ISOMO 10
Buni ubutunamenya idini lya bulili?
1. Ndi kuli tugu idini limozi lya bulili?
“Idangazi na balengania ba buza.”—MATAYO 7:15.
Yesu eigisizye beigisibwa bage idini limozi tugu lya bulili. Alilingikile na nzila zikubasya mu kalamo ka milyalya. “Tabeingi [. . .] bekukamona” abwinde Yesu. (Matayo 7:14) Kalaga ekuziga tugu idini limanina mu Bibilia. Bakumbamizi bansania basanganana mu bukatizo bumozi.—Soma Yoana 4:23, 24; 14:6; Baefeso 4:4, 5.
Lola video Ndi Madini Mansania M‘itabizibwa na Kalaga
2. Buni ubwaakwinde Yesu ku Bakristo ba buza?
“Bekutenda bwasibwasi buno beizi Kalaga, tondo ku makitilo mabo bekumutuna.”—TITO 1:16.
Yesu abwinde buno balengenia ba buza bekasubula Kikristo kya bulili. Basusania kuba anga bakumbamizi ba lebelebe, nu tunisa twabo twi kuibula tuli twa Kikristo. Tondo beneima kumenywa bubeli lebelebe. Lingo, idini lya bulili tugu lilikubasya Bakristo balebelebe, beli na bitondo nu misako zikumenywa.—Soma Matayo 7:13-23.
3. Buni u bunamenya bakumbamizi ba bulili?
Lolazi tuno tumenyinino tutano:
-
Bakumbamizi ba bulili banza Bibilia zili kubeli kitondo kya Kalaga. Bekwidendeka kulemba milembe zage. Idini lya bulili lyatingana na mamo mekukitwa na makengelo ma bantu. (Matayo 15:7-9) Bakumbami ba bulili tabekutingana mu mutendezi.—Soma Yoana 17:17; 2 Timoteo 3:16, 17.
-
Beigisibwa ba bulili ba Yesu banza izina lya Kalaga Yehowa. Yesu abezaga na lwanzo lw’izina lya Kalaga kwa kulilosya. Alosizye Kalaga ku bantu nu abeigisizye kusega buno izina lya Kalaga liganulwe. (Matayo 6:9) Gago ga uli, idini likizi ulikulosya izina lya Kalaga?—Soma Yoana 17:26; Baroma 10:13, 14.
-
Bakristo ba lebelebe bekuigisya bango bantu Bukota bwa Kalaga. Kalaga asingile Yesu ga kisi kwigisya musago musoga wa Bukota. Bubo Bukota u kilemanizio kimozi tugo kya bana kantu. Yesu abusambende nu kwika ku kindi kyage kizinda. (Luka 4:43; 8:1; 23:42, 43) Abwinde bunoe beigisibwa bage nubo bekabwigisia. Ndi muntu akuvwila na musago wa Bukota bwa Kalaga, nti eli wa ku idini likizi lebelebe?—Soma Matayo 24:14.
-
Beigisibwa ba Yesu tabeli ba mu kino kisi kibi. Unabamenya kabamba ka buno tabekubezaga mu politike nu mu misona za bana kantu. (Yoana 17:16; 18:36) Tondo, tabeli na mizinga nu misako mibi za bino bindi mu kisi.—Soma Yakobo 4:4.
-
Bakristo ba bulili bena lutundo lunene gabesamba. Kabamba ka Bibilia, bigisibwa kwanza bilongo binse. Tondo, mambizi mengi, madini ma buza mekukokomezya bita bya bana kantu, bakatizya ba bulili nti bisombela. (Mika 4:1-3) Ku mutali, bekutingya nkungu zabo nu bikulo byabo kwa kukasya bango bantu.—Soma Yoana 13:34, 35; 1 Yoana 4:20.
4. Buni buunamenya idini lya bulili?
Idini likizi ulyabikile meigisya malyo mu Bibilia, kuanza izina lya Kalaga, nu kusambala buno kilemanizio kimozi kya bana kantu kili Bukota bwa Kalaga? Kibombo kikizi ky’idini kili na lutundo nu takikwingila mu bita? Buni ubuli makengelo mobe?—Soma 1 Yoana 3:10-12.
