Satana eli kibumbwa kya muuza kitenamoneka, bubo bwisulilwa buno eli na mubili utenamoneka na meiso ma banakantu.​—Baefeso 6:11, 12.

 Bantu beingi bekukengelaga buno Satana ekubezaga anga mpene zili na mêga, mukila nu kya nkanya kinene. Bantu kishembe bekutendaga buno bilimelime bikulosya bukubezaga Satana, byakitilwe na bantu balemaninaga nunse misagu za wa’kalazi nu makengelolo mabezaga na bantu ku kabamba ka Satana. Nu babo bantu balaminde kuse kwatinga miaka 1.000.

•  Biblia byalosya buni bukubezaga Satana?

•  Masanzo ma Biblia matendela satana

 Biblia byalosya bukubezaga Satana mu nzila zatingana-tingana. Nu bubo bwatukasya kumenya tâ bwekubezaga tugu, tondo nu misako zage. Gazisamba kuli:

•   Mwanzelo wa kyengi. Ekwengelelaga bantu kulemba meigisyo mage nu kusiga za Kalaga kwakubakita bamone buno ekubakasaga bintu bisoga.​—2 Bakorinto 11:14.

•   Nsimba zikuzuga. Ekwitania nunse bakumbamizi ba Kalaga.​—1 Petro 5:8.

•   Nzoka nene. Ekuitiaga boba, eli na magala, nu mubi.​—Kulolesibwa 12:9.