ISOMO 14
Kalaga Ekutunda Tumukumbamine mu Nzila Nkizi?
Anga butwamonile mu isomo 13, ta madini mansania u mekutananizya Kalaga. Tondo, tunakumbamina Mubumbi weitu mu nzila zikumutananizya. Ekutananizibwa na “ikumbamino [aba idini]” lya lukita lukizi? (Yakobo 1:27, NWT bwisulilwa bwa kunsi) Lola buni bwatenda Biblia.
1. Ikumbamino lyeitu lyatunganana kulemanina kikizi?
Ikumbamino lyeitu lyatunganana kulemanina Biblia. Yesu abwinde Kalaga bunee: “Idagi lyobe lili bulili.” (Yoana 17:17) Madini kishembe tamekwigisyaga bulili bwa Biblia, Kitondo kya Kalaga. Kuteli kwigisya bulili bwa Biblia mekwigisya makengelo nu bumba bwa banakantu. Tondo Yehowa ntekutananizibwa na babo ‘bekusomba makakizio mage.’ (Soma Marko 7:9.) Tunatananizya mutima wage ndi meigisya meitu malemanina Biblia nu ndi tukulemba nsungu zili mo.
2. Buni butwatunganana kukumbamina Yehowa?
Twatunganana kukumbamina tugu Yehowa kubuno we u Mubumbi weitu. (Kulolesibwa 4:11) Bubo bwisulwa buno twatunganana kumutunda nu kumukumbamina we winyene tugu, kuteli kukambya nkisi aba bikeko.—Soma Isaya 42:8.
Ikumbamino lyeitu lyatunganana kuba ‘lyaswagibwa nu likutananizya’ Yehowa. (Baroma 12:1) Bubo bwisulwa buno twatunganana kulama bulingilingi na kanuni zage. Anga, babo batunda Yehowa bekulemba kwa kwitundila kanuni zage ku kabamba k’isonga. Nu tabekubezaga na misako mbi anga, kunua kwanga, miti za kulebesya nu bulebi bwa maku. a
3. Kabamba kakizi twatunganana kukumbamina Yehowa gamozi na Bakristo baneitu?
Mikundamano zitukukitaga n’izinga zikutukasa kiziki kya ‘kuganuna Yehowa . . . mu musanganano.’ (Nimbo 111:1, 2) Imozi ku nzila zitukukitaga kuzo bubo u kuganuna Kalaga kutingila nimbo. (Soma Nimbo 104:33.) Yehowa atusega tukundamane kubuno atutunda nu izi buno bubo bwatukasye kubogelabogela kalamo milyalya. Tukulindyana mitima ndi twakundamana gamozi na bango.
TUMENYININE
Lola kabamba kakizi Yehowa ntekutundaga tukambye nkisi kwa kumukumbamina. Ijigisye nzila nsoga zinakukasya kutananizya Kalaga.
4. Tatwatunganana kukambya nkisi kwa kukumbamina Kalaga
Buni butwamenya buno kukambya nkisi takukutananizya Kalaga? Lola VIDEO, nu kusila ibuzye luno lubuzya lwalemba.
-
Kikizi kyabasile wakalazi gabende bantu ba Kalaga batundile kumukumbamina kwa kukambya kikeko?
Bantu beingi bekukambyaga nkisi gabekukumbamina Kalaga kubuno bekutunda kumukunda mu nzila zezo. Ndi kukita bubo kunababika bulazi na Kalaga? Soma Kutuka 20:4-6 nu Nimbo 106:35, 36, nu kusila ibuzye zeno mbuzya:
-
Nkisi nu bikeko bikizi biukumona bantu bekukambya mu ikumbamino lyabo?
-
Buni buli makengelo ma Yehowa ku kabamba ka kukambya nkisi?
-
Buni buli makengelo mobe ku kabamba ka kukambya nkisi?
5. Kukumbamina tugu Yehowa kwatukandula mu meigisya ma buza
Lola mu nzila nkizi kukumbamina Yehowa anga bwekutunda kunatukandula mu meigisya ma buza. Lola VIDEO.
Soma Nimbo 91:14, nu kusila ibuzye luno lubuzya:
-
Yehowa alaga kutukitila kikizi ndi twamulosya buno twamutunda kwa kumukumbamina we winyene tugu?
6. Tukukumbamina Kalaga ku mikundamano za Kikristo
Mikundamano zikutukasaga kiziki kya kuganuna Yehowa nu kulindyana mitima gatusamba, kutingila nimbo nu kukasana makulo. Soma Nimbo 22:22, nu kusila ibuzye zeno mbuzya:
-
Ndi ukubogelabogela makulo mekukasana mibuto nu babitu ku mikundamano?
-
Ndi watunde kwikungika buno ukasane makulo ku mikundamano?
7. Tukubogyabogya Yehowa kwa kusambalila bango bibyo bitukwijigisya
Kuli nzila neingi za kusambalila bango bulili bwa Biblia. Soma Nimbo 9:1 nu 34:1, nu kusila ibuzye luno lubuzya:
-
Bulili bukizi b’use wijigisya mu Biblia b’unatunda kusambalila bango?
NDI MUNTU AKUSOLELA BUNEE: “Tabunakulungana kutananizya Kalaga.”
-
Buni buli makengelo mobe?
MAKENGELO MANENE
Tukutananizya Mubumbi weitu gatwamukumbamina we winyene tugu, kumuganuna ku mikundamano za Kikristo nu kusambalila bango bitukwijigisya.
Mbuzya za kwikengelesya
-
Kalaga atulosya nzila nsoga za kumukumbamina kutingila kikizi?
-
Kabamba kakizi twatunganana tugu kukumbamina Yehowa?
-
Kabamba kakizi twatunganana kukumbamina Kalaga gamozi na babo bekutunda kumutananizya?
LONDA LINGO
Lola kabamba kakizi mukikulu umozi eli na mbogimbogi kwa kusiga kukumbamina nkisi.
“Biblia Bikugalukyaga Kalamo ka Bantu” (Munara wa Mulinzi, 1 Mwenzi wa 7, 2011)
Lola kikyo kinakukasya kwa kwakula ku mikundamano za Kikristo.
“Ganuna Yehowa mu Mikundamano” (Munara wa Mulinzi, Na. 1 2019)
Lola buni bwamonile musikila umozi mutali kwa kukundamana ku mikundamano za Kikristo aba buno bwabezaga bubibu kwage kukita bubo.
Bantu beingi bekukatiziaga buno, musalaba u kalolesio ka Kikristo, tondo ndi twatunganana kukambya musalaba mu ikumbamino lyeitu?
a Misagu zezo zatendelwe mu masomo mazinda.
