ISOMO 47
Ndi Useli Kayekayeka Kututikwa?
Mu kwijigisya kwobe Biblia, use wamenya byeingi ku kabamba ka Yehowa. Mango use wakita migaluko kishembe kwa kukambya bibyo biuse wijigisya. Aba bubo, mango kuli bitondo bikukukita ntwikasane ku Yehowa nu kututikwa. Mu lilino isomo, twatendele bitondo binakukita ntubasile kututikwa nu kumenya buni b’unabikinda.
1. Ndi watunganana kumenya binsania bili mu Biblia lwabusio lwa kututikwa?
Buno muntu atutikwe, atunganana kuba na “bumenyinino bwa bulili buteli na makosa.” (1 Timoteo 2:4, NWT.) Bubo tabwalosya buno watunganana kumenya makulo mansania ma Biblia ku mbuzya z’unabuzibwa na bantu lwabusio lwa kututikwa. Aba Bakristo batutikilwe wakalazi, beke bendelela kwijigisya. (Bakolosayi 1:9, 10) Tondo, watunganana kumenya meigisya matangi-matangi ma Biblia. Bakungu b’ikundamano bakukasye kumenya ndi use na bumenyinino bwasegwa kwa kututikwa.
2. Watunganana kukita kikizi lwabusio lwa kututikwa?
Lwabusio lwa kututikwa, watunganana ‘kwiyania [kwigonga] . . . u kugaluka.’ (Soma Misako 3:19.) Bubo bwisulwa buno kwibezya ku bwagi bunsania buwakitile wakalazi nu kusega Yehowa akusigilile. Watunganana lingo kusiga misako mibi nu kwidindika kulama mu nzila zikutananizya Kalaga. Kwa kutalikila, watunganana kukundamana ku mikundamano za Kikristo nu kusambala anga musambazi utetutikwa.
3. Kabamba kakizi ntwatunganana kusiga boba bukusubye mbusa?
Bantu bamozi bekukuaga boba buno tabakosye kulama bulingilingi na bibyo bibalagile Yehowa. Lebelebe, mango unakita makosa mu nkungu kishembe, anga bwakitaga bamulume nu bakikulu bakatizia batendelwa mu Biblia. Tondo Yehowa ntekulegela bakambi bage babe basililila. (Soma Nimbo 103:13, 14.) Kikumutananizya u kumona bubo b’ukwidindika kukita buli busoga. Nu akukasye. Yehowa atutitikizia buno aba kintu kimozi “takikavwama kutulekanukya na lutundo . . . [lwage].”—Soma Baroma 8:38, 39.
TUMENYININE
Lola buni b’unakinda ntubya aba bibyo binakukita ntubasile kututikwa kwa kwijigisya kumenya Yehowa busoga nu kwitabizya lukasyo lwage.
4. Ijigisye kumenya Yehowa busoga
Watunganana kuba na bumenyinino bugezye gani ku Yehowa lwabusio lwa kututikwa? Watunganana kuba na bumenyinino bwakukasye kumutunda nu kumutananizya. Lola VIDEO kwa kumona mu nzila nkizi beigisibwa ba Biblia ba mu kisi kinsania bekukita bubo. Kusila ibuzye luno lubuzya lwalemba.
-
Mu zeno video, kikizi kyakasizye bantu bamozi babasile kututikwa?
Soma Baroma 12:2, nu kusila ibuzye zeno mbuzya:
-
Ndi ntukukatizia meigisya ma Biblia aba ndi ntukukatizia buno Balongeki ba Yehowa bekwigisya bulili?
-
Ndi u buligo, unakita kikizi?
5. Kinda ntubya zinakukita ntututikwe
Ndi muntu asombola kwikasana ku Yehowa nu kututikwa, nti akulumane na tunkunku. Kwa kumona musumo umozi, lola VIDEO, nu kusila ibuzye zeno mbuzya zalemba.
-
Mu zeno video, Narangerel atungananine kukinda ntubya nkizi kwa kukambela Yehowa?
-
Mu nzila nkizi lutundo lwage ku Yehowa lwamukasizye kukinda ntubya zezo?
Soma Misumo 29:25 nu 2 Timoteo 1:7, nu kusila ibuzye luno lubuzya:
-
Kikizi kikutukasaga magala ma kukinda ntubya?
6. Lemanina lukasyo lwa Yehowa
Yehowa akukasye kukita bibyo bikumutananizya. Lola VIDEO, nu kusila ibuzye zeno mbuzya zalemba.
-
Mu zeno video, kikizi kyakitaga gono mwigisibwa wa Biblia ntetutikwe?
-
Kikizi kyamukasizye kugugumania kilemanizio kyage ku Yehowa?
Soma Isaya 41:10, 13, nu kusila ibuzye luno lubuzya:
-
Kabamba kakizi unakatizia buno unazindilizya idagano liwakitile lya kwikasana ku Yehowa?
7. Losya lusimo nunse ku lutundo lukukulosyaga Yehowa
Ndi wakengela nunse lutundo lwa Yehowa kuguli, u buwatunde kumulosya lusimo nu kumukambela milyalya. Soma Nimbo 40:5, nu kusila ibuzye luno lubuzya:
-
Mponga nkizi za Yehowa zikukutananizya nunse?
Mulengania Yeremia atundaga Yehowa nu Kitondo kyage, nu alosizye lusimo nunse ku bukuti bwa kumanwa ku izina lya Yehowa. Atendile bunee: “Bitondo byobe byabezaga mbogimbogi kundi, nu kyelele kya mutima wane; kubuno namaninwe ku izina lyobe, ee Yehowa, Kalaga.” (Yeremia 15:16) Akula ku zeno mbuzya:
-
Kabamba kakizi buli bukuti bunene kuba Mulongeki wa Yehowa?
-
Ndi unatunda kututikwa nu kuba Mulongeki wa Yehowa?
-
Ndi kuli kintu kikukukita ntubasile kututikwa?
-
Ku makengelo mobe, watunganana kukita kikizi kwa kubasila kututikwa?
NDI MUNTU AKUSOLELA BUNEE: “Nkukua boba kututikwa kubuno nsyakosye kuzindilizya binsania binalagile.”
-
Ndi u buli makengelo mobe?
MAKENGELO MANENE
Kutingila lukasyo lwa Yehowa, unakinda binsania binakukita ntubasile kututikwa.
Mbuzya za kwikengelesya
-
Ndi watunganana kumenya binsania bili mu Biblia kwa kubasila kututikwa?
-
Watunganana kukita migaluko mikizi lwabusio lwa kututikwa?
-
Kabamba kakizi ntwatunganana kusiga boba bukusubye mbusa?
LONDA LINGO
Lola bikizi byatunganana kukusinga kukata bulamuzi bwa kututikwa.
“Ndi Useli Kayekayeka Kututikwa?” (Munara wa Mulinzi, Mwezi wa 3, 2020)
Lola buni b’unakinda bibyo binakukita ntubasile kututikwa.
“Kikizi Kikunkita Nsitutikwe?” (Munara wa Mulinzi, Mwezi wa 3, 2019)
Lola buni bwakindile wamulume umozi ntubya nene zamukitaga ntetutikwe.
Mu kulinga, wamulume ukumanwa Ataa ntatundaga kututikwa. Lola kikyo kyamukasizye kukata bubo bulamuzi bwa mutali.
