Ku mukundamano wa Conseil de Sécurité des Nations Unies wakitilwe ku kindi kya 19/5/2022, b’emanizi 75 batendile bunee: “gantata na nzala zili mu kisi kinsania bino bindi ku kabamba ka CORONA, bita bya ku Ukraine byalisya lingo nzala nkali mu kisi kinsania.” Kusila tugu nkungu nkeke na gago, gazeti The Economist zatendile buno “gantata na mbabazio zizile mu kisi, nzala zetele nunse mu nsi ningi ku kabamba ka bita bya ku Ukraine.” Biblia byalenganizizye buno nzala zik’etela mu kisi mu bino bindi bitukulama mubyo, nu byatulosya tondi bwakulwania lukita lwongo.

•    Yesu alenganizizye bunee: “Kilongo kikalwana na kingo kilongo, nu bukota bukalwana na bungo bukota, kukaba nzala nkali.”​—Matayo 24:7.

•    Kitabu kya Kulolesibwa kyatendela mu nzila za musumo bantu banazi bekwendaga gantata ga farasi. Umozi kubo asusanizya bita. Wozo walemba kumbusa kwage asusanizia nzala, ukutenda nkungu zikaba mbibu ku bantu kumona idia, nu bantu bekalia bango bikulo kwa kub’usisya idia. “Namonine kwabasa farasi zina. Wozo wabezaga wabakama gantata gazo, abezaga na kilindiko kulindika buzitu mu kuboko kwage . . . Nungule ku iyuki . . . likutenda bunee: “Kilindiko kimozi kya ngano kikuligwa busi bumozi bugimagima bwa mulimo, nu bilindiko bisatu bya shayiri bikuligwa busi bummozi bugimagima bwa mulimmo.’”​—Kulolesibwa 6:5, 6.

 Buno Bulengania bwa Biblia ku kabamba ka nzala nkali bukuzindilila nunse ono lelo, mu bindi bikumanwa mu Biblia “bindi bizinda.” (2 Timoteo 3:1, NTKI57.) Kwa kumenya byingi ku kabamba ka “bindi bizinda” nu bantu banazi bekwendaga gantata ga farasi batendelwa mu kitabu kya Kulolesibwa, lola video Kisi Kyagalukile Kutukila 1914 nu soma musagu “Wale Wapanda-Farasi Ine—Ni Nani?”

•    Mu Biblia muli nsungu zizile menge zinatukasya kulwania mbabazio zitunaba nazo, kwisa munda ibei nkali z’idia aba kwida idia. Lola misumo kishembe kwa kusoma musagu “Buni Buwakite Ndi Ntuli Lingo na Musanga wa Kukukya Mijanizio Mobe.”

•    Biblia byatukasa lingo kilemanizio kya buno bintu bikaba busoga. Byalosya buno mu nkungu zezo ‘matubulo mabe meingi ga kisi’ nu bantu bansania bekaba na idia lyingi. (Nimbo 72:16) Kwa kumenya byingi ku kabamba ka kilemanizio kya Biblia ku nkungu zikuvwa nu kabamba kakizi unakatizia bubo, soma musagu “Kilemanizio kya Bulili ku Nkungu Zikuvwa.”