B’unamona nunse mutali wa lino igisyo lya Biblia
Kitangi lola buni bwalongekwa n’isomo kutingila bilimelime bili gansi gano, nu kusila lola VIDEO.
KIBE KITANGI
Kwa kwikungika ku kabamba ka n’isomo, soma lusamba lutangi lw’isomo lyongo. Mbuzya zili gantata ga kibombo A) nu masanzo B) malosya makengelo manene. Wamone masanzo mamozi malosibwa buno “soma.”
KIBE KYA MABILI
Bitondo bitangi C) mu mukunda Tumenyenine by’isula bibyo byatendelwe. Itoe ikeke D) likulosya ikengelo nene lyatendelwe. Gawabe na mwigisya wobe, soma masanzo, akula ku mbuzya nu lola video.
VIDEO zili go zakukasye kumenya busoga musagu ukutendelwa mu isomo. Video zimozi zalosya misagu za bulili, nu zingo zakitilwe kwa kulosya bwatingile musagu kishembe.
Lola bilimelime nu soma bibyo byasanzwa kunsi kwa bilimelime E), nu londa buni buw’akule ku kibe Ndi Muntu Akusolela Bunee F).
KIBE KIZINDA
Makenglelo Manene nu Mbuzya za Kwikengelesya G) bili kuzinda kw’isomo. Sanza kindi kimwasila kukyo isomo. Inilo Lyane H) lyakulosya biunakita. Londa Lingo I) zili n’ingo misagu ziwasome aba video za kulola.
B’unamona masanzo ma Biblia
Biblia bisa munda bitabu bikeke 66. Byabeganibwa mu byeindi bibili: Masanzo ma Kiebrania nu Kiaramu (“Idagano Ikulu”) nu Masanzo ma Kigiriki ma Kikristo (“Idagano Ito”).
Masanzo matekulwa mu kino kitabu, mekulinga n’izina lya kitabu kya Biblia A) , kusila sula B) , nu mulindi aba milindi C) .
Yoana 17:3 zatendela kitabu kya Yoana, sula 17, mulindi 3.
