Biblia byalosya buno ntundo za Kalaga ku bantu zili buno ‘b’ibembukye na butazi.’ (1 Batesalonika 4:3) Anga bwatenda Biblia, kitondo ‘‘butazi bute na nsoni [NWT]” kisa munda kweita meiga, bamulume ku bamulume nu bakikulu ku bakikulu kujama gamozi, nu bantu babili betesongana kujama gamozi.

•  Kabamba kabuni kusongana aba kutasongana kwa wamulume nu mukikulu bekujama gamozi kuli kwa mutali lwabusyo lwa Kalaga?

•  Nu ndi leno wamulume nu mukikulu bekujama gamozi kwakumenya ndi benasongana nu kuba na mbogimbogi?

•  Buni buna gugumania basongana isonga lyabo?

•   Kalaga u walingizye isonga. Alilingizye g’abikile gamozi isonga itangi. (Kulinga 2:22-24) Bulingilingi na mpango zage wamulume nu mukikulu betesongana tabenajama gamozi.

•   Kalaga izi kili kisoga ku banakantu. Alingizye isonga buno talilekanuke, tondo likunge nu kulisizya mponga ku bantu bansania ba kikanga. Tueke gono musumo. Makakizio mekutukasaga Kalaga masusania na mamo mekukasanaga mukulumizi wa mbavu kwa kukulumania busoga mbavu buno kisumbi aba meza zimoneke, unu bubo tondi na makakizyo mekutukasaga Kalaga, mekutukasyaga buno t’ungwane busoga mu kikanga. Makakizyo mekutukasaga Kalaga mekubezaga ma mutali kweitu bindi binsania.​—Isaya 48:17, 18.

•   Kujama gamozi lwabusyo lwa kusongana kunaba na mbaselo mbé nunse. Anga, ijeme litalemaninagwa lina moneka, kutolokelwa na nsambo kishembe, nu kutamba mutima nunse. *

•   Kujama gamozi kuli lukaso lwakasile Kalaga ku wamulume nu mukikulu buno babute bana. Kalamo keli kasililila lwabusyo lwa Kalaga, nu kubuta kuli kwa bukuti kweli. Ntundo za Kalaga zili buno tukutye lukaso lwongo nu kwanza makakizyo mage ku kabamba k’isonga.​—Baebrania 13:4.

 Ta kujama gamozi lwabusyo lwa kusongana, u kunakasya kumenya ndi isonga linaba na mbogimbogi galyabe ko. Bwatingana na bubo, mwezezyo w’isonga uku gugumana geba nawe gesamba basongana alemanina munyage, nu gabekwikasana nunse kwakusila mankunku gamozi. * Isonga liku gugumaniaga mungwano gesamba ba mukazi n’iba.​—Matayo 19:6.

 Takukubezaga isonga lya sililila. Tondo, basongana benakita isonga lyabo kuba na mbogimbogi kwakulemba nsungu za Biblia. Gazisamba kuli:

•   Nawe nteikengele winyene.​—1 Bakorinto 7:3-5; Bafilipi 2:3, 4.

•   Nawe endelele kwanza nu kutunda munyage.​—Baefeso 5:25, 33.

•   Jigisye kusongolola matenda mobe.​—Misumo 12:18.

•   Losya nkiki nu ba kayikayika kusigilila.​—Bakolosayi 3:13, 14.