ISOMO 57
Watunganana Kukita Kikizi ndi Wakita Bwagi Bunene?
Aba buno watunda Yehowa nunse nu ukwidindika kutakita bunsania bunamwinia mutima, tondo unakita makosa mambizi kishembe. Aba bubo, bwagi bumozi buli bunene nunse kutinga bungo. (1 Bakorinto 6:9, 10) Ndi wakita bwagi bunene, kengela buno Yehowa ntenasiga kukulosya lutundo nu eli kayekayeka kukusigilila nu kukukasya.
1. Twatunganana kukita kikizi buno Yehowa atusigilile?
Babo batunda Yehowa bekwibezya nunse gabamenya buno bakita bwagi bunene. Tondo Yehowa ababobelezia kutingila lilino idagano: “Ndi mibi [aba bwagi] zeinyu zili zakisimana, nti zikaba zenga anga lubula.” (Isaya 1:18) Ndi twigonga na mutima weitu unsania, Yehowa nti atusigilila lebelebe. Buni butuneigonga? Kwibezya nunse ku bibyo bitwakitile kwatusinge kusiga kukita bubi nu kusega Yehowa atusigilile. Lingo kwidindika kusiga makengelo mabi aba misako zatusindikile kukita bwagi, nu kulama bulingilingi na kanuni za Yehowa.—Soma Isaya 55:6, 7.
2. Buni bukukambya Yehowa bakungu kwa kutukasya ndi twakita bwagi?
Ndi twakita bwagi bunene, Yehowa asolela n’umozi kutuli buno “amane bakungu b’ikundamano.” (Soma Yakobo 5:14, 15, NWT.) Bakungu bekutundaga Yehowa nu bantu bage. Beigisizibwe kutukasya buno tube lingo na bwida busoga gamozi na Yehowa.—Bagalatia 6:1.
Buni bukutukasya bakungu ndi twakita bwagi bunene? Bakungu babili aba basatu bakambye Biblia kwa kutusungula, batulindye mutima nu kutukasa makengelo menatukasya kubembuka kukita bwagi lingo. Benatutikya milimo kishembe mu ikundamano aaba nu ku busi butwagugumanie lingo bwida bweitu gamozi na Yehowa. Kwa kulanga ikundamano, bakungu bekupumbyaga muntu unsania wakita bwagi bunene nu ntekutunda kwigonga.
TUMENYININE
Menya busoga buni bukutukasyaga Yehowa ndi twakita bwagi bunene, nu buni butunamulosya nunse lusimo kububo.
3. Kwigonga kukutukasya kuba lingo na bwida busoga gamozi na Yehowa
Bwagi bunsania bukwinia Yehowa mutima, ukinsa twatunganana kwigonga kweli. Soma Nimbo 32:1-5, nu kusila ibuzye luno lubuzya:
-
Kabamba kakizi buli busoga kwigonga bwagi bweitu ku Yehowa kuteli kulonda kubisa bwagi bwongo?
Kusila kwigonga bwagi bweitu ku Yehowa, twamone bubobelelo ndi twalonda lukasyo ku bakungu b’ikundamano. Lola VIDEO, nu kusila ibuzye lubuzya lwalemba.
-
Mu zeno video, buni bwakitile bakungu kwa kukasya Canon buno asubye ku Yehowa?
Gatukwezezya na bakungu twatunganana kusola binsania bili mu mutima weitu nu kutenda bulili; kubuno beli gago kwa kutukasya. Soma Yakobo 5:16, nu kusila ibuzye luno lubuzya:
-
Kabamba kakizi kutenda bulili kwakite bakungu basasye kutukasya?
Igonge bwagi bwobe, tenda bulili g’ukwezezya na bakungu, nu itabizya lukasyo lwa Yehowa luli na lutundo
4. Kupumbya mwagi mu ikundamano kuli na mutali mukizi?
Ndi muntu akita bwagi bunene nu ntekutunda kulemba kanuni za Yehowa, ntenasigala lingo mu ikundamano. Nti apumbibwa, nu tatwatunganana kutingya nkungu gamozi nage aba kwezezya nage. Soma 1 Bakorinto 5:6, 11 nu 2 Yoana 9-11, nu kusila ibuzye luno lubuzya:
-
Ndi mugago wiswa mu bunga bwa kukita kampampa, mbaselo nti zabe buni? Anga bubo, kutingya nkungu gamozi na mwagi utekutunda kwigonga, kwabe na mbaselo nkizi ku mibuto nu babitu mu ikundamano?
Bantu beingi bekupumbibwaga bekuzindilaga kusubya lingo mu ikundamano, aba buno izugilo libazugindwe lyabalisizye kabebe, tondo lyabakasizye kumenya makosa mabo. (Nimbo 141:5) Lola VIDEO, nu kusila ibuzye lubuzya lwalemba.
-
Mu zeno video, kupumbibwa kwa Sonja, kwamukasizye mu nzila nkizi?
Mu nzila nkizi kupumbya mwagi . . .
-
kukukutya izina lya Yehowa?
-
kukulosya buno Yehowa eli na makengelo masoga nu eli na lutundo?
5. Yehowa ekutusigililaga ndi twigonga
Yesu alisizye musumo ukutukasya kumenya buni bukwijungwaga Yehowa ndi muntu igonga. Soma Luka 15:1-7, nu kusila ibuzye luno lubuzya:
-
Musumo wongo wakwigisya kikizi ku kabamba ka Yehowa?
Soma Ezekieli 33:11, nu kusila ibuzye luno lubuzya:
-
Kikizi kikulosya buno lebelebe muntu igonga na mutima unse?
Anga mulangi wa mikoko, Yehowa ekukungaga nunse bakambi bage
NDI MUNTU AKUSOLELA BUNEE: “Nkukua boba kusolela bakungu bwagi bunakitile, kubuno ninapumbibwa n’ikundamano.”
-
Kikizi kiunasolela muntu uli na mamo makengelo?
MAKENGELO MANENE
Ndi twakita bwagi bunene, Yehowa atusigilile ndi twibezya nunse nu kwidindika kusiga kukita bubi.
Mbuzya za kwikengelesya
-
Kabamba kakizi buli busoga kwigonga bwagi bweitu ku Yehowa?
-
Twatunganana kukita kikizi buno Yehowa asigilile bwagi bweitu?
-
Kabamba kakizi twatunganana kulonda lukasyo ku bakungu ndi twakita bwagi bunene?
LONDA LINGO
Lola buni bwamonile wamulume umozi kyombo kya Yehowa anga bubo bwalosibwa mu Isaya 1:18.
Banazi bekumonaga lingo mutali ndi mwagi apumbibwa?
“Kabamba kakizi Kupumbya Mwagi Kukulosya Lutundo” (Munara wa Mulinzi, 15 Mwezi wa 4, 2015)
Lola buni b’unalosya muntu uteli Mulongeki ikengelo lya kupumbya mwagi mu ikundamano.
“Ndi Balongeki ba Yehowa Bekubembukaga Bantu Babezaga mu Idini Lyabo?” (Musagu wa ku Enternete)
Mu musagu “Natundaga Kusubilila Yehowa,” lola kabamba kakizi wamulume umozi wasigile bulili ijungwaga buno Yehowa amusubanizizye leno kweli.
“Biblia Bikugalukyaga Kalamo ka Bantu” (Munara wa Mulinzi, 1 Mwezi wa 4, 2012)
