16.
Ku butangi, iswa ikeke lya Edeni ulyabezaga paradizo. Adamu nu Eva babwindwe bebutane nu kuizazia kisi na ibota lyabo. Mu nkungu kutinga, nti bangata kisi nu kisi kinsania nti kyaba paradizo. (Kulinga 1:28) Ubakile kisi buno takikatengatenga. Kisi kikaba bindi binsania numba za bantu.—Soma Nimbo 104:5.
Lola video Kalaga abumbile Kesé ku kabamba kakizi?
2. Kabamba ka buni kisi kino takili paradizo mu bino bindi?
Adamu nu Eva tabaanzile Yehowa. Ku bubo abatikizie mu iswa. Paradizo zazimine nu takwabezaga muntu wabezaga na magala ma kusubia lilyo iswa. Anga bwatenda Bibilia: “Kisi kyabikilwe mu maboko ma mwagi.”—Yobu 9:24.—Soma Kulinga 3:23, 24.
Ndi Yehowa ibilinde kukita makengelo mage ma kubutangi, kilemalizio kitangi, ku bana kantu? Kilo! Ena magala mansania. Nte nakindwa. (Isaya 45:18) Eka sakika bana kantu mu makengelo mage ma kulinga kwa kisi.—Soma Nimbo 37:11, 34.
3. Buni bukasubya paradizo?
Paradizo zikasubya mu kisi mu nkugu za bukota bwa Yesu, Mukota wasombwendwe na Kalaga. Gamozi na baanzelo, ekazikya babo bansania bete kutunda Kalaga kutingila bita bikumanwa Harmagedoni. Kusila ekakanda Satana myaka kanunu (1 000). Bakumbami ba Kalaga u bekoona mu bubo buzimizi, kabamba ka buno Yesu ekabonia nu kubalosia nzila. Bekalama milyalya mu paradizo za ga kisi.—Soma Kulolesibwa 20:1-3; 21:3, 4.
4. Mu nkungu nkizi, mbambazio zikasila?
Mu nkungu nkizi Kalaga ekazindia bubi mu kisi? Yesu akasile “kalolesyo” kekamonekana mu kuzinda kwa nkiko. Misako za mu bino bindi zabika bantu na boba: bubo bwalosya buno tuse mu “kuzinda kwa kisi kya ono lelo.”—Soma Matayo 24:3, 7-14, 21, 22.
Mu nkungu za miaka 1 000, ekaba kuigulu nu kusondelezia kisi, Yesu ekasila mbambazio zinsania (Isaya 9:6, 7; 11:9). Ntekaba tugu Mwangati, ekaba tondo Sankoga, ku gozo mulimo ekasila bwagi bwa babo batunda Kalaga. Kutingila Yesu, Kalaga ekasila lusambo, bukungu nu lukwo.—Soma Isaya 25:8; 33:24.
5. Nazi ukalama mu paradizo zikuvwa galwabusio?
Ku Numba za Bukota, wasange bantu batunda Kalaga, nu kutunda kuijigisya kumubogyabogya
Bantu bekujanga bitondo bya Kalaga u bekalama mu paradizo. (1 Yoana 2:17) Yesu asingile beigisibwa kulonda bantu beisanana (boola) nu kubeigisya babe basoga ku Kalaga. Ono lelo, Yehowa ekukasia tununu nu tununu twa bantu balame mu paradizo zikuvua mu kisi. (Zefania 2:3) Ga mikundamano za balongeki ba Yehowa, gekumanwa, Numba za Bukota twigisibwa kuba balume basoga nu batatane, bakikulu basoga nu ba mane. Babuti nu bana, bakukumbamina Kalaga gamozi nu beigisibwa kulama busoga gamozi kutingila meigisia ma Bibilia.—Soma Mika 4:1-4.
