Bi 2 ddo 20, 2022 nǎ le dr’ae Tafsiri ya Ulimwengu Mupya, Maandiko ya Kigiriki ya Kikristo vʉ Kipende nǎ nari. Føri le njie b’lo le arejistre ná programu chulu. Congo (Kinshasa) nǎ Tawi nǎ Komite nǎ Le-djo Nicolas Hifinger, d’rae fø Biblia dzá elektronike vʉe nari ndirigoti fø lø rr e ná wahubiri e chøchø 10 000. Papie dhi ri si vʉ bi 4 nǎ 2022 nǎ.

Yova dzá Dimu dhó historia tso ngangʉeni Kipende dhi luga ndrŭ ti nǎ ná eneo nǎ cho 1960 na, ddikpa Dzamu dhi Munara ndrŭ bbʉngʉe fø eneo nǎ Makanda Madinga Henri ró dho kʉ ná ke dho ná saa na. B’lo ke zø lo ri nǎ lo nari goti, ke ungʉeri u nari kʉ ri nǎ kʉ bbʉbbʉlo ndirigoti ke ngangʉe ri nǎ ro ndi jifunza ná lo d’radha tso nja ndrŭ dho. Ke bangʉe batiso ndirigoti ke ngʉngʉe Yova dzá Dimu. Føri goti, Kipende dhi luga nǎ kutaniko tso klongʉeni Kiefu dhi bbagʉ 1979 na.

Fø tafsiri si le-djoi ma, le-vei ma na tsotso ko ndima dhó funzo la pekee kana ndirigoti lod’radha dhi njí kana maddi. Loroji na, Le-djo Hifinger d’raeri nari kʉ fø tafsiri kʉ “d’ʉ ndirigoti wazi,” ndirigoti “ri nǎ le ngʉ Yova ró dho nì ri ngʉe drdr tafsiri nǎ ná nga lú.”

Ko sala nji fø Tafsiri ya Ulimwengu Mupya kó le-djoi tsotso ndiro ndima rá anzi “nì ndima tunda ó bblo kʉ ná njí krʉ kana ro ndirigoti nì ndima ra anzi Mungu dzá d’ʉ kʉ ná lochudha kana ro.”​—Wakolosai 1:10.