Ø le chi ná fø nga kʉ Congo-Kinshasa nǎ Lubumbashi nǎ, fø nga sie Tawi nǎ bbò biro. Kinshasa nǎ Beteli nǎ ro 260 kʉ ná ndrŭ si ra Lubumbashi na 2022 nǎ Bi 5 djó ro ndirigoti Kinshasa nǎ Beteli na ndrŭ si ma 131. a Ndirigoti nja nga chidha ma, nja biro chidha ma na tso le nga b’lo Kinshasa nǎ Tawi kuso chøchø kʉ ná nga na. Ndidhi ngana Beteli nǎ 48 kʉ ná ndrŭ si ra 2024 nǎ Bi ya kwanza goti. Føri krʉ si Congo nǎ Yova dzá Dimu dhó njí ra anzi nari tsotso ko.

Cho 2021 nǎ lod’radha dhi njí kana, Congo-Kinshasa nǎ ko djoi ongoza ná funzo e 250 000 djolu. Yesu dzá dhe nga le no ná ngana sie ná ndrŭ dhó hesabu dae da milioni ddi djolu. Kinshasa nǎ Beteli nǎ kpadjo ndrŭ kʉ 394.

Kinshasa nǎ Beteli nǎ didha dhi nga nzá kae fø ndrŭ krʉ dho ri nari dho, le-djoi nee nga d’i vile na. Kpa bangʉe ddikpa bblo kʉ ná nga Lubumbashi na, ná nga thoe nga tho le chi d’i Tawi ndirigoti nja dza ki maddi gosi ná saa na.

Kinshasa nǎ ro Lubumbashi kʉ kilometre 2 300. Fø Beteli kʉ hektare 12. Fø nga na le si chi nari kʉ ndrŭ si di nǎ ná njonjo kʉ ná dza ma, njonjo kʉ ná biro ma, depo ma, nga le nyo nǎ ná dza ma, kpà dhi nga ma na.

Fø nga chidha tso le ngangʉe 2020 nǎ Bi 11 na, ro fø njí nzá rae anzi lele Coronavirus dzá lo dho ri.

Kinshasa nǎ Tawi nǎ komite nǎ le-djo Robert Elongo pori ɨ: “Nja frotiere nǎ ro nzɨ le ngʉ da nja frotiere na ri. Føri dho nga le chi na ná ritsi le ba nari ngʉe kpakpa bbo, ná føri lingʉeri njí bbí dzodzo.”

Nì mai rie fø ro Le-djo Elongo pori, “Cho ddikpa kana dhé, fø njí dzá 40% njingʉeni nji.”

Føri dho rinjani nari kʉ Yova le fø dza chidha dhi njí ronga ngbà. Ko rinzi nari kʉ ø le chi ná fø nga bbʉ bblo kʉ ná ushaidi Yova dzá ndrŭ djo ndirigoti ri bbʉ madha Yova Mungu ró dho dho.​—Matayo 24:47.