ISOMO 55
Kasya Ikundamano Lyobe
Mu kisi kinsania, ma milioni ma bantu bekukumbamina Yehowa kwa mbogimbogi mu maelfu ma makundamano. Beli na lusimo ku meigisya nu busondelezya bubekukaswa nu bekwikasana kukasya ikundamano mu nzila neingi. Ndi u b’ukwijungwa nugwe ku kabamba k’ikundamano lyobe?
1. Unakambya nkungu nu magala kwa kukasya ikundamano mu nzila nkizi?
Beiswe bansania tunakasya mu ikundamano. Anga, ndi mu ikundamano lyeinyu muli bantu bese bakunguka aba bitunga? Ndi unabakasya kwa kuvwa nabo ku mikundamano? Ndi unabakasya mu ingo nzila, anga kwenda kubagulila bintu ku isoko aba kubakasya ku milimo zibeli nazo ku numba? (Soma Yakobo 1:27.) Tunakasya lingo ku mulimo wa kwengya nu kukunga Numba zeitu za Bukota. Takuli muntu ukukandikaga ungo kukita bubo. Lutundo lweitu ku Kalaga nu ku mibuto zeitu u lukutusindika ‘twikasane na mutima.’—Nimbo 110:3.
Babo bese batutikwa benakasya ikundamano mu ingo nzila. Mibuto bakukya bibyo byasegwa na masanzo benaba bakambi ba mulimo, nu bukutinga nkungu, benaba bakungu b’ikundamano. Mibuto nu babitu benakasya nunse ku mulimo wa kusambala kwa kuba bapainia. Bango Balongeki benakasya ku mulimo wa k’obaka biziki by’ikumbamino aba kukumukila ku bingo biziki kwa kukasya ikundamano lijanizya basambazi.
2. Buni butunakambya musanga nu bintu bituli nabyo kwa kukasya ikundamano?
“Anza Yehowa na bikulo byobe.” (Misumo 3:9) Tuli na mbogimbogi kukasana musanga nu bintu bituli nabyo kwa kukasya ikundamano nu mulimo wa busambazi mu kisi kinsania. (Soma 2 Bakorinto 9:7.) Nkaso zeitu zikukasya mibuto nu babitu mu nkungu za kibuka. Bantu beingi bekwisombolelaga “kubika bikulo” kishembe ku kabamba ka kukasana. (Soma 1 Bakorinto 16:2.) Tunalisya nkaso zeitu kwa kuzibika mu masanduku ma nkaso ku biziki byeitu by’ikumbamino aba kutingila donate.pr418.com ku enternete. Yehowa atukasa kiziki kya kulosya buno twamutunda mu nzila zitwakambye musanga aba bintu bituli nabyo.
TUMENYININE
Lola nzila kishembe ziunakasya kuzo ikundamano.
3. Tunakambya musanga aba bintu bituli nabyo
Yehowa nu Yesu, bekutunda wozo ukukasana kwa kwitundila. Anga, busi bumozi, Yesu aganwine mukungu musigala walisizye lukaso lukeke. Soma Luka 21:1-4, nu kusila ibuzye zeno mbuzya:
-
Ndi twatunganana kulisya musanga aba bikulo byeingi buno lukaso lweitu lutananizye Yehowa?
-
Buni bukwijungwa Yehowa nu Yesu ndi twakasana kwa kwitundila?
Kwa kumenya buni bukukambibwa nkaso zeitu, lola VIDEO. Kusila ibuzye lubuzya lwalemba.
-
Buni bukukambibwa nkaso zeitu kwa kukasya makundamano mu kisi kinsania?
4. Tube kayekayeka kwikasana
Wakalazi, bakumbamizi ba Yehowa bakambaga na komanizia kwa kwengya nu kukunga biziki by’ikumbamino. Kwa kukita bubo tabatikyaga tugu bikulo. Soma 2 Nkiko 34:9-11, nu kusila ibuzye luno lubuzya:
-
Buni bwakitile Mwisraeli unsania kwa kukasya kukunga numba za Yehowa, aba kiziki k’ikumbamino?
Kwa kumona bubo bukukita Balongeki ba Yehowa kwa kujanga musumo wongo, lola VIDEO. Kusila ibuzye zeno mbuzya zalemba.
-
Kabamba kakizi buli busoga kukunga nu kwengya Numba zeitu za Bukota bindi binsania?
-
Unakasya mu nzila nkizi?
5. Mibuto benakamba ingo milimo mu ikundamano
Masanzo mekulindya mutima mibuto Bakristo kwidindika kukamba milimo kwa kukasya ikundamano. Kwa kumona musumo umozi, lola VIDEO. Kusila akula luno lubuzya lwalemba.
-
Mu zeno video, buni bwakitile Ryan kwa kukasya nunse ikundamano?
Biblia byalosya bibyo byasegwa ku mubuto ukutunda kuba mukambi wa mulimo aba mukungu w’ikundamano. Soma 1 Timoteo 3:1-13, nu kusila ibuzye zeno mbuzya:
MUNTU ENAKUBUZYA BUNEE: “Kuni kukutikyaga Balongeki ba Yehowa musanga kwa kukita mulimo wabo?”
-
Unamwakula buni?
MAKENGELO MANENE
Yehowa ekubogelabogela mpumba zitukukita kwa kukasya ikundamano kutingila nkungu, magala, musanga nu bintu bituli nabyo.
Mbuzya za kwikengelesya
-
Buni butunakambya nkungu nu magala meitu kwa kukasya ikundamano?
-
Buni butunakambya musanga nu bintu bituli nabyo kwa kukasya ikundamano?
-
Unatunda kukasya ikundamano mu nzila nkizi?
LONDA LINGO
Lola kabamba kakizi ono lelo Kalaga ntekukandika bakambi bage batikye kyeindi ky’ikumi.
“Biblia Byatenda Kikizi ku Kabamba ka Kutikya Kyeindi Ky’ikumi?” (Musagu wa ku Enternete)
Lola bwisulilwa bwa kuba “mulangi” mu ikundamano.
“Ndi ‘Ukutunda Kuba Mulangi’?” (Munara wa Mulinzi, 15 Mweizi wa 9, 2014)
Lola komanizia kakitile Balongeki bamozi kwa kwikasana kwekya bitabu ku mibuto zabo.
Lola kuni kutukutikyaga musanga wa kukita mulimo weitu mu nzila zengukana nunse na mango madini.
“Kuni Kukutikyaga Balongeki ba Yehowa Musanga wa Kukita Milimo Zabo?” (Musagu wa ku Enternete)
