Fudjo ndrŭ nji nari tso ká ka si dyani dya?
Fudjo ndrŭ njí nari goti ni ka ni dhuri ni tso: ‘Mungu ká fø lo nja nì? Fø ritsi ká njini addudho? Fudjo ndrŭ nji a nari tso ká ka ndi si dyani dya? Ma ká ka ma ishi ma na do na ngbaribbai?’ Biblia ngʉ fø lo goti pɨ ka ndi pɨ le iso nari bbai.
Mungu ká adi ndi mbu ngbaribbai fudjo ndrŭ nji ná lo dho?
Mungu ndroe jeuri ma, fudjo ndrŭ nji nari ma na ndro. (Zaburi 11:5; Mezali 6:16, 17) Yesu, kaka nari bbai ndi Mungu dyø ro ongʉe o ndi unakpa na jeuri kpa ngʉ ji ndima njí ná saa na. (Matayo 26:50-52) Nì mai ri kʉ føro, nja ndrŭ adi ripo ndima jeuri nji Mungu ro dhó na, ke nzá ka ndi u fø di ná lo tso ro ri. Bbʉbbʉ dhé, ke nzɨ adi kpadhó sala ro ma rr ddi ri.—Isaya 1:15.
Mungu adi ndi dyu li nzanzani ná ndrŭ krʉ ro, føri tsu ndi nǎ fudjo ndrŭ nji nari dzá lo dho nzani ná ndrŭ maddi. (Zaburi 31:7; 1 Petro 5:7) Godhé, Biblia rid’ra Mungu si jeuri ndrŭ tso d’ød’ø.—Isaya 60:18.
Fudjo ndrŭ nji dho ná lo
Biblia rid’ra ɨ fudjo ndrŭ nji dho ná lo djo: “Ndrŭ adi pinyo ndrŭ djo ndrŭ nzadha dho.” (Muhubiri 8:9) Historia ridho nari kʉ, kpakpanga na kʉ ná ndrŭ ke do tá ndima lai ndrŭ na ndima nzá na ndrŭ d’e. Nja ndima ø ndima nzani nari be d’e, ndrŭ ke fudjo nji.—Muhubiri 7:7.
Fudjo ndrŭ nji nari tso si dyani dya
Mungu tsoni ndi si do ndrŭ nji nari ma, jeuri ndrŭ nji nari ma na tso d’ød’ø ndirigoti ndi si goi li dz’ djo. (Isaya 32:18; Mika 4:3, 4) Ke si:
Fudjo ndrŭ nji dho ná lo tso si d’ød’ø. Mungu si ndrŭ dhó guvernema thika ø ndidhó dz’ djolu gble si pinyo ná guvernema na. Fø pidhinga nǎ Pi Yesu Kristo, si do ndrŭ nji nari ma, nza ndrŭ nzani nari ma, ndirigoti jeuri ma na krʉ tso d’ød’ø. (Zaburi 72:2, 14) Fø saa na, ddikpa le ma nzɨ ddi si fudjo ro nji ri. Ndrŭ “si kʉ bbo pli kʉ ná ngoi hwè nji.”—Zaburi 37:10, 11.
Fudjo ndrŭ nji nari bbʉ ná matokeo krʉ tso si d’ød’ø. Mungu si fudjo ndrŭ nji nari lø ronga ná ndrŭ krʉ gøgø, rie kimwili ró ma, inga kiakili ró ma ró. (Isaya 65:17; Ufunuo 21:3, 4) Ke tsoni nari kʉ checheni ná ndrŭ krʉ ndi si gaga, ke si kpa ngʉ shi ngoi kʉ djó ná dz’ djo.—Yohana 5:28, 29.
Biblia bblo kʉ ná sababu bbʉ ko dho nja ko u kar nga goti Mungu si nji ná lo d’e. Nì mai ri føro, ni ka ni dhuri ni tso, ‘Mungu ká fudjo ndrŭ nji nari tso dya théi nzɨ addudho?’ Ndiro ni ba fø logoti anja, video Sababu Gani Mungu Anaacha Mateso?
a “Fudjo ndrŭ nji nari” kʉ le njinji ddikpa ritsi na nja le tá do ndrŭ na, le weza njonjo kʉ ná lo d’e, føri kʉ politiki dhi lo ma, dini dhi lo ma ndirigoti sosiete nǎ nja lo ma na. Nì mai ri kʉ fø ro, nja ndrŭ nzá ka ndima u ndima nji ná lo kʉ fudjo nari ro ri.
You May Also Like
BIBLIA NǍ BBOBBO MAFUNDISHO
Mungu ká bbarie nga nzadha dho addudho?
Biblia ngʉ kpakpa ka ndi li le ná logoti.
