ISOMO 12
Buni buun’igelela Kalaga?
1. Ndi Kalaga ekungwaga masego mansania?
Kalaga ekumana bantu ba bilongo binsania bamukunde kutingila masego. (Nimbo 65:2) Nu ntekungwaga masego mansania. Anga, Kalaga nte kungwa masego ma mulume uli na kakobo kwa mukikulu wage. (1 Petro 3:7) Tondo, masego ma ba Israeli ba limbiganaga mu mibi, Kalaga nt’ungwaga masego mabo. Lingo Kalaga ekuungwililaga masego ma baagi b’igonga, ababuno bakitile bwagi bunene. Masego u kilemanizio kya lukoga.—Soma Isaya 1:15; 55:7.
Lola video Ndi Kalaga ekungwililaga masego mansania?
2. Buni bunasegwa?
Masego meli musako wa kukumbamina, twatunganana kusega tugu kinkunga witu, Yehowa. (Matayo 4:10; 6:9) Butuli baagi, twatunganana kusega kwizina lya Yesu kabamba ka buno atukwilinde ku bwagi bwitu. (Yoana 14:6) Yehowa ntekutundaga tusubizye subizye masego matwabika mu itwe ali ma sanzwa. Ekutundaga masego mekutuka ku mutima.—Soma Matayo 6:7; Bafilipi 4:6, 7.
Kinkunga witu ekungwaga tondo masego mete n’ijuki. (1 Samweli 1:12, 13) Kalaga atumana tusege mu nkungu zinsania: munindinindo, mwigolo, ndi usewalia, ndi uli mu kibuka, nu bingo.—Soma Nimbo 55:22; Matayo 15:36.
3. Kabamba ka buni Bakristo bekukundamanaga gamozi?
Buli bubibu kukunda Kalaga ku buno twalama na bantu betekukatizya Kalaga nu beli na mwanzwa w’idagano lya Kalaga lya bubobelelo mu kisi. (2 Timoteo 3:1, 4; 2 Petro 3:3, 13) Ukyansa tuli na mpusya za bulemba bukutukakizia buli bwa meigisia meitu, nubo bena mpusia zeitu.—Soma Baebrania 10:24, 25.
Kutabangila bantu bizi Kalaga kwatukasya kukunda Kalaga. Misanganano za Balongeki ba Yehowa za kasana nkungu nsoga za kukaswa magala na bukatizia bwa bango.—Soma Baroma 1:11, 12.
4. Buni bu unakunda Kalaga?
Unakunda Yehowa ndi walengania ku migisya ma Bibilia. Kengela misako, lusungu nu idagano. Bubo bulengania kutalika ku masego bunakukasa mugugumano ku lutundo nu menge ma Kalaga.—Soma Yosua 1:8; Nimbo 1:1-3.
Unaba bwigi na Kalaga ndi tugu uli na kilemalizio ku’eli, ndi wakatizya ku’eli. Tondo bukatizia buli anga kate katunganana kulisibwa. Mwatunganana kulisia bukatizio bwinyu ndi mukwengelesya bibanzi bya milembe.—Soma Matayo 4:4; Baebrania 11:1, 6.
5. Kikizi kimwatubule ndi mwakunda Kalaga?
Yehowa ena malima na bekumukundaga. Eneema kulanga na binsenia binalonda kwita bukatizio bwobe nu kilemanizio kya kalamo ka milyalya. (Nimbo 91:1, 2, 7-10) Akubika mu kelikengenge ku misako zinita kalamo kobe nu mbogimbogi zobe. Akwigisia buni bu unalama busoga.—Soma Nimbo 73:27, 28; Yakobo 4:4, 8.
