KESYAZI!
Butombo bwa Binonge ku Likolo—Biblia Byatenda Kikizi?
Ku kindi 24/05/2022, kibuka kinene kyatingile ku kamwino kakeke ka Uvalde ku Texas, ku États-Unis. Gazeti The New York Times, zalosya buno “wamulume umozi wite kilonge itile bigisibwa 19 nu bigisya 2 . . . ku likolo likumanwa Robb.”
Kinia mutima ntu buno butombo bubo bwetela nunse. Gazeti USA Today, zalosya buno “mu mwaka watingile butombo bwa binonge ku likolo bwabasile mambizi 249 [mu nsi za États-Unis tugu]—kiganzelo kikyo kili kinene kutinga butombo bunsania bwa binonge ku likolo bwabezaga buse bwabasila kutukila mwaka wa 1970.”
Kabamba kakizi butombo anga bubo bukubasila? Buni butunalwanya butombo anga bubo? Ndi tuna katizia buno butombo bukasila busi bumozi? Biblia byakula ku mbuzya zezo.
Kabamba kakizi butombo bwetela mu kisiS?
Biblia byamana nkungu zitukulama muzo “bindi bizinda, NTKI57” nu mu bindi byongo bantu bekaba ‘betekutunda bakwabo’ nu “bakali,” ukutenda bekaba beiti nu batombo. Bubo bwalosya buno bantu babo “bekwitilaga kukita bubi.” (2 Timoteo 3:1-5, 13) Kwakumenya byingi soma musagu “Ndi Biblia Byatendile ku Kabamba ka Misako Zili na Bantu Ono Lelo?”
Bantu beingi bekwibuzyaga buno, ‘Kabamba kakizi Kalaga asigilila bubi anga butombo bwa binonge ku likolo?’ Kwakumona ijakulo lya Biblia, soma musagu “Mambo Mabaya Yanafikia Watu Wazuri—Sababu Gani?”
Buni butunalwanya butombo anga bubo?
“binsania byalingile kusanzwa wakalazi, byasanzilwe buno bitwigisie, buno . . . ku kubobelezia kukutuka ku Masanzo, tube na kilemanizio.”—Baroma 15:4.
Kanuni za Biblia zinakukasya kulwania lukita lwa butombo lwetela mu kisi. Kwakumenya byeingi soma musagu uli n’itoe: “Ndi Butombo Bukasila Busi Bumozi?” uli mu Amuka!
Kwa kumenya buni b’unakasya babuti bakasya bana babo kwilanga na misagu zikwitia boba, soma musgu “Je, Taarifa za Habari Zenye Kuogopesha Zinawaathiri Watoto Wako?”
Ndi butombo bukasila busi bumozi?
“Akulule kalamo kabo ku kubengwa nu kunyagwa [aba ku kumonelwa nu ku butombo, NWT].”—Nimbo 72:14.
“Bakatula myene za nganda kuba mayembe nu masumo kuba tukunda; kilongo takikeitana na kingo kilongo nu . . . tabakeigisibwa kwitana bita lingo.”—Mika 4:3.
Kalaga ekakita bibyo bitenakita banakantu. Bukota bwage bwa mwigulu bukanyonyona bantu bisozi binsania nu kuzindya butombo. Kwakumenya bibyo bikakita Bukota bwa Kalaga, soma musagu “Chini ya Ufalme wa Mungu “Amani Itakuwa Nyingi.’’”