Kitondo “Mulembe musoga nunsania” takili mu Biblia. Tondo bantu beingi bekukambyaga kitondo kyongo kwa kutendela kanuni za mwendezi zigisizye Yesu. Ku meigisya mage ma menywa nunse na bantu mekumanoa Meigisya ma Gantata ga Mwiduko Yesu atendile bunee: “Umpanga bubo bumukutunda bango bantu bamukitile, u bubo nu inyuwe bumubakitile“ (Matayo 7:12; Luka 6:31) Buna bulwa lingo buno kwa kutendela Mulembe musoga nunsania: “Kitila bango bubo b‘unatunda bakukitile nugowe“—Encyclopedia of Philosophy.

•  Mulembe musoga nunsania uli na mutali mukizi?

•  Kabamba kakizi Mulembe musoga nunsania uli wa mutali

•  Ndi Mulembe musoga nunsania walemanina tugu kukasana kwa muntu na munyage?

•  Buni b‘unakambya Mulembe musoga nunsania?

 Mulembe musoga nunsania watuzegela kukitila bango anga bubo butunatunda batukitile nu beiswe. Lingo bantu beingi bekutundaga bango babalosye makitilo masoga, lwanzo nu lutundo. Lebelebe ‘bubo u butukitile‘ bango.​—Luka 6:31.

 Mulembe musoga nunsania uku kambibwaga mu nzila insania za kalamo. Anga, una . . .

•   Gugumania isonga.​—Baefeso 5:28, 33.

•   Lukasyo ku babuti bekulela Bana.​—Baefeso 6:4.

•   Kukuzya mwezezio musoga gamozi na biida, bajirani nu baneitu na nkazi.​—Misumo 3:27, 28; Bakolosayi 3:13.

 Mulembe musoga nunsania walemanina nunse meingi gesamba bitabu bya masanzo ma idagano ikulu. ”Kubuno bubo u mulembe [bitabu 5 bitangi bya Biblia] nu bulengania [bitabu bya bulengania],” bubo u bwisulilwa bwa kanuni ka mwendezi katendelaga Yesu. (Matayo 7:12) Buna bulwa lingo buno, kanuni kanene nunsania ka idagano ikulu, u kubula kako katenda bunee: tunda munyobe, keli munda mwa Mulembe musoga nunsania.​—Baroma 13:8-10.

 Kilo. Mulembe musoga nunsania walemanina kukasa bango. Kubuno gakesene Yesu Mulembe musoga nunsania ntatendelaga tugu bwakukitila bantu kishembe, tondo atendelaga aba bwakukitila basombi (bitamba) byeitu. (Luka 6:27-31,35) Buli bwase buno Mulembe musoga nunsania watuzegela tukitile busoga bantu bansania.

1.  1. Songolola bintu busoga. Idendeke kumenya bukulama babo bakutimba. Anga unamona ku muntu wida idia, aba kungwa buno jirani wobe kishembe eli ku lupitalo aba kubasila kumenya buno muntu kishembe umukukambaga nage gamozi atamba mutima. G‘uku ‘kengela bitondo bya bango‘ wamone lebelebe kiziki kya kutenda aba kukasya bango nunse mu nzila kishembe.​—Bafilipi 2:4.

2.  2. Losya kyombo. Ibeke ku kiziki kya bango. Buni bu unajungwile ndi unabede mu lukita lulo? (Baroma 12:15) Wabe na nkasa za kukasya bango, g‘ukwidendeka kumenyinina bubekwijungwa.

3.  3. Ntwemanine tugu ku bukishembe. Menya buno bantu batingana-tingana. Unatunda aba kusomba bakukitile bibyo bikutunda kukitilwa bango. Kasi gesamba bintu byeingi by‘unakita, idendeke kukita bibyo byabatananizye nunse.​—1 Bakorinto 10:24.