Ndi Maria U Nina wa Kalaga?

Imbya odio aba lola video kwakusombola mutendezi

Lwakulo lwa Biblia

Kilo, Biblia tabyigisya buno Maria u nina wa Kalaga, lingo tabya losya buno bakristo batunganana kumu kumbamina. * Kengela ku bubuno:

Maria nt’ikakaga buno eli nina wa Kalaga. Biblia byalosya buno abutile tugu “Mwana wa Kalaga,” ta Kalaga wa bulili.—Marko 1:1; Luka 1:32.
Yesu ntatendile aba busi bumozi buno Maria u nina wa Kalaga aba atungananine kukaswa lutanuno lwa kwikazi. Bwatingana na bubo, abezizye mukikulu wakasile Maria lutanuno lwa kwikazi anga bubo bwabezaga nina, nu kubula: “Mbogimbogi nunse ku babo bekungwa ku idagi [“Kitondo” NWT] lya Kalaga nu kulyanza.”—Luka 11:27, 28.
Bitondo “Nina wa Kalaga” nu “Theotokos” (wabutile Kalaga) tabili mu Biblia.
Kitondo “Mukota mukikulu wa kwigulu” kili mu Biblia, takikutendela Maria, tondo Kalaga ka mukikulu kakumbaminaga Baisraeli babezaga baguni. (Yeremia 44:15-19) “Mukota mukikulu wa kwigulu” enabede Ishtarti (Astarte), Kalaga ka mukikulu ka Bababuloni.
Bakristo ba nkungu za basengwa tabakumbaminaga Maria aba kumukasa lutanuno kishembe lwa kwikazi. Mukikulu umozi wijigisizye misagu za w’akalazi alosya buno bakristo ba nkungu za basengwa “basombaga nunse kukumbamina muntu aba kintu, nu bakwaga nunse boba kukasa Maria lutanuno lwa kwikazi, kubuno kukita bubo kunakitile bamoneke buno bekukumbamina Kalaga ka mukikulu.”—In Quest of the Jewish Mary.
Biblia byatenda buno Kalaga eli wa milyalya. (Nimbo 90:1, 2; Isaya 40:28) Kubuno nteli na kulinga, ntenaba kasi na nina. Lingo, Maria nteneikile Kalaga mwage munda; kubuno Biblia byalosya bwase-bwase buno meigulu mo menyene tamenamukuka.—1 Bakota 8:27.

Maria—Nina wa Yesu tondo ta “Nina wa Kalaga”

Mari abezaga Muyaudi wakubutwa, nunse wakibuti kya mukota Davidi. (Luka 3:23-31) Amonde nunse mponga za Kalaga kutingila bukatizio nu bulandania bwage kweli. (Luka 1:28) Asombwedwe na Kalaga kuba nina wa Yesu. (Luka 1:31, 35) Maria, abutile bango bana na Yosefu iba wage.—Marko 6:3.

Aba buno Biblia byalosya buno Maria abasile kuba musengwa wa Yesu, tondo tabyamutendela nunse.—Misako 1:14.

Kabamba kakizi bango bekumonaga buno Maria eli nina wa Kalaga?

Kalolesio katangi kalosya nkungu zalingile ku kumbaminwa kuzo Maria keli ka mu siekle 4 za nkungu zeitu. Mu nkungu zezo, Kanisa ka Katolika kabaside kuba kanisa ka bukota bwa Roma. Bubo bwakitile buno bantu beingi babezaga ba pakano babasile nubo kumanwa bakristo. Lingo, Kanisa kongo kitabizizye meigisya meteli ma Biblia ma busatu bwa Kalaga.

Meigisya ma busatu bwa Kalaga u makitile bantu beingi mu makanisa bakengele buno, ndi Yesu abezaga Kalaga, kasi Maria eli nina wa Kalaga. Mu mwaka wa 431 wa nkungu zeitu, ku musanganano wa Kanisa kishembe wakitilwe ku efeso babwide bwase-bwase buno Maria eli “Nina wa Kalaga.” Kutukila gago, kukumbamina Maria kwakukile nunse. Nu gendelelaga ba pakano kwingela mu Kanisa, nkisi nu bikeko bya Maria byekile biziki bya tulaga twabo tukikulu . . . , anga Artemis (Diana, wa Baroma) nu Isis.

Mu mwaka wa 432 wa nkungu zeitu, Papa Sixtus 3 akasene ikakizio lya k’obaka kanisa ku Roma ku lutanuno lwa “Nina wa Kalaga.” K’obakilwe bwigi na numba z’ikumbamelo z’obakilwe ku lutanuno lwa Lucine, Kalaga ka mukikulu ka kubutoa ka Baroma. Musanzi kishembe atendile buno ku kabamba ka kanisa kongo, “kalolesio kete nakuzinda kalosya bwekile ikumbamelo lya Maria lyeka kiziki kyikumbameno lya Nina Munene, Kalaga ka mukikulu kakumbaminaga bapakano, mu nkungu zabasile ba pakano kuba bakristo.”—Mary—The Complete Resource.

^ Madini kishembe mekwigisyaga buno Maria u nina wa Kalaga. Bekumumonaga kuba “Mukota mukikulu wa kwigulu” aba Theotokos, kitondo kya Kigiriki kisulilwa “wabutile Kalaga.”

Zingo Misagu

Kalaga Biblia Mbuzya Zalemanina Biblia Z‘akulwa

Balongeki ba Yehowa

Ndi Maria U Nina wa Kalaga?

Lwakulo lwa Biblia

Maria—Nina wa Yesu tondo ta “Nina wa Kalaga”

Zingo Misagu

You May Also Like

Sega Kutabangilwa