ISOMO 15
Yesu Eli Nazi?
Yesu eli umozi gesamba bantu bamenywa nunse mu kisi kinsania kutukila wakalazi. Aba buno bantu bamenya izina lyage, tondo beingi tabeizi byeingi ku kabamba kage, nu beingi beli na makengelo matingana-tingana ku kabamba ka kumenya lebelebe Yesu eli nazi. Biblia byatenda kikizi ku kabamba kage?
1. Yesu eli nazi?
Yesu eli kibumbwa kya muuza kili na magala nu ekulamaga mwigulu. Abumbilwe na Yehowa lwabusio lwa bintu binsania. Ukinsa ekumanwa “nkula gantata ga bibumbwa binsania.” (Bakolosayi 1:15) Biblia byatenda buno Yesu eli “Mwana . . . wa ngomo” wa Kalaga, kubuno Yesu u wabumbilwe winyene tugu na Yehowa. (Yoana 3:16) Yesu akambaga gamozi n’Isé, akasizye Yehowa kubumba bingo bintu binsania. (Soma Misumo 8:30.) Yesu ekubogelabogela bwida bwage gamozi na Yehowa. Yesu ekumanwa “Kitondo,” kubuno eli ntenzi wa Kalaga, ekukasana misagu nu milembe za Kalaga.—Yoana 1:14, NWT.
2. Kabamba kakizi Yesu avule ga kisi?
Kuse kwatinga miaka 2.000, nagakitile Yehowa muganogano wa kukumuzya kalamo ka Yesu munda mwa kekome utamenyaga wamulume wamanagwa Maria kutingila muuza wage waswagibwa. Mu nzila zezo Yesu abutilwe anga munakantu. (Soma Luka 1:34, 35.) Yehowa asingile Yesu ga kisi kuba Masiya walagilwe aba Kristo, nu kukulula banakantu. a Bulengania bunsania bwa Biblia ku kabamba ka Masiya bwazindilide mu Yesu, bubo bwakasizye bantu bamenye buno Yesu abezaga “Kristo, Mwana wa Kalaga uli mulami.”—Matayo 16:16.
3. Kuni kuli Yesu ono lelo?
Kusila kalamo kage gano ga kisi anga munakantu, Yesu ayukizibwe na Kalaga na mubili wa muuza nu kusubya mwigulu. Kuko, “Kalaga amusakikile nunse.” (Bafilipi 2:9) Yesu eli na bwangato bunene ono lelo, ukutenda buno—we u wavwa kunse kwa Yehowa.
TUMENYININE
Menya byeingi ku kabamba ka Yesu nu lola kabamba kakizi buli busoga kwijigisya kumumenya.
4. Yesu nteli Kalaga mwija magala mansania
Biblia bigisya buno, aba buno Yesu eli kibumbwa kya muuza kili na magala mwigulu, tondo ekwisigulizyaga ku Isé, Yehowa. Kabamba kakizi tunatenda bubo? Lola VIDEO kwa kumona bibyo bigisya Biblia ku kabamba ka kyengukana kili gesamba Yesu nu Kalaga mwiya magala mansania.
Mano masanzo malemba matukasya kumenya kyengukana kili gesamba Yehowa nu Yesu. Soma masanzo mongo, nu kusila ibuzye zeno mbuzya zalemba.
Soma Luka 1:30-32.
-
Mwanzelo asambede kyengukana kikizi kili gesamba Yesu nu Yehowa Kalaga “wasakama nunse”?
Soma Matayo 3:16, 17.
-
G’atutikilwe Yesu, iyuki lyatukile mwigulu lyatendile kikizi?
-
Ukukengela buno iyuki lyongo lyabezaga lya nazi?
Soma Yoana 14:28.
-
Gesamba Isé nu Mwana nazi uli mukulu nu uli na bwangato kutinga ungo?
-
Yesu amanile Yehowa, Tatane, bubo bwatwigisya kikizi?
Soma Yoana 12:49.
-
Ndi Yesu ekukengelaga buno gwe nu Isé balingimana? Buni buli makengelo mobe?
5. Kikizi kyalosya buno Yesu u Masiya?
Biblia bili na bulengania bweingi bunakasizye bantu bamenye Masiya—wozo wasombwedwe na Kalaga kwa kukulula banakantu. Lola VIDEO kwa kumenya bulengania bwanzindilizizye Yesu g’avule gano ga kisi.
Soma bubo bulengania bwa Biblia nu kusila ibuzye zeno mbuzya zalemba:
Soma Mika 5:2 kwa kumenya kuni u kunabutilwe Masiya. b
-
Ndi bubo bulengania bwazindilide?—Matayo 2:1.
Soma Nimbo 34:20 nu Zekaria 12:10 kwa kumenya bulengania bwatendile Biblia ku kabamba ka lukuo lwa Masiya.
-
Ndi bubo bulengania bwazindilide?—Yoana 19:33-37.
-
Ukukengela buno Yesu azindilizizye bubo bulengania bunsania?
-
Bubo bwalosya kikizi ku kabamba ka Yesu?
6. Buli busoga kwijigisya kumenya Yesu
Biblia byatenda buno buli busoga nunse kwijigisya kumenya Yesu nu mulimo wakasilwe na Kalaga. Soma Yoana 14:6 nu 17:3, nu kusila ibuzye luno lubuzya:
-
Kabamba kakizi buli busoga kwijigisya kumenya Yesu?
Kuteli Yesu tatunabasile kuba beida ba Kalaga. Yesu igisizye bulili ku kabamba ka Yehowa, nu ndi tunamona kalamo ka milyalya nti kutingila gwe
NDI MUNTU AKUSOLELA BUNEE: “Balongeki ba Yehowa tabekukatiziaga Yesu.”
-
Unamwakula buni?
MAKENGELO MANENE
Yesu eli mwanzelo uli na magala. Eli Mwana wa Kalaga, nu we u Masiya.
Mbuzya za kwikengelesya
-
Kabamba kakizi Yesu ekumanwa “nkula gantata ga bibumbwa binsania”?
-
Yesu akitaga kikizi lwabusio lwa kuvwa ga kisi?
-
Buni butwamenya buno Yesu u Masiya?
LONDA LINGO
Menyinina kabamba kakizi twakatizia buno Yesu u Masiya.
Menyinina ndi Biblia bigisya buno Kalaga eli Isé wa Yesu anga bukwibutilaga b’isé banakantu bana babo.
“Kabamba Kakizi Yesu Ekumanwa Mwana wa Kalaga?” (Musagu wa ku Enternete)
Soma buno umenye kabamba kakizi meigisya ma busatu bwa Kalaga tamatukila mu Biblia.
“Ndi Yesu Eli Kalaga?” (Munara wa Mulinzi, 1 Mwezi wa 4, 2009)
Mona buni bwagalukile kalamo ka mukikulu umozi kusila kwijigisya bibyo byatenda Biblia ku kabamba ka Yesu.
“Mukikulu Muyaudi Alosya Kabamba Kakizi Asongolide Bukatizio Bwage” (Amuka!, Na. 5 2013)
