ISOMO 20
Buni Bwalongekwa Ikundamano lya Kikristo?
Yehowa eli Kalaga ukulongeka bintu busoga. (1 Bakorinto 14:33) Kasi bantu bage batunganana kulongekwa busoga. Buni bwalongekwa ikundamano lya Kikristo? Buni butunakasya ku kulongekwa kwongo?
1. Nazi uli itoe ly’ikundamano?
“Kristo eli itoe ly’ikundamano.” (Baefeso 5:23, NWT.) Kutukila mwigulu, Yesu ekwemanina milimo zikukitwa na bantu ba Yehowa mu kisi kinsania. Yesu eimikile “mukiti [aba mukobe, NWT] mukatizia uli na menge”—kibombo kikeke kya bakungu bakula mu mutima, bekumanwa lingo Lusu Lukusondelezya. (Soma Matayo 24:45-47.) Lusu Lukusondelezya, lukusondelezya makundamano ma kisi kinsania, anga bwakitaga basingwa nu bakungu mu nkiko ntangi. (Misako 15:2) Tondo babo bamulume tabeli bangati ba iketelo lyeitu. Bekusoma Biblia buno bamenye Yehowa ekutunda bakite kikizi, nu kulemba busondelezya bwa Yesu.
2. Bakungu b’ikundamano beli na mulimo mukizi?
Bakungu b’ikundamano beli bamulume Bakristo bakula mu mutima bekwigisya masanzo nu kukunga bantu ba Yehowa kwa kubakasya nu kubalindya mitima. Tabekuligwa musanga ku kabamba ka mulimo ubekukita. Bekukamba ‘ta ku kusindikwa, tondo ku lutundo, anga bukutunda Kalaga; ta ku kwelama mutali guli nsese, tondo ku mutima musoga mu mulimo.’ (1 Petro 5:1, 2) Bakungu b’ikundamano bekukasibwa na bakambi ba mulimo.
Bakambi ba mulimo beli bamulume Bakristo mu ikundamano, nu bukutinga nkungu benakukya bibyo byalosya masanzo kwa kuba nubo bakungu. Lusu Lukusondelezya lukwimika bakungu bamozi b’ikundamano kuba balolezi ba mutimbo. Balolezi ba mutimbo bekutabangila mibuto nu babitu mu makundamano kwa kubakasa busondelezya nu kubalindya mitima. Bekwimika tondi bakungu b’ikundamano nu bakambi ba mulimo babo bakukya bibyo byalosya masanzo.—1 Timoteo 3:1-10, 12; Tito 1:5-9.
3. Mulongeki unsania eli na mulimo mukizi?
Bantu bansania ‘bekuganuna izina lya Yehowa’ kwa kumwimbila, kukasana makulo, kutingya kyaza aba keteko ku mikundamano nu kukita mulimo wa busambazi bulingilingi na magala ma muntu.—Soma Nimbo 148:12, 13.
TUMENYININE
Lola mu nzila nkizi Yesu ekusondelezya ikundamano, bukujanga bakungu b’ikundamano musumo wa Yesu kwa kusondelezya ikundamano, nu butunakamba gamozi na Yesu nu bakungu mu ikundamano.
4. Yesu eli Musondelezya musoga
Yesu atukitila mubila ukutananizya. Soma Matayo 11:28-30, nu kusila ibuzye luno lubuzya:
-
Yesu ekutunda twijungwe buni ku busondelezya bwage?
Bakungu bekukitaga kikizi kwa kujanga musumo wa Yesu? Lola VIDEO.
Biblia byalosya bwasi-bwasi buni bwatunganana kukita bakungu mulimo wabo.
Soma Isaya 32:2 nu 1 Petro 5:1-3, nu kusila ibuzye zeno mbuzya:
-
Kumenya bubo bukujanga bakungu musumo wa Yesu kwa kubobelezia bango, kwa kukita ujungwe buni?
-
Bakungu bekujanga musumo wa Yesu mu ingo nzila nkizi?
5. Bakungu b’ikundamano bekwigisya kutingila musumo wabo
Yesu ekutunda bakungu b’ikundamano bamone buni mulimo wabo? Lola VIDEO.
Yesu alosizye kanuni zatunganana kukambya babo bekusondelezya ikundamano. Soma Matayo 23:8-12, nu kusila ibuzye luno lubuzya:
-
Kikizi kyakwangamia gesamba kanuni za Biblia ku kabamba ka bakungu b’ikundamano nu bibyo biukumona bikukita bakulu ba madini?
-
Bakungu b’ikundamano bekwendelela kugugumania lukita lwabo lwa mutima nu bekukasya tondi bikanga byabo kukita bubo
-
Bakungu b’ikundamano bekwangaga bantu bansania mu ikundamano
-
Bakungu bekusambalaga bindi binsania
-
Bakungu bekwigisyaga, bekukasyaga tondi ku mulimo wa kujagila nu ku ingo milimo
6. Tunakamba gamozi na bakungu b’ikundamano
Biblia byatulosya kabamba kakizi buli busoga kukamba gamozi na bakungu b’ikundamano. Soma Baebrania 13:17, nu kusila ibuzye zeno mbuzya:
-
Kabamba kakizi Biblia byatusega buno twanze nu kwisigulizya ku babo bekutusondelezya? Buni buli makengelo mobe ku bubo?
Soma Luka 16:10, nu kusila ibuzye luno lubuzya:
-
Kabamba kakizi twatunganana kwanza bakungu bindi binsania aba mu bitondo bikumoneka kuba bikeke?
NDI MUNTU AKUSOLELA BUNEE: “Ntwijanizya kuba mu idini kishembe.”
-
Ku makengelo mobe muntu enamona mutali mukizi ndi ekukumbamina Kalaga gamozi na bango mu ikundamano?
MAKENGELO MANENE
Yesu eli itoe ly’ikundamano. Bakungu b’ikundamano bisigulizya kunsi kwa busondelezya bwa Yesu. Ukinsa tuli na mbogimbogi za kukamba gamozi nabo kubuno bekutubobelezia nu kutwigisya kutingila misumo zabo.
Mbuzya za kwikengelesya
-
Nazi uli itoe ly’ikundamano?
-
Buni bukukita bakungu kwa kukasya ikundamano?
-
Mulongeki wa Yehowa unsania eli na mulimo mukizi?
LONDA LINGO
Lola video zalosya buno Lusu Lukusondelezya nu bakungu b’ikundamano bekwangaga nunse Bakristo banyabo.
Lola milimo zikukitwa na balolezi ba mutimbo.
Soma buno umenye milimo zikukitwaga na babitu mu ikundamano.
“Ndi Bakikulu Balongeki ba Yehowa Bekwigisyaga Nubo?” (Munara wa Mulinzi, 1 Mwezi wa 9, 2012)
Lola buni bukwidindikaga bakungu kulindya mitima.
