ISOMO 46
Kabamba Kakizi Watunganana Kwikasana ku Kalaga nu Kututikwa?
Muntu ekwikasana ku Yehowa g’amulaga mu masego buno ekamukumbamina we winyene tugu nu kukita ntundo zage u kwabe ga kiziki kitangi mu kalamo kage. (Nimbo 40:8) Kusila, muntu nti atutikwa. Kwa kukita bubo, nti alosya bango buno ese ikasana ku Kalaga. Bulamuzi bwa kwikasana ku Yehowa, buli bumozi gesamba bulamuzi bwa mutali bunakata muntu. Kikizi kinasinga muntu akate buno bulamuzi bunagalukya kalamo kage?
1. Kikizi kikusinga muntu ikasane ku Kalaga?
Lutundo u lukusinga muntu ikasane ku Yehowa. (1 Yoana 4:10, 19) Biblia byatenda bunee: “Tunda Mukota, Kalaga wobe na mutima wobe unsania, nu mu kalamo kobe kansania, nu mu menge mobe mansania, nu na magala mobe mansania.” (Marko 12:30, NTKI57.) Tukulosya buno twatunda Kalaga ta ku bitondo tugu, tondo nu ku misako zeitu. Anga, ndi wamulume nu mukikulu batundana nunse bekuzindilaga kusongana, unu bubo lutundo lweitu ku Yehowa u lwatusinge kwikasana kweli nu kututikwa.
2. Yehowa ekukasa mponga nkizi ku Balongeki bage batutikwa?
Ndi watutikwa, nti wingila mu kikanga kya Yehowa kili na bantu beli na mbogimbogi. Nti wamone lutundo lwa Yehowa mu nzila neingi mu kalamo kobe, nu bwida bwobe gamozi nage nti bwagugumane kutinga ono lelo. (Soma Malaki 3:16-18.) Yehowa abe So, nu lingo wabe mu kikanga kya kisi kinsania kya mibuto nu babitu batunda Yehowa nu bakutunda nugwe tondi. (Soma Marko 10:29, 30.) Lebelebe, kuli bintu biwatunganana kukita lwabusio lwa kututikwa. Watunganana kwijigisya kumenya Yehowa, kumutunda nu kulosya bukatizio ku Mwana wage Yesu. Kusila, watunganana leno kwikasana ku Yehowa. Ndi wakita bubo nu kututikwa, nti wabe mu nzila za kubogelabogela kalamo milyalya. Kitondo kya Kalaga kyatenda bunee: “Kututikwa . . . kukumwonia.”—1 Petro 3:21.
TUMENYININE
Lola kabamba kakizi buli busoga nunse wikasane ku Yehowa nu kututikwa.
3. Beiswe bansania twatunganana kwisombolela nazi u twakambele
Wakalazi, Baisraeli bamozi bakengelaga buno benakumbamina Yehowa nu Baali kalaga ka buza. Tondo Yehowa asingile mulengania Elia kwa kulosya buno mamo makengelo meli ma buza. Soma 1 Bakota 18:21, nu kusila ibuzye luno lubuzya:
-
Baisraeli batungananine kusombola kikizi?
Anga Baisraeli, beiswe tondi twatunganana kwisombolela nazi utwakambele. Soma Luka 16:13, nu kusila ibuzye zeno mbuzya:
-
Kabamba kakizi tatunakumbamina Yehowa nu kukumbamina ungo aba kingo kintu?
-
Buni butunalosya Yehowa buno twasombola kumukumbamina?
4. Kengela lutundo lukukulosyaga Yehowa
Yehowa atukasile nkaso neingi nsoga. Nu beiswe tunamukasa kikizi? Lola VIDEO.
Yehowa ekukulosyaga lutundo lwage mu nzila nkizi? Soma Nimbo 104:14, 15 nu 1 Yoana 4:9, 10, nu kusila ibuzye zeno mbuzya:
-
Nkaso nkizi kutuka ku Yehowa ziunalosya nunse kuzo lusimo?
-
Zezo nkaso zakukita ujungwe buni ku kabamba kage?
Ndi twamona lukaso lutwijanizyaga, tukutundaga nunse kulosya lusimo ku wozo watukasa lukaso lwongo. Soma Kukokomezia Mulembe 16:17, nu kusila ibuzye luno lubuzya:
-
Gawakengela bintu binsania byakukasile Yehowa, bubo bunakusinga kukita kikizi?
5. Kwikasana ku Kalaga kukulisya mponga neingi
Bantu beingi bekukatiziaga buno, kumenywa nunse, kuba na mulimo musoga aba bikulo u binabalisizya mbogimbogi. Ndi bubo buli bulili? Lola VIDEO, nu kusila ibuzye zeno mbuzya zalemba.
-
Aba buno Andrey watendelwa mu video atundaga kwesa kabumbu, kabamba kakizi asigile mulimo wage?
-
Asombwende kwikasana ku Yehowa, ta kwesa kabumbu. Ukukengela buno akatile bulamuzi busoga? Kabamba kakizi?
Lwabusio lwa kuba Mukristo, musingwa Paulo abezaga na mulimo musoga nunse. Igisizibwe milembe za Bayuda na mwigisya wamenywaga nunse. Tondo asigile bibyo binsania kwa kuba Mukristo. Ndi Paulo abezaga na makengelo ma kwibezya? Soma Bafilipi 3:8, nu kusila ibuzye zeno mbuzya:
-
Kabamba kakizi Paulo atendile buno bibyo binsania by’akitaga lwabusio lwa kuba Mukristo byabezaga bya “buliabulia,” aba busasa?
-
Amonile kikizi kwa kukita bubo?
-
Unalingimania kukambela Yehowa na ungo mulimo mukizi u unakita mu kalamo kobe?
G’abasile kuba Mukristo, Paulo amonile mutali nunse kutinga bibyo by’asigile
NDI MUNTU AKUSOLELA BUNEE: “Takuli mutali kwikasana ku Kalaga.”
-
Kabamba kakizi ukukengela buno kwikasana ku Yehowa kuli kwa mutali mu kalamo kobe?
MAKENGELO MANENE
Lutundo u lukusinga muntu kwikasana ku Yehowa nu kututikwa.
Mbuzya za kwikengelesya
-
Kabamba kakizi twatunganana kutunda Yehowa na mutima weitu unse nu kumukumbamina?
-
Yehowa ekukasaga Balongeki bage bese batutikwa mponga nkizi?
-
Ndi unatunda kwikasana ku Yehowa nu kututikwa?
LONDA LINGO
Lola kabamba kakizi kalongo (mwimbi) nu wamulume wesaga kabumbu, basombwede kwikasana ku Yehowa.
Mbuzya Zikwibuzyaga Basikila nu Bakinga—Nkakita Kikizi mu Kalamo Kane?—Kukengela Byatingile (6:54)
Lola tungo tubamba twa kwikasana ku Kalaga.
“Kabamba Kakizi Wikasane ku Yehowa?” (Munara wa Mulinzi, 15 Mwezi wa 1, 2010)
Mu luno lwimbo lwa video, lola mbogimbogi zikubezaga nazo babo bekwikasana ku Yehowa.
Mu musagu “Mu Miaka Neingi Neibuzyaga bunee: ‘Kabamba Kakizi Tukulama?’” lola kikizi kyasingile mukikulu umozi kusongolola bibyo by’amonaga bya mutali mu kalamo kage.
“Biblia Bikugalukyaga Kalamo ka Bantu” (Munara wa Mulinzi, 1 Mwezi wa 11, 2012)
