ISOMO 04
Kalaga U Nazi?
Kutukila wakalazi, banakantu bekukumbamina tulaga tweingi nu nkisi. Tondo Biblia byatendela tugu Kalaga umozi u uli “munene kutinga tulaga tunsania.” (2 Nkiko 2:5) Wozo Kalaga u nazi? Nu kikizi kyakita buno abe munene kutinga tungo tulaga tukukumbaminwa na banakantu? Mu lilino isomo, wajigisye byekutunda umenye ku kabamba kage.
1. Ndi Kalaga eli n’izina, nu buni butwamenya buno ekutunda tumenye izina lyage?
Kutingila Biblia Kalaga atulosya buno eli nazi. Atenda bunee: “Nne nili Yehowa; u izina lyane.” (Soma Isaya 42:5, 8.) Izina “Yehowa” lyatukila mu mutendezi wa Kiebrania nu mambizi meingi lisulwa buno “Ekukita Kuba.” Yehowa ekutundaga tumenye izina lyage. (Kutuka 3:15) Buni butwamenya bubo? Asanzizye izina lyage mu Biblia kutinga mambizi 7.000! a Yehowa u izina lya Kalaga wa bulili ‘‘kwigulu nu . . . mu kisi kinsania.”—Kukokomezia Mulembe 4:39.
2. Biblia byatwigisya kikizi ku kabamba ka Yehowa?
Biblia byatenda buno Yehowa u Kalaga umozi tugu wa bulili gesamba tulaga tunsania tukukumbaminwa na banakantu. Ku kabamba kakizi? Kuli tubamba tweingi. Yehowa eli na bwangato bunene nunse, nu gwe winyene u uli “Wasakama Nunse, nu uli gantata ga kisi kinsania.” (Soma Nimbo 83:18.) Eli “Mwiya Magala Mansania,” u kutenda buno eli na magala ma kukita binsania byenatunda kukita. U “wabumbile bintu binsania”—meigulu nu kisi nu binsania bili na kalamo ga kisi. (Kulolesibwa 4:8, 11) Yehowa nteli anga bango kubuno ntabumbilwe nu nteli na kuzinda.—Nimbo 90:2.
TUMENYININE
Menyinina nunse kyengukana kikizi kili gesamba meina ma bukuti ma Kalaga nu izina lyage lya bwelebwele. Nu lola tondi mu nzila nkizi zatulosya kuzo izina lyage nu ku kabamba kakizi.
3. Kalaga eli na meina meingi ma bukuti, tondo eli n’izina limozi tugu
Kwa kumona kyengukana gesamba meina ma bukuti ma Kalaga nu izina lyage limozi, lola VIDEO, nu kusila ibuzye luno lubuzya.
-
Kuli kyengukana kikizi gesamba izina lya bukuti, anga “Mukota,” nu izina lyage lya bwelebwele?
Biblia byatenda buno bantu bekukumbamina tulaga tweingi nu bakota beingi. Soma Nimbo 136:1-3, nu kusila ibuzye luno lubuzya:
-
Nazi uli “Kalaga wa tulaga” nu “Mukota wa bakota”?
4. Yehowa ekutunda umenye izina lyage nu ulikambye
Kikizi kyalosya buno Yehowa ekutunda umenye izina lyage? Lola VIDEO, nu kusila ibuzye luno lubuzya lwalemba.
-
Ukukengela buno Yehowa ekutundaga bantu bamenye izina lyage? Ku kabamba kakizi?
Yehowa ekutundaga bantu bakambye izina lyage. Soma Yoeli 2:32, nu kusila ibuzye zeno mbuzya:
-
Kuli mutali mukizi kwa kukambya izina lya Kalaga, Yehowa?
-
Ukwijungwaga buni ndi muntu akengela izina lyobe nu kulikambya?
-
Ku makengelo mobe, Yehowa ekwijungwaga buni gawakambya izina lyage?
5. Yehowa ekutunda ube mwida wage
Mukikulu umozi wa ku nsi za Cambodge ukumanwa Soten ajungwile busoga nunse gajigisizye izina lya Kalaga, nu bubo bwamulisizye mbogimbogi. Lola VIDEO, nu kusila ibuzye luno lubuzya.
-
Mu zeno video, kwijigisya izina lya Kalaga kwakitile Soten ijungwe buni?
Lwabusio lwa kukita bwida na muntu kishembe, ukumenyaga tangi izina lyage. Soma Yakobo 4:8a, nu kusila ibuzye zeno mbuzya:
-
Yehowa akusega kukita kikizi?
-
Kabamba kakizi kumenya izina lya Kalaga nu kulikambya kwakukasye kuba mwida wage?
NDI MUNTU AKUSOLELA BUNEE: “Kubuno kuli tugu Kalaga umozi, takuli bubi kumumana anga buwatunda.”
-
Ndi wakatizia buno Yehowa u izina lya Kalaga?
-
Buni b’unalosya buno Kalaga ekutunda tukambye izina lyage?
MAKENGELO MANENE
Yehowa u izina lya Kalaga umozi tugu wa bulili. Ekutunda tumenye izina lyage nu tulikambye buno tube beida bage.
Mbuzya za kwikengelesya
-
Kuli kyengukana kikizi gesamba Yehowa nu tungo tulaga tukukumbaminwa na banakantu?
-
Kabamba kakizi twatunganana kukambya izina lya Kalaga?
-
Kikizi u kyalosya buno Yehowa ekutunda ube mwida wage?
LONDA LINGO
Ijigisye tubamba tutano tukutitikizia buno kuli Kalaga.
Londa kumenya kabamba kakizi unakatizia buno Kalaga eligo kutukila wakalazi.
“Nazi Wakitile Kalaga?” (Munara wa Mulinzi, 1 Mwezi wa 8, 2014)
Ijigisye kabamba kabuni twatunganana kukambya izina lya Kalaga, aba buno tatukumenya bulyatekulwaga mu Kiebrania.
Ndi butukumana Kalaga buli bwa mutali kweitu? Lola kabamba kabuni tunatenda buno eli tugu n’izina limozi lya bwelebwele.
a Kwa kumona bungo bwisulilwa bw’izina lya Kalaga nu kumenya kabamba kakizi talikukambibwa mu Biblia neingi, lola Nyongeza A4 mu Biblia Tafsiri ya Ulimwengu Mupya.
