Kubuno wamulume nu mukikulu mutangi, Adamu nu Eva, tabanzile Kalaga, ukinsa tuli bagi, tukusungibwa nu kukua. a Tondo tatwasigende kuteli kilemanizio. Yehowa abikile nzila za kutukulula mu bwagi nu lukuo kutingila lukuo lwa Mwana wage, Yesu Kristo. Biblia bigisya buno, kutingila lukuo lwage, Yesu akasanine kalamo kage kuba kisansa kya bukuluzi. Kisansa kya bukuluzi kili lukalilo lukuligwa kwa kukulula muntu. Lukalilo lwalegile Yesu u kalamo kage kasililila. (Soma Matayo 20:28.) Kwa kukasana kiziki kyage kyabezaga nakyo kya kulama milyalya ga kisi, Yesu atwigulinde nzila za kumona lingo bibyo binsania byazimizizye Adamu nu Eva. Yesu alosizye lingo buni bubatutunda nunse gwe nu Yehowa. Lilino isomo lyakukasye kumenya buni b’unalosya lusimo ku lukuo lwa Yesu.

1. Lukuo lwa Yesu lwatulisizya mutali mukizi ono lelo?

Kubuno tuli bagi, ukinsa tukukita bitondo byeingi bitekutananizya Yehowa. Tondo ndi twibezya ku bwagi bweitu, nu kusega Yehowa atusigilile kutingila Yesu Kristo nu ndi twidindika kutasubilila kukita bubi bwongo, tunabogelabogela bwida bwagugumana gamozi na Kalaga. (1 Yoana 2:1) Biblia byatenda bunee: “Kristo . . . asungizibwe limbizi limozi ku kabamba ka bwagi, we wisanana ku bateisanana, buno atulusie ku Kalaga.”​—1 Petro 3:18.

2. Lukuo lwa Yesu lukatulisizya mutali mukizi mu nkungu zikuvwa?

Yehowa asingile Yesu kukasana kalamo kage kasililila “buno muntu unsania wamukatizia [Yesu], ntazimine, tondo abe na kalamo katanakuzinda.” (Yoana 3:16) Kutingila kisansa kyakasanine Yesu, Yehowa ese bwigi kusila bubi bunsania bwalisizibwe na kutanza kwa Adamu. Bubo bwisulwa buno ndi twalosya bukatizio mu kisansa kya Yesu, nti tukaba na kiziki kya kubogelabogela kalamo milyalya mu Paradizo ga kisi!​—Isaya 65:21-23.

 TUMENYININE

3. Lukuo lwa Yesu lwatukulula mu bwagi nu lukuo

1. Adamu abezaga muntu wasililila. Kubuno ntanzile Kalaga ukinsa alisizye bwagi nu lukuo ku banakantu bansania.

2. Yesu abezaga muntu wasililila. Kubuno anzile Kalaga ukinsa twamona lingo kilemanizio kya kuba na kalamo kasililila nu kulama milyalya.

4. Lukuo lwa Yesu lunalisizya bantu bansania mutali

 5. Kisansa kya bukuluzi kili lukaso lwa Yehowa kuguli

Beida ba Yehowa bekumonaga kisansa kuba lukaso lwage kubeli. Kwa kumona musumo umozi, soma Bagalatia 2:20, nu kusila ibuzye luno lubuzya:

• Buni bwatendile musingwa Paulo kwa kulosya buno kisansa kya bukuluzi kili anga lukaso lwage winyene?

Mu nkungu z’akitile bwagi, Adamu ikunzizye gwe nu bikanga byage binsania mu bukobe bwa lukuo. Tondo Yehowa asingile Mwana wage kukua, buno ube na kiziki kya kubogelabogela kalamo ka milyalya.

G’ukusoma mano masanzo, ibike tangi ga kiziki kya Yehowa buno umenye buni bwijungwaga gasungibwaga Mwana wage. Soma Yoana 19:1-7, 16-18, nu kusila ibuzye luno lubuzya:

• Buni bukwijungwa ku bubo bwakitile Yehowa nu Yesu ku kabamba kobe?

 MAKENGELO MANENE

Yehowa asigilila bwagi bweitu kutingila lukuo lwa Yesu, nu lukuo lwongo lwatukasa kiziki kya kubogelabogela kalamo milyalya.

Mbuzya za kwikengelesya

• Yesu akule ku kabamba kakizi?

• Mu nzila nkizi kalamo kasililila ka Yesu keli kisansa kyalingimana?

• Buni b’unamona mutali kutingila lukuo lwa Yesu?