SOMO 16
Yesu ká ngʉ addu nji dz’ djó ndi ngʉe ná saa na?
Bí kʉ ná ndrŭ adi riddi Yesu kʉ ddikpa re ngba, ddikpa nyodyu dhi nabi inga chøchø kʉ dhe ró ná ddikpa ke. Ro dz’ djó ke ngʉe ná saa na, ke njingʉe ná lo djo ko di ngaddi ró, ká ko ka ko chulo bbo ke djo ddi? I somo nǎ, ko si loti Yesu njingʉe ná bbo pli na mana kʉ ná lo djo ndirigoti ngbaribbai ma føri ka ndi kó ni tsotso nari djo.
1. Yesu dhó bbò njí ká ngʉe addu?
Yesu dhó bbò njí ngʉe “ndi d’ra Mungu dhó Pidhinga dzá hwè lo-i.” (Azø Luka 4:43.) Ke ngʉ d’ra ná hwè dhi lo-i ngʉe, Mungu si ndidhó Pidhinga inga guvernema li ndirigoti ri si ndrŭ adi bani na ná kpakpalo krʉ tso d’ød’ø. a Yesu d’rangʉe kpakpa ka ndi lie ndrŭ ná fø lo ndrŭ dho cho gbo na nusu kana kpakpanga na.—Matayo 9:35.
2. Yesu ká ngʉ ddù nji addudho?
Biblia tilo “[Yesu] chulu Mungu njingʉe ná bí kʉ ná ké dho le nanga keni ná njí djo, ddù djo, ndirigoti alama djo.” (Matendo 2:22) Mungu dhó kpakpanga chulu, Yesu ngʉe uwezo na nononi ná ritsi dhó kpakpanga djo, ndi bbʉ nyo mamilioni kʉ ná ndrŭ dho, ndi gø dhe, ndirigoti ndi ngʉ checheni ná ndrŭ shi. (Matayo 8:23-27; 14:15-21; Marko 6:56; Luka 7:11-17) Yesu ngʉ nji ná ddù ngʉ ridho pʉlʉpʉlʉ ke Mungu cho. Føri ngʉ ri ki dho godhé nari kʉ, Yova kʉ kpakpanga na ndi si ko bani na ná kpakpalo krʉ tso d’ød’ø.
3. Yesu njingʉe ndidhó maisha nǎ ná lo nǎ ro ká ko ka ko ba ngbá somo?
Yesu rrngʉe nga Yova dho krʉ kʉ ná lo kana. (Azø Yohana 8:29.) Ni mai ndrŭ ngʉ kedhó lo gʉgʉ ro, ke njingʉe ndidzá Baba pongʉe ndi nji ná lo chí ndi tøni ro ndirigoti kpø ndi dhedhe ná ngadjo. Ke dhongʉeri nari kʉ, ri ka ndi kaka le njinjí Mungu dho rie ngbǎ di ná kpakpalo kana ma le kʉ ri ró. Fø lo dho Yesu bba “loroji [ko dho] ndiro ko dyø ndi kowu chøchø ngana ro d’e.”—1 Petro 2:21.
ANE LONANGA BBO
Anja ngbaribbai ma Yesu ngʉ hwè dhi lo-i d’ra ndirigoti ke ngʉ ddù nji nari.
4. Yesu ngʉ adi hwè dhi lo-i d’ra
Yesu ngʉ adi ra lod’ra da ngana hø kʉ nǎ ná chulu ma, ndiro ndi d’ralo bí kʉ ná ndrŭ dho d’e. Azø Luka 8:1, ndirigoti anitilo i ngadhudha djo:
-
Yesu ká ngʉ adi lod’ra ndi kuso nju ndima tso ná ndrŭ dho dhé?
-
Yesu ká ngʉ adi ngbá kpakpanga nji ndiro ndi ba ndrŭ d’e?
Mungu pongʉeri Masiya ka ndi drae hwè dhi lo-i. Azø Isaya 61:1, 2, ndirigoti anitilo i ngadhudha djo:
-
Yesu ká lingʉeri fø unabi njini ngbaribbai?
-
Ni ká riddi njʉ ma ndrŭ dhó lo jiri ndima rr hwè dhi lo-i ddi?
5. Yesu ngʉ bbo na mana kʉ ná lo ddi
Yesu ngʉ Mungu dhó Pidhinga d’ra ndirigoti ke ngʉ bbo na mana kʉ ná lo ddi ndrŭ dho. Anja ngøtsi djó ke njingʉe ná bbo churieni ná mahubiri nǎ ke bbʉngʉe ná loroji ro. Azø Matayo 6:14, 34 ndirigoti 7:12, ndirigoti anitilo i ngadhudha djo:
-
Yesu ká bbʉngʉe ngbá bblo kʉ ná shauri ɨ maandiko nǎ?
-
Ni ká riddi fø shauri ka ndi kó le tsotso njʉ maddi?
6. Yesu ngʉ ddù nji
Yova bbʉngʉe kpakpanga Yesu dho, nja ke nji bí kʉ ná ddù d’e. Ndiro ni nja fø loroji ro ddikpa d’e, Azø Marko 5:25-34 inga aninja VIDEO. Ndirigoti anitilo i ngadhudha djo.
-
Video nǎ ni njari nari bbai, dhe dhi isɨle ká ungʉe ngbá lo?
-
Fø ddù ká thonga tho addu dzá lo dho?
Azø Yohana 5:36, ndirigoti anitilo i ngadhudha djo:
-
Yesu njingʉe ná ddù ká ngbá “loddi” ke djo?
Ni ká churi ngbà?
Ko adi lochu bbo Yesu djo Biblia nǎ Enjili le nzi ná buku nǎ ro—Føri kʉ Matayo, Marko, Luka, ndirigoti Yohana. Enjili krʉ tu lonanga njonjo kʉ ná chulu Yesu djo. Tho (4) kʉ ná fø enjili krʉ d’ra ná lo ko tsotso kó, ko famu Yesu dhó maisha bblo pli d’e.
-
MATAYO
ndingʉe ya kwanza Enjili. Ri loti Yesu dhó mafundisho djo, ndirigoti bbo ri loti Yesu ngʉ ddi Mungu dhó Pidhinga djo ná lo djo.
-
MARKO
ndingʉe sese pli kʉ ná Enjili. Ro ri loti lø ka ndi lø le thí ronga ná bí kʉ ná lo djo.
-
LUKA
tilo bbo sala djo ndirigoti ngbaribbai ma Yesu ngʉ njini isɨ ndrŭ na nari djo.
-
YOHANA
tilo bbo ngbaribbai ma Yesu ngʉ loti ndidhó bbakau na ndirigoti nja ndrŭ na nari djo. Føri ko tsotso kó ko chu Yesu ká ngʉe ngbǎ di ná ke ma nari.
NJA NDRŬ ADI RIPO: “Yesu ngʉe bblo kʉ ná ke, ro ke nga ngʉe Masiya ri.”
-
Nde ni ká adi riddi ngbǎ?
LO DZÁ DɄNGA
Yesu ngʉ adi lod’ra Mungu dhó Pidhinga djo, ke ngʉ ddù ma nji ndirigoti ke ngʉ ngarr Yova dho krʉ kʉ ná lo kana.
Lo djolu le ngʉ nari
-
Yesu ngʉ nji dz’ djó nari ká kʉ bbo na mana kʉ ná ngbá njí?
-
Yesu ngʉ nji ná ddù ká ngʉ ngbá lo dhǒ?
-
Yesu ká ddingʉe ngbá bbo na mana kʉ ná lo?
NI KA NI CHU NÁ NJA LO
Yesu ká ngʉ adi loti bbo ngbá lo djo?
“Ufalme wa Mungu—Sababu Gani Yesu Anauona Kuwa wa Maana?” (Munara wa Mulinzi, 1 Mwezi wa 10, 2014)
Akonja addudho ma ko ka ko u Yesu njingʉe ná ddù u nari.
“Miujiza ya Yesu Inaweza Kukufundisha Nini?” (Munara wa Mulinzi, 15 Mwezi wa 7, 2004)
Azø ngbaribbai ma Yesu ngʉ ndi bbʉ nja ndrŭ tsotsokodha dho nari lengʉe ddikpa kedhó maisha thika nari.
“Nilikuwa Mwenye Kujifikiria Sana Katika Maisha” (Munara wa Mulinzi, 1 Mwezi wa 10, 2014)
Anja Yesu njingʉe ná bbo na mana kʉ ná ritsi dhi liste ringʉ njini nari bbai le kpe ndi ro.
“Matukio Makubwa Ya Maisha ya Yesu Katika Dunia” (Biblia—Tafsiri ya Ulimwengu Mupya, Nyongeza A7)
a Somo 31-33 nǎ ko si loti bbo Mungu dhó Pidhinga djo.
