COVID-19 milioni kʉ ná Yova dzá Dimu nza, ndirigoti kpa kpakpanga nji nja ndima rrnga ndima di nanga na pikpa dho ndirigoti Yova dhó tengenezo na lo dho maddi d’e. Fø dhe nrŭ nza nanga na, filiale nǎ ko djoi ma, ko vei ma na njí nji i ddoro le ja nalo na lod’radha dhi njí kana.

Pisa nǎ, Italy nǎ ddikpa le-djo pori i: “Kodhó lod’radha dhi njí ra anzi bblo! Bí kʉ ná nrŭ e abba ná saa na, ko e lod’ra nrŭ dho mabbá le ma na telefone chulú nja ko ko nja ro. Ko Biblia nǎ longa ne bí kʉ ná nrŭ ma na ndirigoti ko bí nrŭ ronga be lod’radha dhi nji kana, føri kʉ drdr na koe loti ná nrŭ ma, i ddoro na ko nga lotidha tso ná nrŭ ma, føri bbʉ bblo kʉ nalo.”

Corée du Nord nǎ, fø dhe chò bí kʉ ná wahubiri ronga ndima nji njí bí ina kodhó site jw.org na ndirigoti JW library na. Lorojina, nzá nga ndi ddi ro, kodhi djona ddikpa bae barua drdr na ndima ngʉ adi Biblia nǎ longa ne na ná ke dhóro b’lo cho da gbo nari goti. Biblia nalo ngʉ jifunza ná fø ke pori, fø dhe liri ndi famu ri ko di nga sini ná saa na. Le-djo choe nga sini nari djo loti nalo ndidhó drdr na ndima ngʉ nga jifunza ná ke dho JW Library djó. Le-djo pori ri kʉ kpakpa ka ndi li ko nalo, nga sini ná ridho ná alama liri bí kʉ ná nrŭ ddinga ndima dhó kiroho nalo djo.”

Njonjo kʉ ná filiale nǎ ro si dz’ djolú gble nalo ridho ko djoi ma, ko vei ma na nja lod’radha dhi nji mana na bbo. Ri kʉ ké ka ndi ke le nanga nalo, le-djoi ma, le vei ma na lo nji “nyodyu na” nja ndima ra anzi lod’radha dhi njí na d’e.​—Mika 6:9.