ISOMO 13
Musago musoga mukizi uligo kukambamba k’idini?
1. Ndi madini mansania misanana?
Kuli bantu basoga ku madini mansania. Musago musoga u buno, Kalaga ekubamona nu eli na malima nabo. Bwenya ubuno, idini kutukila wakalazi likubikwa na bantu mu nzila mbi. (2 Bakorinto 4:3, 4; 11:13-15) Kulembana na ngato, madini mamozi mekukita misumbya zakuzikya bantu, kuzikya kilongo kigimagima, bita nu kubinga bana. Lubaba lunene ku bakatizya bisanana!—Soma Matayo 24:3-5, 11, 12.
Idini lisoga likuganula Kalaga nu madini mabi me kwinia Kalaga mutima. Bekwigisia bitondo bite mu Bibilia, anga kwekela Kalaga buza nu misagu za buza ku bakuzi. Tondo Yehowa ekutunda buno bantu bansania bamenye bulili bwage.—Soma Ezekieli 18:4; 1 Timoteo 2:3-5.
2. Musago musongo mukizi uligo kambamba k’idini?
Bunene, Kalaga ntekutingwa na madini mekwikanda ku’eli, tondo bangatanwa mu kisi kya Satana. (Yakobo 4:4) Mu Bibilia, mukundamano wa madini mabi ukumanagwa “Babeli Munene.” Babeli u izina lya mwino mwatukile madini mabi, kusila kwa mwijalo munene. Kano kaluma, Kalaga azikye madini mekutenda buza nu kukanda bantu.—Soma Kulolesibwa 17:1, 2, 5, 16, 17; 18:8.
Tondo misago misoga tazikuzindila gago: Yehowa nte kwibilila bantu beli na mutima musoga ba balanganile mu madini ma buza mu kisi kinsania. Ekubakundamania kwa kubigisya bulili.—Soma Mika 4:2, 5.
3. Kikizi kinakita bantu beli na mitima misoga?
Lelo idini lisoga lyakulumania bantu
Yehowa ena malima ma bantu bekutunda busoga nu bulili. Eku basindika betuke ku madini ma buza. Ozo ukutunda Kalaga eli musasia kwitimbula kwa kumubogiabogia.—Soma Kulolesibwa 18:4.
Mu nkiko ntagi , bantu beli na mutima musoga babende na mbogimbogi gabaungwilinde misago misoga za sambalaga bigisibwa. Bamenyile kutuka kwa Yehowa buni bubenalama, bubenaba na kalamo ka mbogimbogi, kuba na kakozya nu kilemanizio. Beli tulolesyo kweitu, ku buno bakitile bukutunda zezo misago misoga gababika Yehowa lwabusyo mu kalamo kabo.—Soma 1 Batesalonike 1:8, 9; 2:13.
Yehowa ekusekela mu kikanga kyage kya bakumbamizi bantu bekutuka mu madini mabuza. Ndi mwitabizia mubiko wage na mbogimbogi, mwabe bilemba byage, kikanga kili na lutundo—kya bakumbamizi bage—nu kalamo ka milyalya.—Soma Marko 10:29, 30; 2 Bakorinto 6:17, 18.
4. Buni ubukabika Kalaga kisi kinsania mu mbogimbogi?
Lusungio lukuvwa lwa madini ma buza luli musago musoga. Lusungio luongo lukatukya kisi kinsania mu kinkanda. Takukaba lingo migisibwa ma buza ma kuitia bantu bulunda nu kulonga bantu. Bekalama bekakulumana mu idini lisoga lya Kalaga lebelebe.—Soma Kulolesibwa 18:20, 21; 21:3, 4.
