Ndi tuli gamozi na mibuto nu babitu beitu, tukwijungwaga anga mukota Davidi watendile bunee: “Lola, kwikala gamozi anga mibuto kuli kusoga nunse nu kwatananina.” (Nimbo 133:1) Bumozi buli gatusamba tabukwibasila tugu bubo. N’umozi kutuli ekwidindikaga kukasya kwa kulindya bumozi bwongo.

1. Kikizi kikwangamia kikumoneka gesamba bantu ba Kalaga?

Ndi wakundamana ku mikundamano zeitu mu ingo nsi, lebelebe ntunungwa mutendezi, tondo mu nzila neingi ntuneimona buno uli mugeni. Kabamba kakizi? Kubuno tukwijigisyaga bitabu bimozi byalemanina Biblia kunsania mu kisi. Nu Tukwidindikaga kulosyana lutundo. Ibe kuni kutukulama, beiswe bansania ‘tukumana izina lya Yehowa nu kumukitila mu kwitabizania kumozi.’​—Zefania 3:9.

2. Unakita kikizi kwa kukasya ku bumozi bw’ikundamano?

“Tundanazi nunse bweinyubweinyu na mutima unsania.” (1 Petro 1:22) Buni b’unakambya lulo lusungu? Kuteli kulola tugu kutasilila kwa bango, kokomezia makengelo ku nkumu zabo nsoga. Ntukite tugu bwida na babo bekutundaga bibyo biukutundaga, tondo londa kumenyana na mibuto nu babitu batukile mu bingo bilongo. Tuneidindika lingo kusiga makengelo mansania ma bulundulundu matunaba namo.​—Soma 1 Petro 2:17. a

3. Wakite kikizi ndi ntukungwana na Mukristo munyobe?

Tuli mu bumozi, tondo tuli lingo bantu betasililila. Mu nkungu imozi tunatambya aba kwinia bango mutima. Kitondo kya Kalaga kyatusolela bunee: “Sigililanazi bumuli na bumuli,” kyatalika lingo bunee: “Anga bubo bwamusigilide Mukota, [Yehowa] ububo nu inyuwe musigililane.” (Soma Bakolosayi 3:13.) Tukwinia Yehowa mutima mambizi meingi, tondo ekutusigililaga. Ukinsa ekutunda nu beiswe tusigilile mibuto nu babitu beitu. Ndi wakengela buno winizye muntu kishembe mutima, londa kukita bubobelelo.​—Soma Matayo 5:23, 24. b

 TUMENYININE

4. Ntube na bulundulundu

Twatunganana kutunda mibuto nu babitu beitu bansania. Tondo bunaba bubibu kugomiana na muntu uteli anga beiswe. Kikizi kinatukasya? Soma Misako 10:34, 35, nu kusila ibuzye zeno mbuzya:

• Yehowa itabizya bantu ba nkita insania babe Balongeki bage. Bubo bunakukita umone buni mibuto nu babitu ba bingo bilongo?

• Ukutunda kwibembukya na bulundulundu bwa lukita lukizi bukulosya nunse bantu kuko k’ukulama?

Soma 2 Bakorinto 6:11-13, nu kusila ibuzye luno lubuzya:

• Ku makengelo mobe, unakita kikizi kwa kulosya lutundo ku mibuto nu babitu ba bingo bilongo?

5. Sigilila na mutima unse nu kita bubobelelo

Yehowa ekutusigililaga na mutima unse aba buno ntekeijanizya aba busi bumozi buno tumusigilile. Soma Nimbo 86:5, nu kusila ibuzye zeno mbuzya:

• Kusigilila kwa Yehowa kugezye gani?

• Kabamba kakizi uli na lusimo kubuno ekukusigililaga?

• Bikizi binakita bube bubibu kungwana na bango?

Buni butunajanga Yehowa nu kulindya bumozi bweitu gamozi na mibuto nu babitu? Soma Misumo 19:11, nu kusila ibuzye luno lubuzya:

• Ndi muntu akwinia mutima aba akwagila, unakita kikizi kwa kusila mulondo?

 Mu nkungu imozi tukwinia bango mutima. Tunakita kikizi ndi bubo bwabasila? Lola VIDEO, nu kusila ibuzye lubuzya lwalemba.

• Mu zeno video, mubitu akitile kikizi kwa kulonda bubobelelo?

 MAKENGELO MANENE

Unakasya ku bumozi bw’ikundamano kwa kusigilila nu kulosya lutundo ku mibuto nu babitu bansania.

Mbuzya za kwikengelesya

• Buni butunasiga bulundulundu?

• Wakite kikizi ndi ntukungwana na munyobe Mukristo?

• Kabamba kakizi ukutunda kujanga musumo wa Yehowa kwa kusigilila bango?