Ntondi zakasene mwemanizi wa Groupe de la Banque mondial ku mwezi wa 6/2022 zalosya buno “mwido wa musanga ukuvwa kwetela mu kisi kinsania.” “Ibei za bintu nu za kulega muntu wakukitila mulimo zikwenda zatandoka, nu bantu tabeli na musanga wa kukukya meijanizio mabo.”

 Fond Monétaire Internationl nuzo zalosya buno “ibei z’idia nu karbiran zabakama nunse, nu bantu beli mu nsi zetela muzambo u basungibwa nunsania.”

 Biblia byatukasya kumenya kabamba kakizi tukukulumana na tunkunku twa mwido musanga, buni butunalwania tunkunku twongo, nu byatukasa kilemanizio kya buno tunkunku twongo tukazinda.

•    Biblia byatenda buno tukulama “bindi bizinda.”​—2 Timoteo 3:1, NTKI57.

•    Yesu atendile buno kunabasinde “miganogano zikeitia boba,” aba bintu bikwitia boba, mu bino bindi bitukulama mubyo. (Luka 21:11) Kubakama nunse kwibei za bintu kukwitiaga nunse bantu boba. Bantu bekwibuzya buni bwabe kalamo mu bindi bikuvwa nu buni bubakukye meijanizio ma bikanga byabo.

•    Kitabu kya Kulolesibwa kyatendile ku kabamba ka kubakama kwibei z’idia mu bino bindi. “Nu nungule ku iyuki. . . . likutenda bunee: “kilindiko kimozi kya ngano [aba] bilindiko bisatu bya shayiri bikuligwa busi bumozi bugimagima bwa mulimo.””​—Kulolesibwa 6:6.

 Kwa kumenya byengi ku kabamba ka “bindi bizinda” nu bulengania buli mu kitabu kya Kulolesibwa, lola video Kisi Kyagalukile Kutukila 1914 nu soma musagu “Wale Wapanda-Farasi Ine​—Ni Nani?”

•    “Nubo bobake numba nu kwikala muzo, nu bayike mizabibu nu kukala biguma byazo. Takwabe lingo buno bobake numba nu bana u beikale muzo; tabayike mbuto nu bango balie biguma byazo.”​—Isaya 65:21, 22.

•    “Nu matubulo mabe meingi gantata ga miduko.”​—Nimbo 72:16.

•    “‘Yehowa ekutenda bunee: “ku kabamba ka kubengwa kwa bazambi nu kulila kwa batamba [aba babo bekumonelwa]; nkuzanzuka kano kaluma, nu nabobelezie wozo u bekubenga.””​—Nimbo 12:5. *

 Bwigi gano Kalaga ekuvwa kusila tunkunku tunsania twa mwido wa musanga, ta mu nsi zimozi tugu tondo mu kisi kinsania. Kwa kumenya buni bwekakita bubo, soma musagu “Ndi Kuli Busi Bukaba Bantu Bansania na Lukita Lumozi lwa Kalamo?”

 Tondo Biblia binakukasya kulwania tunkunku twa kubakama kwibei za bintu aba ono lelo. Mu nzila nkizi? Bili na nsungu zakukasye kumenya buni b’unakambya musanga wobe kwa bwenge. (Misumo 23:4, 5; Musambazi 7:12) Kwa kumenya byeingi soma musagu “Ulinde Mali Yako” nu “Buni Buwakite Ndi Ntuli Lingo na Musanga wa Kukukya Mijanizio Mobe.”