ISOMO 48
Sombola Busoga Beida Bobe
Beida basoga bekubogaboga gamozi na beiswe mu nkungu nsoga, nu bekutukasya mu nkungu mbibu. Tondo Biblia byatulosya buno ta muntu unsania u uli mwida musoga. Kasi buni b’unasombola beida basoga? Kengela ku zeno mbuzya zalemba.
1. Beida bawasombole bakukite kuba na misako mikizi?
B’ukutingya nkungu gamozi na bantu, u buwabasusanie ku misako, zinaba misako misoga aba mibi. Bubo buligo ibe buno ukutingya nkungu ku kiziki kimozi nabo—aba kutingila site za enternete za kwezezya na bango. Anga bwatenda Biblia, “enda gamozi na mwiya menge nu uwe nti wabe na menge, tondo mwida wa bikongolo [babo betekutunda Yehowa] ababalwe.” (Misumo 13:20) Beida batunda Yehowa nu bekumukumbamina benakukasya kugugumania bwida bwobe gamozi nage nu benakukasya kukata bulamuzi busoga. Tondo beida betekutunda Yehowa benakubika bulazi nage. Ukinsa Biblia byatusungula kusombola busoga beida beitu! Tunamona mutali ndi tuli na beida batunda Kalaga, nu beiswe tunabalisizya mutali. Nti twabe na kiziki kya ‘kubobeleziana nu kulindiana bweitubweitu.’—1 Batesalonika 5:11.
2. Yehowa ajungwe buni ku kabamba ka beida bobe bawasombole kuba nabo?
Yehowa ekusombolaga busoga beida bage. “Eli gamozi na bantu beisanana.” (Misumo 3:32) Yehowa enajungwa buni ndi twasombola beida betekumutunda? Bunamwinia nunse mutima! (Soma Yakobo 4:4.) Tondo, Yehowa enabogaboga nu kutusombola kuba beida bage ndi twibembukya na bantu beli na misako mibi, nu bubo bwatukasye kumusigelela nu kusigelela tondi babo bamutunda.—Nimbo 15:1-4.
TUMENYININE
Lola kabamba kakizi kusombola beida basoga kuli kwa mutali nunse, nu lola buni b’unamona beida benakukasya mu kalamo kobe.
3. Ibembukye na mugomyo mubi
Bantu betekutunda Kalaga nu kanuni zage tabeli beida basoga. Lola VIDEO, nu kusila ibuzye luno lubuzya lwalemba.
-
Buni butunagomiana na beida babi kwa kutamenya?
Soma 1 Bakorinto 15:33, nu kusila ibuzye zeno mbuzya:
-
Bantu ba lukita lukizi betenaba beida basoga kwobe? Kabamba kakizi watenda bubo?
Soma Nimbo 119:63, nu kusila ibuzye luno lubuzya:
-
Buni bwatunganana kuba muntu uwasombole kuba mwida wobe?
Kiguma kimozi kyabola, kinabozya biguma binsania. Ndi wakita bwida gamozi na muntu mubi, bubo bwakukite kuba na misako mikizi?
4. Tunasombola beida basoga ku bantu ba nkita insania
Biblia byatendela musagu wa bamulume babili Baisraeli ba wakalazi, Davidi nu Yonatani. Tababezaga na miaka imozi nu tababezaga na lukita lumozi lwa kalamo; tondo, babende beida basoga. Soma 1 Samweli 18:1, nu kusila ibuzye luno lubuzya:
-
Kabamba kakizi tatwatunganana tugu kusombola beida ba miaka zeitu aba babo batuli nabo lukita lumozi lwa kalamo?
Soma Baroma 1:11, 12, nu kusila ibuzye luno lubuzya:
-
Beida batunda Yehowa bekulindyana mutima mu nzila nkizi?
Mu zeno video, lola buni bwakitile mubuto umozi kwa kukita bwida gamozi na muntu wabezaga na miaka neingi kumutinga. Lola VIDEO, nu kusila ibuzye zeno mbuzya zalemba.
-
Mu zeno video, Akil ikitinde beida ku likolo, kabamba kakizi babuti bage tababogilebogile na bubo?
-
Kabamba kakizi atundile kukita bwida na babo basikila?
-
Kikizi kyamukasizye kukinda lukita lwa kwimona buno eli winyene?
5. Buni b’unamona beida basoga?
Lola buni b’unamona beida ba bulili—nu buni b’unaba nugwe mwida wa bulili. Lola VIDEO.
Soma Misumo 18:24 nu 27:17, nu kusila ibuzye zeno mbuzya:
-
Beida ba bulili bekukasyanaga mu nzila nkizi?
-
Ndi uli na beida basoga anga bwalosya lino isanzo? Ndi ta bubo, kasi buni b’unamona beida basoga?
Soma Bafilipi 2:4, nu kusila ibuzye luno lubuzya:
-
Ndi ukutunda kuba na beida basoga, watunganana nugwe kuba mwida musoga. Buni b’unakita bubo?
Kwa kumona beida basoga, watunganana kuba mwida musoga
NDI MUNTU AKUSOLELA BUNEE: “Unakita bwida na muntu unsania kuteli kwida aba umozi.”
-
Unatenda buni?
MAKENGELO MANENE
Ndi twasombola busoga beida beitu nti twabogyebogye Yehowa, nu kwidisizya mutali.
Mbuzya za kwikengelesya
-
Kabamba kakizi Yehowa ekutunda tusombole beida basoga?
-
Beida ba lukita lukizi batwatunganana kwibembukya nabo?
-
Buni b’unamona beida basoga ku bantu ba nkita insania?
LONDA LINGO
Lola buni bunatukasya beida basoga mu nkungu mbibu.
Lola bibyo biunakita kwa kumona beida basoga.
Kikizi kiwatunganana kumenya ku kabamba ka kulonda beida ku site za enternete za kwezezya na bango?
Mu musagu “Nijanizyaga Kuba N’isé,” lola kabamba kasindikile wamulume umozi kulonda bango beida.
“Biblia Bikugalukyaga Kalamo ka Bantu” (Munara wa Mulinzi, 1 Mwezi wa 4, 2012)
