ISOMO 39
Makengelo ma Kalaga ku Mikila
Mikila zili za mutali nunse. Kuteli mikila, takuli muntu unalama. Kubuno Kalaga u watubumbile, kasi we u watunganana kutulosya buni butunakambya mikila. Kalaga atenda kikizi ku kabamba ka mikila? Ndi tunalya aba kwiswa mikila mu miki? Nu buni b’unakata bulamuzi busoga ku kabamba ka bubo?
1. Buni buli makengelo ma Yehowa ku mikila?
Kutukila wakalazi, Yehowa abwinde bakambi bage bunee: “Kalamo ka kibumbwa na kibumbwa keli mu mikila zakyo.” (Balawi 17:14) Yehowa ekumonaga mikila u kalamo. Kubuno kalamo keli lukaso lusoga nunse kutuka ku Kalaga, kasi mikila nuzo zili lukaso lusoga nunse.
2. Kalaga ntekutunda mikila zikambibwe mu nzila nkizi?
Lwabusio lwa nkungu za basingwa, Yehowa azuginde bakambi bage buno tabalye mikila. (Soma Kulinga 9:4 nu Balawi 17:10.) Yehowa akasile lingo Bakristo mamo makakizio gabende lusu lukusondelezya lwabasanzile bunee: “Mwibembukye na . . . mikila.”—Soma Misako 15:28, 29.
Kwibembukya na mikila kuli na bwisulilwa bukizi? Ndi munganga akusolela buno wibembukye na maku, ntunazinua. Tondo ndi unalya idia lili na maku aba ndi uneitabizya buno bakwise maku mongo mu miki? Lebelebe ntuneitabizya. Anga bubo, ikakizio lya Kalaga lya kwibembukya na mikila, lisulwa buno tatwatunganana kulya mikila aba kulya nyama zitasingibwa. Nu lingo tatwatunganana kulya idia insania lyasambikwa na mikila.
Tutende leno buni ku kabamba ka busaki bwa kukambya mikila? Busaki bumozi bukumoneka bwasi-bwasi buno tabukulemba milembe za Kalaga. Anga kwiswa mikila mu miki aba kukambya nkindi inazi nene za mikila—chembe z’idangi zakisimana, chembe z’idangi zenga, bikundamania mikila (plakete), nu plasma. Bungo busaki tabukumoneka bwasi-bwasi buno bwengukana na milembe za Kalaga. Anga, busaki bumozi bukukambya idawa lyakitwa na twa nkindi tukeke twatukila ku nkindi inazi nene za mikila. Nu bungo busaki bukukambya mikila za muntu winyene. Mu nkungu zezo, n’umozi ku beiswe atunganana kwisombolela buni bwakite. a—Bagalatia 6:5.
TUMENYININE
Lola buni bunakata muntu bulamuzi ku kabamba ka busaki bukusega kukambya mikila.
3. Sombola busaki bukutananizya Yehowa
Buni b’unasombola busaki buli bulingilingi na makengelo ma Kalaga? Lola VIDEO, nu kusila lola kabamba kakizi buli busoga kukambya zeno nsungu zalemba:
-
Sega Kalaga akukase menge.—Yakobo 1:5.
-
Londa kanuni za Biblia nu lola buni b’unazikambya.—Misumo 13:16.
-
Londa kumenya busaki bukizi bwitabizibwa kuko k’ukulama.
-
Menyinina busaki bukizi b’utenitabizya.
-
Titikizia buno bulamuzi bwobe bwakukasye kusigala na kalenganio kasoga.—Misako 24:16. b
-
Kengela buno takuli muntu ibe—iba wobe, mukikulu wobe, mukungu w’ikundamano aba mwigisya wobe wa Biblia—watunganana kukusolela bibyo biwakite bulingilingi na kalenganio kobe.—Baroma 14:12.
-
Sanza mu ibuku lyobe bibyo biwasombola kukita.
4. Balongeki ba Yehowa bekulondaga busaki busoga nunse
Bunakulungana kulemba mulembe wa Kalaga ku kabamba ka mikila, nu kumona busaki busoga butekukambya mikila. Lola VIDEO.
Soma Tito 3:2, nu kusila ibuzye luno lubuzya:
-
Kabamba kakizi bindi binsania twatunganana kungwana nu kulosya lwanzo gatukwezezya na munganga?
|
Bitekwitabizibwa |
Mukristo isombolele |
|---|---|
|
A. Mikila-plasma. |
Idawa lyakitwa na twa nkindi tukeke twa plasma |
|
B. Chembe z’idangi zenga. |
Idawa lyakitwa na twa nkindi tukeke twa chembe z’idangi zenga |
|
C. Plakete. |
Idawa lyakitwa na twa nkindi tukeke twa plakete |
|
D. Chembe z’idangi zakisimana. |
Idawa lyakitwa na twa nkindi tukeke twa chembe z’idangi zakisimana |
5. Busaki bukusega kukambya twa nkindi tukeke twa mikila
Mikila zili na nkindi inazi nene—chembe z’idangi zakisimana, chembe z’idangi zenga, bikundamania mikila (plakete), nu plasma. Zezo nkindi inazi zili na twa chembe tukeke-tukeke twa mikila tukumanwa twa nkindi tukeke twa mikila. c Imozi ku tuto twa nkindi tukeke twa mikila tukukambibwa kwa kukita idawa lya kusakila lusambo aba kukasya buno mikila tazisulule.
Mukristo winyene atunganana kwisombolela ndi akambye idawa lyakitwa na twa nkindi tukeke twa mikila, bulingilingi na kalenganio kage k’igisibwa na Biblia. Bakristo bamozi tabekwitabizya busaki bukukambya idawa lyakitwa na twa nkindi tukeke twa mikila. Bango benamona buno tabuli bubi kukambya idawa lyakitwa na twa nkindi tukeke twa mikila bulingilingi na kalenganio kabo.
G‘ukukata bulamuzi bwobe, kengela luno lubuzya:
-
Buni bunasolele munganga kabamba kane ka kutaitabizya aba ka kwitabizya idawa lyakitwa na twa nkindi tukeke twa mikila?
MUNTU ENAKUBUZYA BUNEE: “Kuli bubi bukizi kwitabizya kwiswa mikila mu miki?”
-
Buni buli makengelo mobe?
MAKENGELO MANENE
Yehowa ntekutunda tukambye mikila mu nzila zetekutunda.
Mbuzya za kwikengelesya
-
Kabamba kakizi Yehowa ekumona buno mikila zili za mutali nunse?
-
Buni butwamenya buno mulembe wa Kalaga wa kwibembukya na mikila, ukukambibwa tondi kwa kuteiswa mikila mu miki?
-
Buni b’unakata bulamuzi busoga ku kabamba ka busaki bukusega kukambya mikila?
LONDA LINGO
Watunganana kukengela kikizi lwabusio lwa kwitabizya busaki bwasega kukambya mikila zobe winyene?
“Mbuzya za Basomi Beitu” (Munara wa Mulinzi, 15 Mwezi wa 10, 2000)
Watunganana kukengela kikizi g’ukukata bulamuzi bwa kwitabizya idawa lyakitwa na twa nkindi tukeke twa mikila?
“Mbuzya za Basomi Beitu” (Munara wa Mulinzi, 15 Mwezi wa 6, 2004)
Kikizi kyakitile munganga umozi akatizie buno makengelo ma Kalaga ku kabamba ka mikila meli makengelo masoga?
“Nitabizizye Makengelo ma Kalaga ku Mikila” (Amuka!, 8 Mwezi wa 12, 2003)
Lola buni bukukita bakungu b’ikundamano bekukamba mu Komité za Mungwano na Lopitalo (Comités de liaison hospitaliers) kwa kukasya mibuto nu babitu babo.
b Lola musagu 5, “Busaki Bukusega Kukambya twa Nkindi Tukeke twa Mikila,” wa lino isomo, nu Mukanda 3, “Busaki Bukusega Kukambya Mikila”
c Baminganga bamozi bekumonaga buno nkindi nene za mikila zili tugu nuzo twa nkindi tukeke twa mikila. Ukinsa, watunganana kusolela munganga bulamuzi bwobe bwa kutaitabizya kwiswa mikila aba chembe z’idangi zakisimana, chembe z’idangi zenga, bikundamania mikila (plakete), nu plasma.
