ISOMO 21
Buni Bukusambalwa Musagu Musoga?
Kutingila Bukota bwage, Yehowa ese bwigi kusila tunkunku tweitu tunsania. Wono musagu uli musoga nunse wijanizya bantu bansania k’ungwa kugo. Yesu atundile beigisibwa bage basambale musagu wongo ku bantu bansania! (Matayo 28:19, 20) Buni bukukita Balongeki ba Yehowa kwa kujanga ikakizio lya Yesu?
1. Buni bukuzindilila bulengania buli mu Matayo 24:14 ono lelo?
Yesu atendile bunee: “Musagu musoga wa Bukota ukasambalwa ku bansania ba kisi kinsania.” (Matayo 24:14) Balongeki ba Yehowa beli na mbogimbogi kwa kwikasana kukita gono mulimo wa mutali. Tukusambala musagu musoga mu kisi kinsania mu mitendezi zatinga 1.000! Gono mulimo munene ukusega magala nunse nu kulongekwa busoga. Kuteli lukasyo lwa Yehowa, mulimo wongo taunakitwa.
2. Buni butukwikasana kusambalila bantu?
Tukusambala kunsania kutunasanga bantu. Anga bwakitaga Bakristo ba nkungu za basingwa, tukusambala “numba na numba.” (Misako 20:20) Nzila zeno zikutukasya kubasila ma milioni ma bantu mu miaka insania. Kubuno mambizi meingi tatukusangaga bantu ku numba zabo, ukinsa tukusambalaga lingo mu biziki bya bantu beingi. Bindi binsania tukulondaga nzila za kwezezya na bango ku kabamba ka Yehowa nu ku kabamba ka bibyo byekakita mu nkungu zikuvwa.
3. Nazi watunganana kusambala musagu musoga?
Bakristo bansania ba bulili beli na mulimo wa kusambalila bango musagu musoga. Tukukataga mulimo weitu na bukuti bunene. Tukwidindikaga kusambala bulingilingi na magala meitu kubuno twizi buno kalamo ka bantu ken’onibwa kutingila busambazi. (Soma 1 Timoteo 4:16.) Tatukuligwa kwa kukita gono mulimo, kubuno Biblia byatenda bunee: “Mwakasilwe buliabulia nu inyuwe kasanazi buliabulia.” (Matayo 10:7, 8) Ta bantu bansania u bekwitabizyaga musagu weitu. Tondo, tatukusiga kusambala, kubuno kukita bubo kuli kwanza Yehowa nu kukumubogyabogya.
TUMENYININE
Ijigisye byeingi ku magala mekukambyaga Balongeki ba Yehowa kwa kusambala mu kisi kinsania, nu lola buni bukutukasya Yehowa.
Kusambala mu kisi kinsania: A) Costa Rica, B) États-Unis, C) Bénin, D) Thaïlande E) Yap, F) Suède
4. Tukwidindikaga kulonda bantu bansania
Balongeki ba Yehowa bekukita magala mansania kwa kusambala musagu musoga kunsania kuli bantu. Lola VIDEO, nu kusila ibuzye luno lubuzya lwalemba.
-
Kikizi kyakwangamia ku magala mekukambyaga Balongeki ba Yehowa kwa kusambala?
Soma Matayo 22:39 nu Baroma 10:13-15, nu kusila ibuzye zeno mbuzya:
-
Buni bwalosya mulimo weitu buno twatunda bango bantu?
-
Buni bukwijungwaga Yehowa ku babo bekusambala musagu musoga?—Lola mulindi 15.
5. Tukukitaga mulimo gamozi na Kalaga
Misagu neingi zalosya buno Yehowa u ukusondelezyaga mulimo weitu. Anga, mu nsi za Nouvelle-Zélande, mubuto ukumanwa Paul akulumende mwigolo na mukikulu umozi mu busambazi bwa numba kwa numba. Mu nindunindu lya bubo busi, gozo mukikulu asegile Kalaga kwa kukambya izina lyage Yehowa nu kumusega buno asinge muntu umozi kuvwa kumutabangila. Paul atenda bunee: “Kusila tugu nkungu isatu, nabasile ku lwibi lwage.”
Soma 1 Bakorinto 3:9, nu kusila ibuzye luno lubuzya:
-
Misagu anga zezo za ku Nouvelle-Zélande, buni buzalosya buno Yehowa u ukusondelezyaga mulimo wa kusambala?
Soma Misako 1:8, nu kusila ibuzye luno lubuzya:
-
Kabamba kakizi twijanizya lukasyo lwa Yehowa kwa kukita mulimo weitu?
Ndi wamenyile?
N’izinga ku mikundamano za munkatini mw’izinga, tukwigisibwa nzila zikutukasya kumenya buni butunasambala. Ndi use wakundamana ku mukundamano umozi ku zezo mikundamano, buni b’ukumona mamo meigisya?
6. Tukwanza ikakizio lya Kalaga lya kusambala
Mu nkungu za basingwa, baguni balondile kuzugila beigisibwa ba Yesu buno tabasambale. Bakristo ba nkiko ntangi bidindikile kutendela bukandulwa bwabo bwa kusambala kwa “kulindia musagu musoga nu kugukita umenywe na mbulamatali.” (Bafilipi 1:7, NWT.) U bukukita tondi Balongeki ba Yehowa ono lelo. a
Soma Misako 5:27-42, nu kusila ibuzye lunolubuzya:
-
Kabamba kakizi tatukasiga aba busi bumozi kusambala?—Lola milindi 29, 38, nu 39.
MUNTU ENAKUBUZYA BUNEE: “Kabamba kakizi Balongeki ba Yehowa bekwendaga numba kwa numba?”
-
Unamwakula buni?
MAKENGELO MANENE
Yesu akakizizie beigisibwa bage kusambala musagu musoga ku bilongo binsania. Yehowa ekukasya bantu bage kukita gono mulimo.
Mbuzya za kwikengelesya
-
Buni bukusambalwa musagu musoga mu kisi kinsania?
-
Buni bwalosya mulimo weitu buno twatunda bango bantu?
-
Ukukengela buno mulimo wa kusambala unatulisizya mbogimbogi? Ku kabamba kakizi?
LONDA LINGO
Lola buni bukukitaga Balongeki ba Yehowa kwa kusambalila bantu mu miino minene.
Kusambala ga Kiziki kya Bantu Beingi mu Mwino wa Paris (5:11)
Buni bukukitaga Balongeki ba Yehowa kwa kubasila bantu batinine ku ungo mwino na busambazi?
Ungwilila buni bukutenda mubitu umozi watingizye kalamo kage kansania mu mulimo wa kusambala nkungu insania.
Bukindi butwamonile ku Mbulamatali bwakasizye mulimo wa kusambala wendelele.
“Basambazi ba Bukota Bekwitendela ku Tribinale” (Ufalme wa Mungu Unatawala!, Sura 13)
a Kubuno Kalaga u ukutukakizia kusambala, ukinsa Balongeki ba Yehowa tabekwijanizya kusega bakulu ba Mbulamatali buno babeitabizizye kusambala musagu musoga.
