Kinkunga kitu kili na menge kututinga. Eli mubuti mwija lutundo, ukutukengela. Lingo, ntatubumbile buno tatulengamane nage. (Yeremia 10:23) Kasi, tukwijanizya tu banse kusondolezibwa nage, anga bukubezaga mwana muto na meijanizyo ma kusondelezibwa na babuti bage. (Isaya 48:17, 18) Kanuni keli mu Bibilia katulisizye busondolezya buli lukaso lwa Kalaga.​—Soma 2 Timoteo 3:16.

Milembe nu misako (kanuni) za Yehowa zatwigisya butuneima kulama busoga lelo, nu kutuana buni butuneima kumona mutali wa milyalya mu bindi bya galwabusyo. Ku buno bwatubumbile Kalaga, twatunganana lebelebe kulemba kwa kutunda kwitu busondolezya bwage.​—Soma Nimbo 19:7, 11; Kulolesibwa 4:11.

Kanuni za Biblia zili meigsya mazito ma Biblia u kubula bulingilo bwa meigisya ma bulili, zatingana na milembe za Biblia zikukambaga bulingilingi na nkita kishembe. (Kukokomezya Mulembe 22:8) Twatunganana kutegekela busoga, butun’ema kukatizya kanuni ka Bibilia mu kitondo kimozi kisyembe. (Misumo 2:10-12) Anga, Bibilia byigisya buno kalamo keli lukaso lwa Kalaga. Kako kanuni kasoga kenatusondolezya ku mulimo, ku numba nu mu ngendo zitu. Katukakizya kusungula bantu.​—Soma Misako 17:28.

Yesu asolile kanuni ibili ntangi. Katangi kalosya buzito bwa kalamo ka bantu kumenya Kalaga, kumutunda nu kumukatizya  lebelebe. Twatunganana kulemba kano kanuni mu binsania bituneima kukita. (Misumo 3:6) Bantu bakatizya ku mutima bekwibika bilemba bya Kalaga, kubogaboga kusoga nu kalamo ka milyalya.​—Soma Matayo 22:36-38.

Kanuni k’ibili katukakizya kuba na bulemba busoga na bango. (1 Bakorinto 13:4-7) Bukatizya bwako bukutunda tulingike bukubezaga Kalaga na bantu.​—Soma Matayo 7:12; 22:39, 40.

Bibilia bili na kanuni kekwigisya bikanga bikulumane mu lutundo. (Bakolosayi 3:12-14) Bikulanga bikanga tondi kwa kubigisya kako kanuni ka kalolesyo: Isonga lya tunganana kuizizya.​—Soma Kulinga 2:24.

Kanuni ka Bibilia katulanga ku bya mubili nu bya mutima. Anga, bakota ba mulimo bekutundaga kuba na bantu ba mulimo bete biibi nu bekukita mulimo ku lwanzo lwa Bibilia. (Misumo 10:4, 26; Baebrania 13:18) Bibilia byatulosya kwitelanizya buli busoga nu kwanda mpisi buzitu bwa lutundo lwitu kwa Kalaga kutinga bingo binsania.​—Soma Matayo 6:24, 25, 33; 1 Timoteo 6:8-10.

Kanuni ka Bibilia kekulanga kalamo ka mubili witu. (Misumo 14:30; 22:24, 25) Lingo, kanuni ka Bibilia kanana bunuzi bwa zanga katulanga na nsambo za kwita nu menya. (Misumo 23:20) Yehowa atukakizya kunwa maku makeke. (Nimbo 104:15; 1 Bakorinto 6:10) Kanuni ka Kalaga katukasa mutali ku buno katulosya butunaema kwidanga nu kulanga makengelo mitu. (Nimbo 119:97-100) Ukubula buno, ndi Bakristo ba lebelebe banza makakizyo ma Kalaga, ta kukabamba ka kumona mutali. Kuli tugu kwanza Yehowa.​—Soma Matayo 5:14-16.