Darasa 148 nae iddoro Galaadi nǎ ná kpa bae ndima dhó diplome na ddoe njonjo nja ddo krʉ ro ro dhonalo kpadhó diplome le bbʉ ná dyi nzá nrŭ sieri. Krʉ le nzingʉe ná nrŭ dyøe fø programu da ngana ro. Fø dhe bae nga ná saa na, Yova dzá tengenezo gbae lotso le bani na nalo na.

Fø programu dae bi 3 ddo 14, 2020 nǎ, Yova dzá Dimu adi loddi Patterson, New York nǎ na ngana. Le-djo Stephen Lett, Lodho chutso dda ná che na le d’ri ná ke i ngʉe programu dhi prezida. Fø diplome bae ná kpa dhó hesabu e 55. a

Fø diplome kpa ba nari njí COVID-19 nyangʉe ndi nanga dz’ djo lú gble. Ddiddi ri ndieni ø lo le ba jw.org djó nanga na nari bbai Yova dzá Dimu dhó lodhi bbo bbagʉ kʉ ná kpa nengʉeri ndima chu pikpa po nalo ndiro ndima bbʉ njonjo kʉ ná maagizo kutaniko dho d’e Coronavirus dzá lodho.

Fø maangizo kana ddi ri kʉ nzɨ le njuni bí ro. Føri dza lodho, Lodho chutso dda ná che na le d’ri ná kpa pori nzɨ arugʉ kʉ ná nrŭ si programu dho. Føri goti kpa pori nzɨ nrŭ ki si diplome le bbʉ na ngana. Beteli nǎ nrŭ ma, darasa nae ná kpa ma na dhoe bblo kʉ ná loroji nga ndima rr nari na.​—Yohana 13:34, 35.

Ro, da ngana ro le nji ná njudha koe Gileadi nǎ darasa na nrŭ nzie ná kpa tsotso ma ndirigoti Beteli na nrŭ tsotso maddi. Føri lieri 10 000 kʉ ná le djoi ma, le vei ma na dyø fø programu dz’ djolú gble, fø kpa kana e diplome ba ná kpa dhó kau ma, ndirigoti kpadhó famiye ma.

Lodho chutso ddá na che na d’ri ná kpa jiri, ko di kiroho na nyo ba krʉ yenga ddo ro ni mai COVID-19 nrŭ nza ro. Lodho chutso ddá che na le d’ri ná kpa d’ra filiale ka ndi dyø nalo dz’ djolú gble ndiro kpa chu ngbaribbai ma njonjo kʉ ná kutaniko na nrŭ ka ndima njuni afø di nalo banga ro nari d’e, lod’ra ná nrŭ dho ringani ndima “njuni’’nga bí ro inga da ngana ro video chulú nja ndima ndima nja ro. Ko uri u ko djoi ma, ko vei ma na dz’ djolú gble ka ndima ba kiroho nǎ nyo nzá ndi nanga d’ini ro njonjo kʉ ná kutaniko lú.

Rinjani pʉlʉpʉlʉ, ddikpa lo ma nzáddi ka ndi cho Yova tsoro ndidzá tengenezo tsotso ndi ko nari ro ri, rie kpakpalo dhi saa na ma ro.​—Zaburi 18:29.