ISOMO 25
Kalaga Ekutunda Tube na Kalamo ka Lukita Lukizi?
Biblia byatenda buno, banakantu bekulama ‘bindi bikeke bizile na tubebe.’ (Yobu 14:1) Ndi lebelebe kakano kalamo u kekutunda Kalaga tulame? Ndi ta bubo, kasi ekutunda tulame kalamo ka lukita lukizi? Ndi bubo bukazindilila? Lola makulo ma Biblia mekubobelezia.
1. Yehowa ekutunda tube na kalamo ka lukita lukizi?
Yehowa ekutunda tube na kalamo kasoga nunse. G’abumbile bantu batangi, Adamu nu Eva, ababikile mu Paradizo nsoga, mu isoa lya Edeni. Kusila “Kalaga abakasile mponga. Ababwide bunee: ‘Butanazi, nu mwitile. Mwizazie kisi nu ku kyangata.’” (Kulinga 1:28) Yehowa atundaga buno babute bana, bakite kisi kinsania kuba Paradizo nu kukunga nyama. Makengelo mage mabezaga buno bantu bansania babogelebogele kulama milyalya mu lukita lwa mubili wasililila.
Aba buno tatukulama kalamo kongo ono lelo, a tondo makengelo ma Kalaga tamagalukile. (Isaya 46:10, 11) Eki atunda banakantu bekumwanza balame milyalya mu lukita lwasililila.—Soma Kulolesibwa 21:3, 4.
2. Buni butunaba na kalamo kasoga ono lelo?
Yehowa atubumbile na “meijanizyo ma mutima,” ukutenda buno, nkasa za kumumenya nu kumukumbamina. (Soma Matayo 5:3-6, NWT.) Ekutunda tube na bwida bwagugumana gamozi nage kwa “kumuyanga mu nzila zage insania, kumwelama” nu kumukambila ‘na mutima [weitu] unsania.’ (Kukokomezia Mulembe 10:12; Nimbo 25:14) Ndi twakita bubo, tunaba na mbogimbogi za bulili aba buno tuli na tubebe. Kukumbamina Yehowa kwatukasya kuba na kalamo kasoga, kubuno tukulama bulingilingi na bubo bwekutunda tulame.
TUMENYININE
Lola lutundo lunene lwalosizye Yehowa g’abumbile kisi ku kabamba keitu nu bibyo bigisya Kitondo kyage Biblia kwa kutukasya kuba na kalamo kasoga.
3. Yehowa ekutunda banakantu babe na kalamo kasoga nunse
Lola VIDEO, nu kusila ibuzye luno lubuzya lwalemba.
-
Kabamba kakizi Kalaga abumbile kino kisi kisoga?
Soma Musambazi 3:11, nu kusila ibuzye luno lubuzya:
-
Isanzo lyongo lyakwigisya kikizi ku kabamba ka Yehowa?
4. Makengelo ma Yehowa ku banakantu tamagalukile
Soma Nimbo 37:11, 29 nu Isaya 55:11, nu kusila ibuzye luno lubuzya.
-
Buni butwamenya buno makengelo ma Yehowa ku kabamba keitu tamagalukile?
Kitundukutu kya numba kinatozibwa lingo. U buli kisi, aba buno banakantu tabakungile kisi busoga, Kalaga ekakigalukya kuba kisoga nu kukikasa ku babo bekumutunda
5. Kukumbamina Yehowa kwakita kalamo keitu kuba ka mutali
Kumenya kabamba kakizi tukulama kunatulisizya mbogimbogi. Lola VIDEO, nu kusila ibuzye luno lubuzya lwalemba.
-
Kumenya kabamba kakizi tukulama kwalisizye Terumi mutali mukizi?
Soma Musambazi 12:13, nu kusila ibuzye luno lubuzya:
-
Kubuno Yehowa u wabumbile bintu binsania ku kabamba keitu, buni butunamulosya lusimo?
NDI MUNTU AKUSOLELA BUNEE: “Kabamba kakizi tukulama?”
-
Unamwakula buni?
MAKENGELO MANENE
Yehowa ekutunda tubogelebogele kalamo milyalya gano ga kisi mu lukita lwasililila. Gatwamukumbamina na mutima weitu unse, nti twabe na kalamo keli na mutali kutukila ono lelo.
Mbuzya za kwikengelesya
-
Makengelo makizi matangi mabezaga namo Yehowa ku Adamu nu Eva?
-
Buni butwamenya buno makengelo ma Kalaga ku banakantu tamagalukile?
-
Buni b’unaba na kalamo keli na mutali?
LONDA LINGO
Lola butitikizio bwalosya buno isoa lya Edeni lyabezagako.
“Isoa lya Edeni—Bulili aba Lugano?” (Munara wa Mulinzi, 1 Mwezi wa 1, 2011)
Lola kabamba kakizi tunakatizia buno kisi kikasigala milyalya.
Lola bubo bwatenda Biblia kwa kumona kalamo keli na mutali.
Lola wamulume umozi wakengelaga buno abezaga na bintu binsania, tondo idaga kintu kimozi mu kalamo kage.
a Mu isomo lyalemba, wajigisye kabamba kakizi tatukulama kalamo kongo ono lelo.
